વોશિંગ્ટન: અમેરિકાના રાષ્ટ્રપ્રમુખ ડોનાલ્ડ ટ્રમ્પે પાકિસ્તાન, ભૂટાન, ચીન, બાંગ્લાદેશ અને નેપાળ સહીત 120 દેશોની યાદી જાહેર કરી છે. તેમાં આ દેશોમાંથી આવનારા પ્રવાસીોને મળનારી કલ્યાણ અને સહાયતાના દરને ઉજાગર કરવામાં આવ્યા છે. જો કે આ યાદીમાં ભારતનું નામ નથી.
ધ ઈમિગ્રેન્ટ્સ વેલ્ફેર રિસિપિયન્ટ રેટ્સ બાય કન્ટ્રી ઓરિજન નામની યાદીમાં વિશ્વના લગભગ 120 દેશો અને ક્ષેત્રોને સામેલ કરવામાં આવ્યા છે. આ પ્રવાસીઓને અમેરિકામાં મદદ મળે છે. ભારત આ યાદીમાં સામેલ નથી.
ટ્રમ્પ દ્વારા ટ્રુથ સોશયલ પર પોસ્ટ કરવામાં આવેલા ચાર્ટમાં પ્રવાસીઓના જન્મવાળા દેશ અને સહાયતા પ્રાપ્ત કરનારા પ્રવાસી પરિવારોની ટકાવારી દર્શાવાય છે.
આ સિવાય પાકિસ્તાન (40.2 ટકા), નેપાળ (34.8 ટકા), ચીન (32.9 ટકા) અને ઈઝરાયલ-પેલેસ્ટાઈન (25.9 ટકા), યુક્રેન (42.7 ટકા) અને એશિયા (જેમાંથી ઘણાં દેશોના નામ નથી)નું નામ પણ સામેલ છે.
આંકડા પરથી ઉજાગર થાય છે કે અમેરિકામાં મુખ્ય જાતિગત સમૂહોમાં ભારતીય-અમેરિકનોની સરેરાશ ઘરેલુ આવક સૌથી વધારે છે. પ્યૂ રિસર્ચ સેન્ટર પ્રમાણે, ભારતીય અમેરિકન લોકો અમેરિકામાં રહેતા એશિયન મૂળની બીજી સૌથી મોટી વસ્તી છે. આ અમેરિકાની એશિયન વસ્તીના લગભગ 21 ટકા છે.
2023માં ભારતીય પ્રવાસી અગ્રણીવાળા પરિવારની સરેરાશ વાર્ષિક આવક 1,51,200 અમેરિકન ડોલર હતી. એશિયન મૂળના પરિવારોમાં આ કુલ મળીને 1,05,600 અમેરિકન ડોલર હતી. ભારતીય પ્રવાસી અગ્રણીવાળા પરિવારની સરેરાશ વાર્ષિક આવક અમેરિકન મૂળના ભારતીય અગ્રણીવાળા પરિવારની સરખામણીએ વધારે હતી.
પ્યૂના આંકડા પ્રમાણે, 2023માં 16 વર્ષ અને તેનાથી વધારે વયના ભારતીય અમેરિકનોની સરેરાશ વાર્ષિક વ્યક્તિગત આવક 85,300 અમેરિકન ડોલર હતી. આ સંપૂર્ણપણે એશિયન લોકોની 52,400 અમેરિકન ડોલરની સરખામણીએ વધારે હતી.
![Image]()
'PM મોદીને ખબર હતી કે હું ખુશ નથી'
અમેરિકાના રાષ્ટ્રપ્રમુખ ડોનાલ્ડ ટ્રમ્પે કહ્યુ કે વડાપ્રધાન નરેન્દ્ર મોદી જાણતા હતા કે હું ભારત દ્વારા રશિયા પાસેથી ક્રૂડ ઓઈલની ખરીદવાથી ખુશ નથી. અમેરિકા ક્યારેય પણ ભારત વિરુદ્ધ ટેરિફમાં વધારો કરી શકે છે. રાષ્ટ્રપ્રમુખ ટ્રમ્પે આ ટીપ્પણીઓ રવિવારે ફ્લોરિડાથી વોશિંગ્ટન ડીસી જતી વખતે એરફોર્સ વનમાં પત્રકારો સાથે વાતચીત દરમિયાન કરી હતી.
ટ્રમ્પે કહ્યુ છે કે તે (ભારત) વાસ્તવમાં મને ખુશ કરવા ચાહતું હતું. મોદી ઘણાં સારા વ્યક્તિ છે. તેઓ નેક દિલ છે. તેમને ખબર હતી કે હું ખુશ ન હતો અને મને ખુશ કરવો તેમના માટે મહત્વપૂર્ણ હતું. તે વ્યાપાર કરે છે અને અમે તેમના પર ગમે ત્યારે શુલ્ક વધારી દેત. તે તેમના માટે ઘણું ખરાબ હશે.
ટ્રમ્પની આ ટીપ્પણી ત્યારે આી જ્યારે એર ફોર્સ વનમાં તેમની સાથે યાત્રા કરી રહેલા અમેરિકાના સાંસદ લિંડસે ગ્રાહમે કહ્યુ કે ટ્રમ્પ દ્વારા ભારત પર લગાવાયેલો ટેરિફ જ તે મોટું કારણ છે. તેના કારણે ભારત હવે રશિયા પાસેથી ઘણું ઓછું ક્રૂડ ઓઈલ ખરીદી રહ્યું છે.
ગ્રાહમે પોતાના ટેરિફ વિધેયક બાબતે વાત કરી, જેાં રશિયાના ખનીજતેલની ખરીદી કરનારા દેશો પર 500 ટકા શુલ્ક લગાવવાનો પ્રસ્તાવ છે. તેમણે કહ્યુ કે રશિયા-યુક્રેન સંઘર્ષને સમાપ્ત કરવા માટે રશિયાના રાષ્ટ્રપ્રમુખ વ્લાદિમીર પુતિનના ગ્રાહકો પર દબાણ નાખવું જરૂરી છે.
ટ્રમ્પે કહ્યુ છે કે પ્રતિબંધોથી રશિયાને ઘણું નુકશાન થઈ રહ્યું છે. પછી તેમણે ભારતનો ઉલ્લખ કર્યો. તેના પછી ગ્રાહમે કહ્યુ કે અમેરિકાએ રશિયન ખનીજતેલની ખરીદી પર ભારત પર 25 ટકા ટેરિફ લગાવ્યો છે.
ગ્રાહમે કહ્યુ છે કે લગભગ એક માસ પહેલા હું ભારતીય રાજદૂતના ઘરે ગયો હતો અને તે બસ આના સંદર્ભે વાત કરી રહ્યા હતા કે તેઓ રશિયાથી ખનીજતેલની ઓછી ખરીદી કરી રહ્યા છે. શું તમે રાષ્ટ્રપ્રમુખ સમક્ષ ટેરિફ હટાવવાનો અનુરોધ કરશો?
