US : અમેરિકાનો ભારતને વધુ એક ઝટકો ! સોલાર એલાયન્સ સહિત 66 આંતરરાષ્ટ્રીય સંગઠનોમાંથી બહાર નીકળ્યું અમેરિકા
- US : અમેરિકાએ ભારતને વધુ એક ઝટકો આપ્યો છે.
- અમેરિકાએ સોલાર એલાયન્સ સહિત 66 આંતરરાષ્ટ્રીય સંગઠનોમાંથી બહાર નીકળ્યું
- યુએસએ શા માટે લીધો આ નિર્ણય
US : અમેરિકન રાષ્ટ્રપતિ ડોનાલ્ડ ટ્રમ્પે ગુરુવારે એક મેમોરેન્ડમ પર હસ્તાક્ષર કર્યા જેમાં અમેરિકાને તેના હિતોની વિરુદ્ધ આંતરરાષ્ટ્રીય સંગઠનો,કરારો અને સંધિઓમાંથી પાછી ખેંચવાનો નિર્દેશ આપવામાં આવ્યો. ઉલ્લેખનીય છે કે ટ્રમ્પ વહીવટીતંત્રની "અમેરિકા ફર્સ્ટ" નીતિને આગળ ધપાવતા, ટ્રમ્પ વહીવટીતંત્રે ભારત- અને ફ્રાન્સ-નેતૃત્વ હેઠળના આંતરરાષ્ટ્રીય સૌર ગઠબંધન (ISA) સહિત 66 વૈશ્વિક સંગઠનોમાંથી પાછી ખેંચવાની જાહેરાત કરી છે. વ્હાઈટ હાઉસે આ સંગઠનોને યુએસ સાર્વભોમત્વ અને આર્થિક હિતોની વિરુદ્ધ ગણવામાં આવે છે.
વ્હાઇટ હાઉસ દ્વારા જાહેર કરાયેલા રાષ્ટ્રપતિના મેમોરેન્ડા નિવેદનમાં કરવામાં આવેલી જાહેરાતમાં 35 બિન-યુએન સંગઠનો અને 31 યુએન સંસ્થાઓમાંથી પાછી ખેંચવાનો ઉલ્લેખ છે. યુએન બિન-યુએન સંગઠનોમાં ભારત- અને ફ્રાન્સ-નેતૃત્વ હેઠળના આંતરરાષ્ટ્રીય સૌર ગઠબંધન, આંતરરાષ્ટ્રીય પ્રકૃતિ સંરક્ષણ સંઘ (IUCN) અને પર્યાવરણીય સંગઠનોનું નેતૃત્વ કરતી આંતર-સરકારી પેનલ ઓન ક્લાઇમેટ ચેન્જનો સમાવેશ થાય છે.
'નોકરશાહોને સબસિડી આપવાનું બંધ કરો....'
યુએસ સેક્રેટરી ઓફ સ્ટેટ માર્કો રુબિયોએ સોશિયલ મીડિયા પોસ્ટમાં લખ્યું, "આજે, રાષ્ટ્રપતિ ટ્રમ્પે જાહેરાત કરી કે યુનાઇટેડ સ્ટેટ્સ 66 આંતરરાષ્ટ્રીય સંગઠનોમાંથી બહાર થઈ રહ્યું છે જે અમેરિકા વિરોધી, નકામા માનવામાં આવે છે. અન્ય સંગઠનોની સમીક્ષા હજુ પણ ચાલુ છે."
તેમણે વધુમાં જણાવ્યું હતું કે આ પગલું રાષ્ટ્રપતિ ટ્રમ્પ દ્વારા અમેરિકનોને આપેલા એક મહત્વપૂર્ણ વચનને પૂર્ણ કરે છે: "અમે અમારા હિતોની વિરુદ્ધ કામ કરતા વૈશ્વિકવાદી નોકરશાહોને સબસિડી આપવાનું બંધ કરીશું. ટ્રમ્પ વહીવટ હંમેશા અમેરિકા અને અમેરિકનોને પ્રથમ સ્થાન આપશે."
યુએસ જે મુખ્ય યુએન સંગઠનોમાંથી ખસી ગયું છે તેમાં આર્થિક અને સામાજિક બાબતોનો વિભાગ, આંતરરાષ્ટ્રીય કાયદા પંચ, આંતરરાષ્ટ્રીય વેપાર કેન્દ્ર, શાંતિ નિર્માણ કમિશન, યુએન ઊર્જા અને યુએન વસ્તી ભંડોળ અને યુએન પાણીનો સમાવેશ થાય છે.
Today, President Trump announced the U.S. is leaving 66 anti-American, useless, or wasteful international organizations. Review of additional international organizations remains ongoing.
These withdrawals keep a key promise President Trump made to Americans - we will stop…
— Secretary Marco Rubio (@SecRubio) January 8, 2026
યુએસએ આ નિર્ણય શા માટે લીધો?
એક્ઝિક્યુટિવ ઓર્ડરમાં જણાવાયું હતું કે ટ્રમ્પે તમામ એક્ઝિક્યુટિવ વિભાગો અને એજન્સીઓને મેમોરેન્ડમમાં નામ આપવામાં આવેલા સંગઠનોમાંથી યુનાઇટેડ સ્ટેટ્સને પાછી ખેંચવા માટે તાત્કાલિક પગલાં લેવાનો નિર્દેશ આપ્યો છે, અને સંયુક્ત રાષ્ટ્રની સંસ્થાઓ માટે, ખસી જવાનો અર્થ કાયદા દ્વારા મંજૂર કરાયેલ સંપૂર્ણ હદ સુધી તે સંસ્થાઓમાં ભાગીદારી અથવા ભંડોળ બંધ કરવાનો થશે.
તેમાં કહેવામાં આવ્યું છે કે ટ્રમ્પનો નિર્ણય રાજ્ય સચિવના અહેવાલ અને તેમના મંત્રીમંડળ સાથેની ચર્ચાઓ પર વિચાર કર્યા પછી આવ્યો છે, જેમાં તેમણે નક્કી કર્યું હતું કે આ સંગઠનોમાં ભાગીદારી અથવા તેમને સમર્થન આપવું એ યુએસ હિતોની વિરુદ્ધ છે.
આ પણ વાંચો: જમ્મુના કઠુઆમાં સેના અને આતંકીઓ વચ્ચે સામસામે ગોળીબાર, આતંકવાદીઓને ઘેર્યા