Venezuela Earthquake update: વેનેઝુએલામાં કુદરતી આફતનો કાળો કેર, 230થી વધુના મોત, 1500થી વધુ ઈજાગ્રસ્ત

Venezuela Earthquake update: ભૂકંપથી તબાહીનું ભયાનક સ્વરૂપ

વેનેઝુએલામાં આવેલા બે શક્તિશાળી ભૂકંપએ સમગ્ર દેશમાં ભારે તારાજી નોતરી છે. સરકારી અહેવાલો અનુસાર, મૃતકોની સંખ્યામાં નોંધપાત્ર વધારો થયો છે. લા ગુઆઈરા પ્રાંત સૌથી વધુ અસરગ્રસ્ત છે, જ્યાં 100થી વધુ ઈમારતો સંપૂર્ણપણે ધરાશાયી થઈ ગઈ છે. મોટી સંખ્યામાં લોકો કાટમાળ નીચે દબાયેલા હોવાની આશંકા છે. બચાવ કામગીરીમાં 11,500 સુરક્ષાકર્મીઓ અને સેનાના જવાનો દિવસ-રાત કાર્યરત છે. આ તમામ વચ્ચે હજુ પણ 157 જેટલા લોકો ગુમ હોવાના પણ અહેવાલ છે. જેમની શોધખોળ અને બચાવ અભિયાન તેજ બનાવવામાં આવ્યું છે.

Venezuela Earthquake update: આર્થિક નુકસાન અને માળખાકીય અસર

આ આપત્તિને કારણે દેશના અર્થતંત્ર પર પણ ગંભીર અસર પડી છે. યુએસ જિયોલોજિકલ સર્વેના અનુમાન મુજબ, આ ભૂકંપથી 7.5 અબજ ડોલરથી વધુનું નુકસાન થઈ શકે છે, જે દેશની કુલ જીડીપીના 7 ટકા જેટલું છે. સિમોન બોલિવર ઈન્ટરનેશનલ એરપોર્ટને સુરક્ષાના કારણોસર કામચલાઉ ધોરણે બંધ રાખવામાં આવ્યું છે. મોટા પાયે વીજળીના પુરવઠામાં વિક્ષેપ પડવાને કારણે દૈનિક ક્રૂડ ઓઈલ ઉત્પાદન પર પ્રતિકૂળ અસરો પડી શકે છે, જેની અસર લાંબા ગાળે દેશની આવક પર જોવા મળશે.

Venezuela Earthquake update: સ્ટારલિંક અને આંતરરાષ્ટ્રીય મદદ

આ કપરા સમયમાં ટેકનોલોજી પણ મદદે આવી છે. એલોન મસ્કની કંપની સ્ટારલિંકે વેનેઝુએલામાં પોતાના યુઝર્સને એક મહિના માટે ફ્રી ઈન્ટરનેટ સેવા આપવાનો નિર્ણય લીધો છે. પ્રભાવિત વિસ્તારોમાં ઝડપી કનેક્ટિવિટી પુનઃસ્થાપિત કરવા માટે ટર્મિનલ ગોઠવવાનું કામ ચાલી રહ્યું છે. આ ઉપરાંત, ભારત અને ચિલી જેવા દેશોએ પણ પોતાની વિશેષ બચાવ ટુકડીઓ અને મદદ મોકલી છે. સરકાર સંસાધનોનો ઉપયોગ કરીને ઝડપથી પરિસ્થિતિ સામાન્ય કરવા પ્રયાસ કરી રહી છે.

આ પણ વાંચો--- Venezuela Earthquake PM Modi : વેનેઝુએલામાં વિનાશક ભૂકંપથી ભારે તબાહી, પીએમ મોદીએ જાહેર કરી મોટી સહાય