Venezuela capital: હવાઈ હુમલાથી ધણધણી ઉઠી વેનેઝુએલાની રાજધાની કારાકાસ, અમેરિકાની એર સ્ટ્રાઈક?
- Venezuela capital: વેનેઝુએલાની રાજધાનીમાં હુમલો
- એક પછી એક 7 હવાઈ વિસ્ફોટ
- અમેરિકાએ હુમલો કર્યો હોવાની આશંકા
- બંને દેશ તરફથી નથી કરાઈ પુષ્ટિ
Venezuela capital: વેનેઝુએલાની રાજધાની કારાકાસ પ્રચંડ વિસ્ફોટોથી હચમચી ઉઠી હતી. સ્થાનિક મીડિયા પ્રમાણે હુમલા પાછળ અમેરિકાનો હાથ હોવાની આશંકા છે. જોકે વોશિંગ્ટન (Washington) કે વેનેઝુએલાની સરકાર તરફથી કોઈ સત્તાવાર પુષ્ટિ મળી નથી. વિસ્ફોટોના કારણે અનેક વિસ્તારોમાં વીજ પુરવઠો અને વાહન વ્યવહાર ખોરવાઈ ગયો હોવાના અહેવાલ છે .
આ પણ વાંચો-----Mexico Earthquake: મેક્સિકોમાં 6.5 તીવ્રતાનો ભૂકંપ! રાષ્ટ્રપતિની પ્રેસ કોન્ફરન્સ અધવચ્ચે રોકાઈ
આ ઘટના એવા સમયે બની છે ,જ્યારે અમેરિકા (America) અને વેનેઝુએલા વચ્ચે રાજકીય તણાવ પહેલાથી જ ચરમસીમાએ છે. સ્થાનિક સમય મુજબ પહેલો વિસ્ફોટ રાત્રે લગભગ 1:50 વાગ્યે થયો હતો. પ્રથમ વિસ્ફોટ એટલો શક્તિશાળી હતો કે, તેનાથી ઘરોની બારીઓ પણ ધ્રુજી ગઈ હતી. વિસ્ફોટોને કારણે રાજધાનીના ઘણા ભાગોમાં વીજળી ગુલ થઈ ગઈ. શહેરના રોશની વચ્ચે રાત્રિને સમયે આકાશમાં ધુમાડાના મોટા ગોટા ઉડતા જોવા મળ્યા હતા.
Venezuela capital: અમેરિકા પર હુમલાનો આરોપ
વેનેઝુએલાની સરકારે યુનાઇટેડ સ્ટેટ્સ પર હુમલા કરવાનો આરોપ લગાવ્યો. નિકોલસ માદુરોની સરકારે યુએસ હુમલાઓની નિંદા કરી, તેમને આ હુમલાને લશ્કરી આક્રમણ ગણાવ્યું. વેનેઝુએલાની સરકારે જણાવ્યું કે, આ હુમલાઓ કારાકાસ, તેમજ મિરાન્ડા, અરાગુઆ અને લા ગુએરા રાજ્યોમાં થયા છે. અમેરિકાના આવા પ્રયાસો સફળ થશે નહીં. રાષ્ટ્રપતિ નિકોલસ માદુરોએ દેશમાં રાષ્ટ્રીય કટોકટી જાહેર કરી છે. જોકે, યુનાઇટેડ સ્ટેટ્સે હજુ સુધી આ હુમલાઓની જવાબદારી સ્વીકારી નથી.
US AIR FORCE BOMBS Venezuela's Isla Margarita island housing top army bases pic.twitter.com/2Hp5LFBA6X
— RT (@RT_com) January 3, 2026
Venezuela capital: 7 સ્થળોએ વિસ્ફોટ થયા
એસોસિએટેડ પ્રેસ (Associated Press) ના જણાવ્યા અનુસાર, ઓછામાં ઓછા સાત વિસ્ફોટો સાંભળવામાં આવ્યા હતા. ઘણા ફાઇટર જેટ (Fighter jet) ઉપર ઉડતા જોવા મળ્યા હતા. જેના કારણે વિવિધ વિસ્તારોમાં ગભરાયેલા રહેવાસીઓ શેરીઓમાં ઉતરી આવ્યા હતા. વેનેઝુએલાના મુખ્ય લશ્કરી થાણાઓ, 'ફોર્ટ ટિયુના' (Fort Tiuna) અને 'લા કાર્લોટા' (La Carlota), કારાકાસ શહેરની પશ્ચિમમાં સ્થિત વિમાનો ઉડાન ભરી રહ્યા હતા. ત્યારે મોટા વિસ્ફોટો થયા હતા.
Venezuela capital: કોલંબિયાના રાષ્ટ્રપતિની પોસ્ટ
કોલંબિયાના રાષ્ટ્રપતિ ગુસ્તાવો પેટ્રોએ ઇન્સ્ટાગ્રામ પર પોસ્ટ કરી હતી. જેમાં તેમણે કહ્યું,
"કારાકાસ પર હાલમાં બોમ્બમારો થઈ રહ્યો છે. દુનિયાએ સાવધ રહેવું જોઈએ. વેનેઝુએલા પર હુમલો કરવામાં આવ્યો છે. મિસાઇલોથી બોમ્બમારો થઈ રહ્યો છે. OAS અને સંયુક્ત રાષ્ટ્રોએ તાત્કાલિક બેઠક બોલાવવી જોઈએ."
Venezuela capital: ટ્રમ્પ પહેલાથી જ ઘણી વાર ચેતવણી આપી ચૂક્યા
યુએસ પ્રમુખ ડોનાલ્ડ ટ્રમ્પે પહેલેથી જ ઘણી વખત ચેતવણી આપી છે કે, અમેરિકા વેનેઝુએલામાં કથિત ડ્રગ હેરફેર નેટવર્ક (Drug trafficking network) સામે નવી કાર્યવાહીની તૈયારી કરી રહ્યું છે. અને ટૂંક સમયમાં હુમલાઓ શરૂ થઈ શકે છે. ઓક્ટોબર (October) માં ટ્રમ્પે કહ્યું હતું કે, તેમણે દક્ષિણ અમેરિકન દેશમાંથી ગેરકાયદે સ્થળાંતર અને ડ્રગ તસ્કરીને રોકવા માટે વેનેઝુએલાની અંદર કાર્યવાહી કરવા માટે CIA ને અધિકૃત કર્યા છે. નોંધનીય છે કે, તાજેતરમાં અમેરિકાએ વેનેઝુએલા પર પ્રતિબંધો કડક કર્યા છે.
JUST IN: Multiple explosions are detonating in Venezuela’s capital, Caracas. pic.twitter.com/Uzon0D5l3l
— Weather Monitor (@WeatherMonitors) January 3, 2026
આ પણ વાંચો------ America: અમેરિકામાં આતંકવાદી હુમલાનું ષડયંત્ર નિષ્ફળ, ISIS શંકાસ્પદ યુવકની ધરપકડ, નવા વર્ષમાં મોટા બ્લાસ્ટનો હતો પ્લાન!
આ પણ વાંચો------- China: ચીનમાં ભૂતપૂર્વ મેયરને સજા-એ-મોતનું એલાન, ઘરમાંથી મળ્યો હતો સોનાનો ‘પહાડ’!