US Winter Storm 2026 : અમેરિકામાં 'સફેદ મોત'નો આતંક, -25 ડિગ્રીમાં 29 ના મોત, લાખો ઘરોમાં અંધારપટ
- અમેરિકામાં ઈતિહાસનું સૌથી ખતરનાક બર્ફીલુ તોફાન
- ભારે હિમવર્ષાના કારણે અનેક રાજ્યોમાં તબાહી
- અત્યારસુધી ઓછામા ઓછા 30 લોકોના મોતની ખબર
- અનેક વિસ્તારોમાં તાપમાન માઈનસ 31 ડિગ્રી પહોંચ્યું
- 2100 કિલોમીટર સુધીના વિસ્તારમાં જામ્યો બરફ
US Winter Storm 2026 : અમેરિકા (USA) અત્યારે દાયકાના સૌથી શક્તિશાળી અને વિનાશક બર્ફીલા તોફાનનો સામનો કરી રહ્યું છે. અર્કાન્સાસ (Arkansas) થી લઈને ન્યૂ ઈંગ્લેન્ડ (New England) સુધી ફેલાયેલા આ તોફાને અત્યાર સુધીમાં 29 લોકોનો ભોગ લીધો છે. ભારે હિમવર્ષા (Heavy Snowfall) અને હાડ થીજવતી ઠંડીને કારણે સમગ્ર જનજીવન ઠપ થઈ ગયું છે.
2100 કિમીના વિસ્તારમાં બરફની ચાદર
નેશનલ વેધર સર્વિસ (National Weather Service) ના જણાવ્યા અનુસાર, દેશના લગભગ 1,300 માઈલ (2100 કિમી) લાંબા પટ્ટામાં એક ફૂટથી વધુ બરફ જામી ગયો છે. પીટ્સબર્ગના (Pittsburgh) ઉત્તર વિસ્તારોમાં 20 ઈંચ જેટલી હિમવર્ષા નોંધાઈ છે. આટલું જ નહીં, પવનના કારણે અનુભવાતું તાપમાન (વિન્ડ ચિલ) શૂન્યથી 25 ડિગ્રી ફેરનહાઈટ (-25°F) નીચે ગયું છે, જે જીવલેણ સાબિત થઈ રહ્યું છે.
Today, more than 5,300 National Guard members from 15 states continue to help interagency partners respond to Winter Storm Fern by clearing roads, helping stranded motorists and supporting communities in need. pic.twitter.com/sPVAznq7vO
— National Guard (@USNationalGuard) January 26, 2026
US Winter Storm 2026 : 6.70 લાખ ઘરોમાં અંધારપટ
ભારે વરસાદ અને બરફને કારણે વીજળીની લાઈનો ધરાશાયી થતા સમગ્ર અમેરિકામાં 6 લાખ 70 હજારથી વધુ સ્થળોએ વીજ પુરવઠો (Power Supply) ખોરવાયો છે. હવાઈ મુસાફરી પર પણ તેની માઠી અસર પડી છે. રવિવારે અમેરિકાની લગભગ 50% ફ્લાઈટ્સ રદ કરવામાં આવી હતી, જે કોવિડ-19 (COVID-19) મહામારી બાદ સૌથી મોટો આંકડો છે. સોમવારે પણ 8,000 થી વધુ ફ્લાઈટ્સ મોડી પડી અથવા રદ કરવામાં આવી છે.
વિવિધ રાજ્યોમાં કરુણ મોતના કિસ્સા
ન્યૂયોર્ક સિટીમાં ઠંડીને કારણે 8 લોકોના મોત થયા છે, જ્યારે મેસેચ્યુસેટ્સ અને ઓહાયોમાં બરફ હટાવતી ગાડીની (Snowplow) અડફેટે આવતા લોકોએ જીવ ગુમાવ્યા છે. મિસિસિપી (Mississippi) રાજ્યમાં 1994 પછીનું આ સૌથી ભયાનક તોફાન ગણાવાઈ રહ્યું છે. યુનિવર્સિટી ઓફ મિસિસિપી સહિતની અનેક શાળાઓ અને કોલેજો આખું અઠવાડિયું બંધ રાખવાનો આદેશ અપાયો છે, બચાવ ટુકડીઓ દ્વારા ઠેર-ઠેર હીટિંગ સેન્ટર શરૂ કરાયા છે. જોકે, કાતિલ પવનના કારણે હજુ પણ મૃત્યુઆંક વધવાની ભયાનક આશંકા સેવાઈ રહી છે."
આ પણ વાંચો : ઈરાન-અમેરિકા જંગમાં નવો વળાંક: UAE એ હવાઈ અને જળ માર્ગ વાપરવા માટે લગાવી પાબંધી