US Supreme Court deportation decision: સુપ્રીમકોર્ટનો મહત્વનો આદેશ
અમેરિકન ન્યાયતંત્રએ સ્પષ્ટ કર્યું છે કે, ગંભીર ગુનાઓમાં દોષિત ઠરેલા વ્યક્તિઓને અમેરિકામાં રહેવાનો કોઈ વિશેષ અધિકાર નથી. અગાઉ કાયદાકીય છટકબારીઓનો લાભ લઈને અનેક લોકો દેશનિકાલની પ્રક્રિયાથી બચી જતા હતા. હવે નવી વ્યવસ્થા મુજબ ન્યાયિક પ્રક્રિયામાં સમયનો બચાવ થશે. તંત્ર હવે ઝડપથી ગુનાહિત રેકોર્ડ ધરાવતા લોકોને દેશની બહાર મોકલી શકશે.
નોંધનીય છે કે, યુએસ જસ્ટિસ ક્લેરેન્સ થોમસે નિર્ણયમાં કહ્યું કે ઇમિગ્રેશન અધિકારીઓને હવે સ્પષ્ટ પુરાવાની જરૂર રહેશે નહીં. અને જો ગુનાની શંકા હોય તો પણ તેઓ કાર્યવાહી કરી શકે છે. ન્યાયાધીશે કહ્યું કે ઇમિગ્રેશન અને રાષ્ટ્રીયતા કાયદામાં પુરાવાની કોઈ જરૂર નથી.
US Supreme Court deportation decision: ગ્રીનકાર્ડ ધારકો માટે બદલાયેલી સ્થિતિ
અમેરિકામાં સ્થાયી વસવાટ કરતા લોકોએ હવે સાવધાન રહેવાની જરૂર છે. સામાન્ય ગુનાઓ પણ હવે તેમના રેસિડેન્સી સ્ટેટસ માટે ખતરો બની શકે છે. સુપ્રીમ કોર્ટના આ નિર્ણય પછી ફેડરલ એજન્સીઓ વધુ સક્રિય બનશે. ગુનાહિત કેસોમાં સજા મળતાની સાથે જ ઇમિગ્રેશન વિભાગ દેશનિકાલની નોટિસ આપી શકશે. આ પ્રક્રિયામાં લાંબી કાનૂની લડાઈઓ હવે ભૂતકાળ બની જશે.
ન્યાયતંત્ર અને ઈમિગ્રેશન નીતિ
આ નિર્ણય પાછળનો મુખ્ય ઉદ્દેશ્ય અમેરિકાની સુરક્ષા વ્યવસ્થાને મજબૂત કરવાનો છે. સરકારે દલીલ કરી હતી કે દેશની સુરક્ષા માટે ગુનાહિત ઈતિહાસ ધરાવતા લોકો પર અંકુશ જરૂરી છે. સુપ્રીમકોર્ટે સરકારની આ દલીલોને માન્યતા આપી છે. હવે ઇમિગ્રેશન અદાલતોને વધુ સત્તાઓ પ્રાપ્ત થઈ છે. આ પગલું આગામી સમયમાં અમેરિકાની ઇમિગ્રેશન નીતિમાં મોટા ફેરફારો લાવશે.
સમાજ અને કાયદા પર અસર
આ ચુકાદાથી અમેરિકામાં વસતા વિદેશી સમુદાયમાં મિશ્ર પ્રતિક્રિયા જોવા મળી છે. કાયદો પડાડનારા વર્ગનું માનવું છે કે આ નિર્ણયથી ગુનાખોરીમાં ઘટાડો થશે. માનવાધિકાર કાર્યકર્તાઓ આ આદેશને કડક ગણાવી રહ્યા છે. જોકે સરકારી એજન્સીઓ હવે વધુ ચોકસાઈથી કેસોની સમીક્ષા કરી શકશે. ગુનાહિત ભૂતકાળ ધરાવતા ગ્રીન કાર્ડ ધારકોએ હવે કાયદાનું પાલન કરવાનું વધુ અનિવાર્ય બન્યું છે.
આ નિર્ણય પાછળ શું છે સમગ્ર મામલો?
વાત એમ છે કે, 2012 માં ચીનથી પરત ફરતી વખતે લાઉને ટ્રેડમાર્ક બનાવટી કરવાના આરોપસર ન્યૂયોર્કના જોન એફ. કેનેડી આંતરરાષ્ટ્રીય એરપોર્ટ પર પ્રવેશ આપવાનો ઇનકાર કરવામાં આવ્યો હતો. જોકે, તે સમયે તેમને શરતી પ્રવેશ આપવામાં આવ્યો હતો. એબીસી ન્યૂઝના અહેવાલ મુજબ, લાઉએ પાછળથી ચલણ બનાવટી કરવાના આરોપો પણ સ્વીકાર્યા હતા. ત્યારબાદ તેમને દેશમાંથી દેશનિકાલ કરવાનો આદેશ આપવામાં આવ્યો હતો. લાઉએ કોર્ટમાં આને પડકાર્યો હતો અને દલીલ કરી હતી કે તેમનો ગુનો નૈતિક અધોગતિ સંબંધિત શ્રેણીમાં આવતો નથી. જોકે, ત્રણ ન્યાયાધીશોએ પણ લાઉના દેશનિકાલનો વિરોધ કર્યો હતો. એક ન્યાયાધીશ, જેક્સને કહ્યું હતું કે આ નિર્ણય સાથે કોર્ટે સરકારને છૂટ આપી છે અને તેનો દુરુપયોગ થઈ શકે છે.
આ પણ વાંચો---- US Citizenship Fee Hike : અમેરિકાની નાગરિકતા મેળવવાનો ખર્ચ સીધો 75% વધશે, જાણી લો કયા ફોર્મની ફી કેટલી થઈ?
