Turkey Parliament Brawl: સંસદ કે રણમેદાન? સાંસદોએ એકબીજા પર વરસાવ્યા મુક્કા

Turkey Parliament Brawl : ટ્રેક્ટર અને ડરની વાતો

આ હંગામાની શરૂઆત ત્યારે થઈ જ્યારે સત્તાધારી 'જસ્ટિસ એન્ડ ડેવલપમેન્ટ પાર્ટી' (AK પાર્ટી) ના બુર્સાના સાંસદ મુસ્તફા વરંકે પોડિયમ પરથી મુખ્ય વિપક્ષ 'રિપબ્લિકન પીપુલ્સ પાર્ટી' (CHP) પર સીધો પ્રહાર કર્યો. વરંકે કટાક્ષ કરતા કહ્યું કે, "તમારા સામાન્ય અધ્યક્ષને અહીં બોલાવો, તેમને મારાથી ડરવાની જરૂર નથી." વધુમાં તેમણે આક્ષેપ કર્યો કે વિપક્ષી નેતા ઓઝગુર ઓઝેલે ખેડૂતોને મફત ટ્રેક્ટર આપવાનું વચન આપ્યું હતું, જે હજુ સુધી પૂર્ણ થયું નથી. આ નિવેદને વિપક્ષી સાંસદોમાં રોષ ભરી દીધો હતો.

🚨 WATCH: Fights in the Turkish parliament pic.twitter.com/DTnXlb8Fpv

— Raylan Givens (@JewishWarrior13) December 22, 2025

ગૃહ રણમેદાનમાં ફેરવાયું

વિપક્ષી નેતા ગોખન ગુનાયડિને આ આક્ષેપોને 'સસ્તી રાજનીતિ' ગણાવી વળતો પ્રહાર કર્યો. ચર્ચા દરમિયાન જ્યારે વિપક્ષી નેતા અલી માહિર બસારિર વિરોધ કરવા ઊભા થયા, ત્યારે વાત ધક્કા-મુક્કી સુધી પહોંચી ગઈ હતી. જોતજોતામાં બંને પક્ષના ડઝનબંધ સાંસદો સામસામે આવી ગયા અને પોડિયમ પાસે જ એકબીજા પર મુક્કા વરસાવવાનું શરૂ કર્યું. સુરક્ષાકર્મીઓ અને અન્ય નેતાઓ આ જંગ રોકવા વચ્ચે પડ્યા હતા, પરંતુ ઉશ્કેરાયેલા સાંસદો કાબૂમાં આવતા નહોતા. અરાજકતા એટલી વધી કે સંસદ અધ્યક્ષ નુમાન કુર્તિલમુશે તાત્કાલિક અસરથી સત્ર સ્થગિત કરવાની જાહેરાત કરી હતી.

હિંસા છતાં બજેટ પસાર

આશ્ચર્યજનક વાત એ છે કે આટલી મોટી હિંસા અને તણાવ છતાં, સંસદે તેના નિર્ધારિત લક્ષ્યાંકો પૂરા કર્યા હતા. જ્યારે સત્ર ફરી શરૂ થયું, ત્યારે વર્ષ 2026નું કેન્દ્રીય બજેટ 320 વિરુદ્ધ 249 મતોથી પસાર કરવામાં આવ્યું હતું. આ ઘટના સમયે CHP અધ્યક્ષ ઓઝગુર ઓઝેલ અને MHP નેતા દેવલેત બાહકેલી પણ હાજર હતા. આ ઘટનાએ તુર્કિયેની રાજનીતિમાં વધી રહેલી કટુતા અને અસહિષ્ણુતાને ફરી એકવાર સપાટી પર લાવી દીધી છે.

આ પણ વાંચો : અસીમ મુનીરને સાઉદીનું સર્વોચ્ચ સમ્માન, પાકિસ્તાની સેના પર સાઉદી પ્રિંસની નજર!