યુએસ શટડાઉનની હવાઈ સેવા પર મોટી અસર: 800થી વધુ ફ્લાઈટ્સ રદ, 40 એરપોર્ટ પર 'ફ્લાઇટ કટ' લાગુ
- યુએસ શટડાઉનની હવાઈ સેવા પર મોટી અસર, 800+ ફ્લાઈટ્સ રદ (us government shutdown flights)
- સરકારી શટડાઉનને કારણે અમેરિકામાં 800થી વધુ ફ્લાઇટ્સ રદ
- FAA દ્વારા 40 મોટા એરપોર્ટ્સ પર 4% ફ્લાઇટ કટ લાગુ
- શટડાઉન લંબાય તો આગામી સપ્તાહ સુધીમાં ઘટાડો 10% સુધી વધી શકે છે
- સ્ટાફની અછતને કારણે સલામતી અને સમયપત્રક પર દબાણ
us government shutdown flights : અમેરિકામાં ચાલી રહેલા સરકારી શટડાઉન (US Government Shutdown)ની સીધી અને ગંભીર અસર હવે દેશની હવાઈ સેવાઓ પર દેખાવા લાગી છે. શુક્રવાર સવાર સુધીમાં 800થી વધુ ફ્લાઇટ્સ રદ થઈ ચૂકી છે, જે ગુરુવારની સરખામણીમાં ચાર ગણી વધારે છે. આ સંકટને ધ્યાનમાં રાખીને, ફેડરલ એવિએશન એડમિનિસ્ટ્રેશન (FAA) એ દેશના 40 મોટા એરપોર્ટ્સ પર ફ્લાઇટ ઓપરેશન્સમાં 4% ઘટાડો (ફ્લાઇટ કટ) કરવાનો આદેશ લાગુ કર્યો છે. ન્યૂયોર્ક, લોસ એન્જલસ અને સાન ડિએગો જેવા મુખ્ય એર ટ્રાવેલ હબ આનાથી પ્રભાવિત થયા છે.
FAAનો આ આદેશ શુક્રવારથી અમલમાં આવ્યો છે અને જો શટડાઉન લાંબુ ચાલ્યું તો આગામી સપ્તાહ સુધીમાં આ ઘટાડો વધીને 10% સુધી પહોંચી શકે છે. સંભવિત અવ્યવસ્થાથી બચવા માટે ઘણી એરલાઈન્સે પહેલેથી જ સેંકડો ફ્લાઈટ્સ કેન્સલ કરી દીધી છે.
FAA અને સરકારની પ્રતિક્રિયા – US Aviation Crisis
યુએસ ટ્રાન્સપોર્ટેશન સેક્રેટરી સીન ડફીએ બુધવારે જણાવ્યું હતું કે, "આ પગલાથી ફ્લાઇટ્સની સંખ્યા અસ્થાયી રૂપે ઘટશે, પરંતુ અમે એરલાઇન્સ સાથે મળીને તેને નિયંત્રિત રીતે લાગુ કરીશું." FAAએ ગંભીર ચેતવણી આપી છે કે જો શટડાઉન ચાલુ રહેશે, તો દરરોજ 4,000 જેટલી ફ્લાઇટ્સ પ્રભાવિત થઈ શકે છે. આનું મુખ્ય કારણ એ છે કે ઘણા એર ટ્રાફિક કંટ્રોલ ટાવર સ્ટાફની તીવ્ર અછતનો સામનો કરી રહ્યા છે.
ક્યાં અને ક્યારે લાગુ થશે ફ્લાઇટ કટ – Flight Cut Major Airports
એક અહેવાલ મુજબ, ફ્લાઇટ્સ મુખ્યત્વે સવારે 6 વાગ્યાથી રાત્રે 10 વાગ્યા સુધીના વ્યસ્ત સમયગાળા દરમિયાન પ્રભાવિત થશે. શરૂઆતમાં 4% ફ્લાઇટ્સ ઘટાડવામાં આવશે, જે આગામી સપ્તાહે વધારીને 10% કરી શકાય છે. જોકે, રાહતની વાત એ છે કે આંતરરાષ્ટ્રીય ફ્લાઇટ્સને હાલમાં આ નિયમમાંથી છૂટ આપવામાં આવી છે.
US airlines cancelled 780 flights, or 3% of total scheduled, on Friday, Nov. 7, the first day of the FAA’s shutdown-related flight cuts. Cuts will step up to 10% of flights at 40 key airports over the next week.
Safe travels everyone ✈️https://t.co/MdNCutHAIJ pic.twitter.com/ZtAugTWn9D
— Bsky: byerussell.com (@ByERussell) November 7, 2025
કઈ એરલાઇન્સ પર સૌથી વધુ અસર – Cancelled Flights Data
ફ્લાઇટ્સમાં કરવામાં આવેલા આ ઘટાડાથી અમેરિકાની ચાર મુખ્ય એરલાઇન્સ – અમેરિકન એરલાઇન્સ, ડેલ્ટા, યુનાઇટેડ અને સાઉથવેસ્ટ – ને નવેમ્બર અને ડિસેમ્બર મહિનામાં સૌથી વધુ અસર થશે. FlightAware વેબસાઇટના આંકડા મુજબ, શુક્રવારે સવારે 4:30 વાગ્યા સુધીમાં 800 ફ્લાઇટ્સ કેન્સલ થઈ હતી, જ્યારે ગુરુવારે આ સંખ્યા માત્ર 201 હતી. એરલાઇન્સે મુસાફરોને આશ્વાસન આપ્યું છે કે જેમની ફ્લાઇટ્સ રદ થઈ છે તેમને સંપૂર્ણ રિફંડ આપવામાં આવશે.
આગળ શું થઈ શકે છે? – Thanks giving Travel Impact
FAAના અધિકારીઓએ સ્પષ્ટ કર્યું કે જો સરકારી શટડાઉન ટૂંક સમયમાં સમાપ્ત નહીં થાય, તો એર ટ્રાફિક મેનેજમેન્ટ પરનું દબાણ ઘણું વધી જશે. સ્ટાફની અછતને કારણે સલામતી (Safety) અને સમયપત્રક (Schedule) બંને પર ગંભીર અસર થઈ શકે છે. નિષ્ણાતો માને છે કે જો આ પરિસ્થિતિ લાંબો સમય ચાલુ રહી, તો આગામી થેંક્સગિવિંગ ટ્રાવેલ સીઝન દરમિયાન લાખો મુસાફરોને ગંભીર મુશ્કેલીઓનો સામનો કરવો પડી શકે છે.
આ પણ વાંચો : ટ્રમ્પે દક્ષિણ આફ્રિકા યોજાનાર G20 Summit 2025 કર્યો બહિષ્કાર, આપ્યુ આ કારણ