અમેરિકાએ AI ની મદદથી વેનેઝુએલાના રાષ્ટ્રપતિને દબોચ્યા, જાણો કેવી રીતે ઓપરેટ થયું ગુપ્ત મિશન?
- વેનેઝુએલામાં થયેલા ગુપ્ત સૈન્ય ઓપરેશનમાં AI નો થયો ઉપયોગ (Pentagon AI Military Mission)
- પેન્ટાગોને પહેલીવાર 'Claude' એઆઈ મોડલની લીધી મદદ
- એન્થ્રોપિક કંપની અને અમેરિકી સેના વચ્ચેનો કરાર જોખમમાં
- નિયમો વિરુદ્ધ જઈને સૈન્ય મિશનમાં ટેકનોલોજી વાપરતા વિવાદ
- ₹1600 કરોડની ડીલ રદ કરવા માટે પેન્ટાગોન ગંભીરતાથી વિચારણા હેઠળ
Pentagon AI Military Mission : અમેરિકી સેનાએ વેનેઝુએલાની રાજધાની કરાકસમાં (Caracas) હાથ ધરેલા એક ગુપ્ત સૈન્ય ઓપરેશનમાં તત્કાલીન રાષ્ટ્રપતિ નિકોલસ માદુરો (Nicolas Maduro) અને તેમની પત્નીની ધરપકડ કરી હતી. 'વોલ સ્ટ્રીટ જર્નલ'ના (Wall Street Journal) એક ચોંકાવનારા રિપોર્ટમાં ખુલાસો થયો છે કે આ અત્યંત 'ક્લાસિફાઈડ' મિશનની સફળતા પાછળ આર્ટિફિશિયલ ઇન્ટેલિજન્સ (Artificial Intelligence) નો મોટો હાથ હતો.
Pentagon AI Military Mission : પહેલીવાર સૈન્ય મિશનમાં 'Claude'નો ઉપયોગ
પેન્ટાગોને (Pentagon) પ્રથમ વખત કોઈ ગુપ્ત મિશન માટે એન્થ્રોપિક (Anthropic) કંપનીના એઆઈ મોડલ 'ક્લોડ' (Claude) નો ઉપયોગ કર્યો છે. આ ટેકનોલોજી 'પાલાન્ટિર ટેકનોલોજીસ' (Palantir Technologies) દ્વારા અમેરિકી સેના સુધી પહોંચાડવામાં આવી હતી. આ ખુલાસાએ ટેક જગતમાં ખળભળાટ મચાવ્યો છે કારણ કે એન્થ્રોપિકના નિયમો સ્પષ્ટપણે કહે છે કે તેનું એઆઈ મોડલ હિંસા, હથિયાર બનાવવા કે કોઈની જાસૂસી માટે વાપરી શકાય નહીં. આમ છતાં, માદુરોને પકડવા માટેના હવાઈ હુમલા અને ઈન્ટેલિજન્સ મિશનમાં તેનો ભરપૂર ઉપયોગ થયો છે.
US Military
₹1600 કરોડનો કોન્ટ્રાક્ટ જોખમમાં
આ વિવાદને કારણે પેન્ટાગોન અને એન્થ્રોપિક વચ્ચેનો 200 મિલિયન ડોલર (આશરે ₹1600 કરોડ) નો કોન્ટ્રાક્ટ હવે જોખમમાં મુકાયો છે. અમેરિકી સંરક્ષણ સચિવ પીટ હેગસેથના (Pete Hegseth) જણાવ્યા અનુસાર, પેન્ટાગોન હવે એવા AI મોડલ્સ સાથે કામ કરવા પર પુનર્વિચાર કરી રહ્યું છે જે યુદ્ધ લડવાની મંજૂરી આપતા નથી. એન્થ્રોપિકે ગયા વર્ષે જ આ મોટો કરાર સાઈન કર્યો હતો, પરંતુ તેના એથિકલ નિયમો અને સૈન્ય જરૂરિયાતો વચ્ચેના ટકરાવને કારણે હવે આ ડીલ રદ થવાની શક્યતા છે.
આ પણ વાંચો : Alexey Navalny Poisoning Case : રશિયાના 'રાજકીય દુશ્મન' ને અપાયું દેડકાનું ઝેર? 5 યુરોપિયન દેશોએ લગાવ્યો આરોપ