'ધ વૉલ સ્ટ્રીટ જર્નલ'ના અહેવાલ મુજબ, આ વ્યવસાયને કાયદેસર કરવાથી સરકારને વાર્ષિક આશરે 25 મિલિયન ડૉલર એટલે કે 2.5 કરોડ ડૉલર (આશરે ₹200 કરોડથી વધુ) નો વેરો મળી શકે છે. ઝેલેઝન્યાકના મતે આ જંગી રકમ યુદ્ધના મોરચે લડવા માટે લગભગ 30,000 ડ્રોન (Drones) ખરીદવા માટે પૂરતી સાબિત થઈ શકે છે.
Advertisement ![Navratri Banner]()
વર્તમાન કાયદો અને કન્ટેન્ટ ક્રિએટર્સની મૂંઝવણ
યુક્રેનમાં હાલના નિયમો અનુસાર પોર્નોગ્રાફિક સામગ્રી બનાવવી, પોતાની પાસે રાખવી કે તેનું વિતરણ (Distribution) કરવું સંપૂર્ણપણે ગેરકાયદેસર (Illegal) છે. આ કાયદાના ઉલ્લંઘન બદલ આરોપીને 7 વર્ષ સુધીની જેલની સજા (Imprisonment) થઈ શકે છે. આટલા કડક કાયદા છતાં, ભ્રષ્ટ પોલીસ અધિકારીઓની મિલીભગતથી દેશમાં આ નેટવર્ક સતત વિસ્તરતું રહ્યું છે. હવે જ્યારે દેશના કરવેરા વિભાગે (Tax Authorities) આ વ્યવસાય સાથે સંકળાયેલા કન્ટેન્ટ ક્રિએટર્સ (Content Creators) પાસેથી ટેક્સ વસૂલવાની પ્રક્રિયા તેજ કરી છે, ત્યારે એક વિચિત્ર કટોકટી ઊભી થઈ છે.
જો ક્રિએટર્સ પોતાની કમાણી જાહેર કરે છે તો તેઓ પ્રતિબંધિત કામ કરવાની સીધી કબૂલાત કરતા પકડાઈ જાય છે, અને જો આવક છુપાવે છે તો તેમના પર કરચોરીનો (Tax Evasion) ગુનો નોંધાય છે. આ પરિસ્થિતિને સાંસદે હાસ્યાસ્પદ અને કરુણ (Tragicomic) ગણાવી છે.
OnlyFans પ્લેટફોર્મથી કમાણી અને કડક પોલીસ કાર્યવાહી (Ukraine Pornography Legalization)
ઓન્લીફેન્સની (OnlyFans) પેરન્ટ કંપની ફેનિક્સ ઇન્ટરનેશનલના આંકડા મુજબ, વર્ષ 2023 માં 7,900 થી વધુ યુક્રેનિયનોએ આ પ્લેટફોર્મ પરથી કુલ 131 મિલિયન ડૉલરથી વધુની માતબર કમાણી કરી હતી. તાજેતરમાં ટેક્સ વિભાગની તપાસ વધતા ઘણા ક્રિએટર્સને ગેરકાયદે સામગ્રી બનાવવા અને ટેક્સ ચોરીની નોટિસ (Legal Notice) મળી છે. ઓન્લીફેન્સ ક્રિએટર સ્વેત્લાના ડ્વોર્નિકોવાએ જણાવ્યું કે પોલીસે તેના ઘરે દરોડો (Raid) પાડી 20 હજાર ડૉલર રોકડ, લેપટોપ અને હાર્ડ ડ્રાઇવ જપ્ત કર્યા હતા. તેણે એવો ગંભીર આરોપ પણ લગાવ્યો કે કેસ બંધ કરવા માટે પોલીસે લાંચની (Bribe) માંગણી કરી હતી, જે તેણે નકારી કાઢી હતી.
રાષ્ટ્રપતિ ઝેલેન્સ્કી સમક્ષ પિટિશન અને બિલની સ્થિતિ
આ વિવાદ વચ્ચે ટેક્સ વકીલ લેસિયા મિખાલેન્કોએ જણાવ્યું કે યુદ્ધ જેવા સંકટના સમયમાં ક્રિએટર્સ પર મુકદ્દમા ચલાવી સરકારી સંસાધનો (Government Resources) વેડફવા યોગ્ય નથી. દરમિયાન, સ્વેત્લાના ડ્વોર્નિકોવાએ રાષ્ટ્રપતિ વોલોદિમિર ઝેલેન્સ્કીની (Volodymyr Zelenskyy) સત્તાવાર વેબસાઇટ પર ઓનલાઇન પિટિશન (Petition) દાખલ કરીને પોતાને પ્રમાણિક કરદાતા (Honest Taxpayer) ગણાવી હતી અને દાવો કર્યો હતો કે તેણે સરકારને 9 લાખ ડૉલર ટેક્સ ચૂકવ્યો છે.
માત્ર એક જ સપ્તાહમાં આ પિટિશનને 25,000 થી વધુ નાગરિકોનું સમર્થન મળતાં રાષ્ટ્રપતિ ઝેલેન્સ્કીએ સંસદને આ કાયદાકીય સુધારા પર વિચારણા કરવાની ખાતરી આપી છે. આ વિધેયક જુલાઈ મહિનામાં સંસદની પ્રથમ મંજૂરી (First Reading) મેળવી ચૂક્યું છે અને હવે તેના બીજા વાચન (Second Reading) પર આખરી મહોર લાગવાની પ્રક્રિયા ચાલી રહી છે.
આ પણ વાંચો : Russia-Ukraine War: પુતિનનો માસ્ટરસ્ટ્રોક કે યુદ્ધ રોકવાની નવી રણનીતિ? મોસ્કોમાં શરૂ થઈ હાઇ-પ્રોફાઇલ મંત્રણા
