વેકેશન દરમિયાન શરૂ થઈ પ્રેમ કહાની
આ રસપ્રદ વાર્તા ડોમિનિકન રિપબ્લિકના રહેવાસી 22 વર્ષીય ડેનિયલ રામિરેઝ અને અમેરિકાની 72 વર્ષીય એલેનોર હેજની છે. ડેનિયલ પોતાના પરિવારના એક નાના કેફે (Café) માં મદદ કરે છે. અંદાજે 2 વર્ષ પહેલાં, જ્યારે અમેરિકાના ફ્લોરિડાની રહેવાસી અને કરોડપતિ રિયલ એસ્ટેટ ઇન્વેસ્ટર (Real Estate Investor) એલેનોર હેજ પુન્ટા કાનામાં રજાઓ ગાળવા (Vacation) આવી હતી, ત્યારે બંનેની મુલાકાત થઈ હતી. ધીમે-ધીમે આ મુલાકાત પ્રેમમાં બદલાઈ ગઈ અને ગયા મહિને બંનેએ મિયામીમાં એક નાના ફંક્શનમાં લગ્ન કરી લીધા.
‘તે મારી જિંદગી છે…’
ઉંમરમાં 50 વર્ષનો મોટો તફાવત (Age Gap) હોવા છતાં, બંનેનું કહેવું છે કે તેમનો સંબંધ ખૂબ જ મજબૂત છે. ડેનિયલે મીડિયા સાથે વાતચીત કરતા ભાવુક થઈને જણાવ્યું કે, "તે મારી જિંદગી છે… અમે એકબીજાને ખૂબ પ્રેમ કરીએ છીએ. ઉંમર તો માત્ર એક નંબર (Age is just a number) છે. તે મને સારી રીતે સમજે છે અને હું તેમને ફરીથી મુક્તપણે જીવતા શીખવી રહ્યો છું." બીજી તરફ, એલેનોરનું કહેવું છે કે તેના પતિના અવસાન પછી તેને ડેનિયલના રૂપમાં એક સાચો અને ઈમાનદાર સાથી (Partner) મળ્યો છે.
સોશિયલ મીડિયા બે ભાગમાં વહેંચાયું
આ લગ્નને લઈને એલેનોરના બાળકો થોડી મૂંઝવણમાં છે, પરંતુ ઇન્ટરનેટની દુનિયા આ સમાચાર સાંભળીને બે ભાગમાં વહેંચાઈ ગઈ છે. ઇન્સ્ટાગ્રામ (Instagram) પર @psychological નામના એકાઉન્ટ પરથી શેર કરવામાં આવેલી આ પોસ્ટ ખૂબ જ વાયરલ થઈ રહી છે અને લોકો તેના પર અવનવી કમેન્ટ્સ (Comments) કરી રહ્યા છે.
યુઝર્સની પ્રતિક્રિયા
એક યુઝરે લખ્યું, "મને આનંદ છે કે આ દુનિયામાં આજે પણ સાચો પ્રેમ જીવે છે." જ્યારે બીજા એક યુઝરે કટાક્ષ કરતા લખ્યું, "ભાઈ, આ પહેલી નજરનો પ્રેમ (Love at first sight) નથી, છોકરાએ માત્ર મોટું બેંક બેલેન્સ જોયું છે!" અન્ય એક યુઝરે મજાકિયા અંદાજમાં કમેન્ટ કરી કે, "માત્ર 50 વર્ષનો જ તો ગેપ છે, આજના જમાનામાં આટલું તો ચાલે ભાઈ." લોકો ગમે તે કહે, પણ આ કપલે સાબિત કરી દીધું છે કે દિલ જોડવા માટે ઉંમરની નહીં, પણ પરસ્પર સમજણની (Mutual Understanding) જરૂર હોય છે.
આ પણ વાંચો : Empire State Building Proposal : જીવના જોખમે રોમાન્સ! 1454 ફૂટની ઊંચાઈએ ગર્લફ્રેન્ડને કર્યું પ્રપોઝ અને પછી થયા જેલ ભેગા
