UK News : બ્રિટનમાં દુષ્કાળથી જવનો પાક બરબાદ ! બીયર-વ્હિસ્કી ઉદ્યોગ પર મોટું સંકટ, જાણો સંપૂર્ણ વિગત

UK News : વરસાદના અભાવે પાકને નુકસાન !

યુકે મેટ ઓફિસના ડેટા અનુસાર, ઇંગ્લેન્ડમાં જૂન મહિનો અત્યાર સુધીનો સૌથી ગરમ મહિનો રહ્યો હતો, જ્યારે જુલાઈ મહિનો ઇંગ્લેન્ડ અને વેલ્સમાં સૌથી સૂકો જુલાઈ મહિનો સાબિત થયો હતો. આટલી સખત ગરમી અને નહિવત્ વરસાદના કારણે ખેતરોમાં પાકનો વિકાસ અટકી ગયો છે.

બીયર અને વ્હિસ્કી ઉદ્યોગ પર સંકટ

મહત્વનું છે કે જવ એ માત્ર પશુ આહાર કે ખાદ્ય ખોરાક જ નથી, પરંતુ તે બિયર અને વ્હિસ્કી બનાવવા માટે વપરાતા માલ્ટનો મુખ્ય કાચો માલ છે. પાકનું ઉત્પાદન ઘટવાને કારણે આ ડ્રિંક્સ બનાવતી કંપનીઓ માટે કાચો માલ મોંઘો થઈ શકે છે, જેનાથી ઉત્પાદન ખર્ચ વધવાની પૂરી સંભાવના છે.

ખેડૂતોની ચિંતા વધી

આ પ્રતિકૂળ વાતાવરણને કારણે યુકેના અનાજ અને તેલીબિયાંના ઉત્પાદનમાં આશરે 2.5 મિલિયન મેટ્રિક ટનનો ઘટાડો થઈ શકે છે. આનાથી બ્રિટિશ ખેડૂતોને આશરે 390 મિલિયન પાઉન્ડ ($524 મિલિયન) નું મોટું નુકસાન વેઠવાનો વારો આવ્યો છે. નિષ્ણાતોના મતે, આબોહવા પરિવર્તનની અસરો સામે લડવા માટે પાણીનું યોગ્ય સંચાલન અને નવી કૃષિ યોજનાઓ અપનાવવી અનિવાર્ય બની ગઈ છે.

આ પણ વાંચો : US News : ક્લાઈમેટ ચેન્ઝનો ખતરો ! હાઉસિંગ માર્કેટમાં 1.47 ટ્રિલિયન ડૉલરનું નુકસાન શક્યતા