US Attack on Iran : ઈરાન પર અમેરિકાનો વિનાશક પ્રહાર ! રેલવે પુલ અને પાવર ગ્રીડને બનાવ્યા નિશાન

ઉલ્લેખનીય છે કે હુમલાની તીવ્રતાનો અંદાજએ વાત પરથી લગાવી શકાય છે કે ઈરાનના ચાબહાર, બંદર અબ્બાસ, સિરિક અને કોનારક જેવા મહત્વના શહેરોમાં એકસાથે અનેક વિસ્ફોટો સંભળાયા હતા.

US Attack on Iran : ઈરાન પર અમેરિકાનો વિનાશક હુમલો

અમેરિકન સેનાએ ઈરાનના અક્કાલામાં એક વ્યૂહાત્મક રેલવે પુલને તોડી પાડતા પરિવહન વ્યવસ્થા સંપૂર્ણપણે ખોરવાઈ ગઈ છે. ઈરાની સરકારી સમાચાર એજન્સી IRNA અનુસાર, હુમલા બાદ ચાબહારના અનેક વિસ્તારોમાં વીજળી પુરવઠો સંપૂર્ણપણે ઠપ્પ થઈ ગયો છે. આ ઉપરાંત, શાહિદ બેહેશ્તી બંદર અને દરિયાઈ ટ્રાફિક કંટ્રોલ ટાવરને ગંભીર નુકસાન પહોંચ્યું છે.

અમેરિકાના હુમલાથી ઈરાનમાં અંધારપટ

અત્યાર સુધી પ્રાપ્ત અહેવાલો મુજબ, આ સૈન્ય કાર્યવાહીમાં 2 લોકોના મોત થયા છે અને ઈરાની હવાઈ સંરક્ષણ પ્રણાલીને સક્રિય કરવામાં આવી છે. રાષ્ટ્રપતિ ટ્રમ્પે પોતાના સોશિયલ મીડિયા પ્લેટફોર્મ પર ચાબહારમાં થયેલા વિસ્ફોટોની જ્વાળાઓની તસવીરો શેર કરી છે, જે ઈરાન માટે સીધી ચેતવણી સમાન છે. તેમણે સ્પષ્ટ કર્યું છે કે આ કાર્યવાહી ઈરાન દ્વારા જહાજો પર કરવામાં આવેલા હુમલાનો જવાબ છે.

નાટો દ્વારા પણ અમેરિકાની આ લશ્કરી કાર્યવાહીને સમર્થન આપવામાં આવ્યું છે, જ્યારે ઈરાનમાં સ્થિતિ અત્યંત ગંભીર બની ગઈ છે. આ ઘટનાક્રમે વૈશ્વિક શેરબજાર અને ક્રૂડ ઓઈલના ભાવ પર પણ તાત્કાલિક અસર પાડવાની શક્યતાઓ સર્જી છે. આંતરરાષ્ટ્રીય સમુદાય હવે આ સંઘર્ષના આગામી પડઘા પર નજીકથી નજર રાખી રહ્યો છે.

આ પણ વાંચો : PM Modi Australia visit : મેલબોર્નમાં ‘મોદી-મોદી’ના નારા, પીએમનું ભવ્ય સાંસ્કૃતિક સ્વાગત