US Iran Deal Cancelled: ટ્રમ્પની મોટી જાહેરાત, ઈરાન સાથેની તમામ સમજૂતી રદ, યુદ્ધના ભણકારા તેજ!

US Iran Deal Cancelled: ટ્રમ્પની કડક ચેતવણી અને સમજૂતીનો અંત

અંકારામાં પત્રકારો સાથેની વાતચીતમાં રાષ્ટ્રપતિ ડોનાલ્ડ ટ્રમ્પે ઈરાન સાથેના સંબંધો પર પૂર્ણવિરામ મૂક્યું છે. ટ્રમ્પે સ્પષ્ટ શબ્દોમાં જણાવ્યું કે ઈરાન સાથે હવે કોઈ પણ પ્રકારની સમજૂતી શક્ય નથી. અમેરિકાએ આ સમજૂતીને સંપૂર્ણપણે સમાપ્ત કરી દીધી છે. ટ્રમ્પના મતે ઈરાન સતત જૂઠું બોલી રહ્યું છે. તે તેમને પણ પોતાનું નિશાન બનાવી રહ્યું છે. તેમણે ઈરાનને ચેતવણી આપતા કહ્યું કે, જો તેઓ અમેરિકા પર હુમલો કરશે, તો અમેરિકા પણ સામે વળતો હુમલો કરવામાં પીછેહઠ કરશે નહીં.

US Iran Deal Cancelled: ઈરાનનું વલણ અને તણાવનું કારણ

ઈરાન દ્વારા અમેરિકાના આરોપોનો જવાબ આપતા જણાવવામાં આવ્યું કે તેઓ કોઈપણ યુદ્ધ માટે તૈયાર છે. ઈરાને હોર્મુઝમાં અમેરિકા પર વિશ્વાસઘાતનો આરોપ મૂક્યો છે. તણાવનું મુખ્ય કારણ 7 જુલાઈના રોજ ઈરાનની રિવોલ્યુશનરી ગાર્ડ દ્વારા હોર્મુઝમાં કતાર અને સાઉદીના જહાજો પર કરવામાં આવેલો હુમલો છે. આ ઘટનાના જવાબમાં 8 જુલાઈની સવારે અમેરિકાએ ઈરાનના અનેક ઠેકાણાઓ પર હુમલો કર્યો હતો. જેના બદલામાં ઈરાને કુવૈત અને બહરીન પર હુમલો કરીને સ્થિતિ વધુ ગંભીર બનાવી દીધી છે.

નાટો અને તેહરાન સામેની રણનીતિ

ટ્રમ્પે નાટો સદસ્યોની કામગીરી પર પણ નારાજગી વ્યક્ત કરી છે. રાષ્ટ્રપતિનું માનવું છે કે આતંકવાદ સામેની લડાઈમાં નાટોના દેશો પૂરતો સહયોગ આપી રહ્યા નથી. ટ્રમ્પનું મુખ્ય લક્ષ્ય તેહરાનને પરમાણુ મુક્ત બનાવવાનું છે. આ માટે અમેરિકા અત્યારે નવી યોજના તૈયાર કરી રહ્યું છે. બીજી તરફ, તેહરાનમાં થયેલા ફતવા અને ટ્રમ્પની હત્યાના નારાઓએ બંને દેશો વચ્ચેની ખાઈ વધુ ઊંડી કરી છે.

આ પણ વાંચો--- PM Modi Visited : કેમ ખાસ છે ઇન્ડોનેશિયામાં આવેલું ત્રિદેવનું અદભુત Prambanan Temple? જાણો તેનો ઇતિહાસ