Bangladesh શું છે ઓપરેશન ડેવિલ હન્ટ, બાંગ્લાદેશ સરકારે કેમ શરૂ કર્યું?

• બાંગ્લાદેશ સરકારે ઓપરેશન ડેવિલ હન્ટ શરૂ કરવાની જાહેરાત કરી
• ઓપરેશનનો હેતુ દેશમાં કાયદો અને વ્યવસ્થા સ્થાપિત કરવાનો
• ઓપરેશન હેઠળ દેશમાં હિંસા ફેલાવનારા લોકો વિરુદ્ધ કાર્યવાહી કરવામાં આવશે

operation devil hunt : બાંગ્લાદેશ સરકારે હાલમાં જ ઓપરેશન ડેવિલ હન્ટ શરૂ કરવાની જાહેરાત કરી છે. આ ઓપરેશનનો હેતુ દેશમાં કાયદો અને વ્યવસ્થા સ્થાપિત કરવાનો છે. તેમજ પરિસ્થિતિઓને નિયંત્રિત કરવાનો છે. આ કારણે શનિવારથી આ ઓપરેશન ગાઝીપુરથી શરૂ કરવામાં આવ્યું છે. ડેવિલ હન્ટ ઓપરેશન હેઠળ દેશમાં હિંસા ફેલાવનારા લોકો વિરુદ્ધ કાર્યવાહી કરવામાં આવશે.

ભારતના પાડોશી દેશ બાંગ્લાદેશમાં હજુ પણ પરિસ્થિતિ કાબૂમાં નથી. દેશના ગાજીપુરમાં હિંસક અથડામણની ઘટનાઓ સામે આવી રહી છે. આ પછી, કાયદો અને વ્યવસ્થા જાળવવા માટે, શનિવારે દેશની વચગાળાની સરકારે એક રાષ્ટ્રીય અભિયાન શરૂ કર્યું, જેને "ઓપરેશન ડેવિલ હન્ટ" નામ આપવામાં આવ્યું છે.

કાયદો અને વ્યવસ્થા પુનઃસ્થાપિત કરવા માટે આ પગલું ભર્યું

સ્થાનિક લોકો અને શેખ હસીના વિરોધી વિદ્યાર્થી જૂથો વચ્ચે થયેલી અથડામણ બાદ બાંગ્લાદેશમાં કાયદા અમલીકરણ દળોએ દેશમાં કાયદો અને વ્યવસ્થા પુનઃસ્થાપિત કરવા માટે આ પગલું ભર્યું છે. આ સાથે, આ હિંસક અથડામણો અને બાંગ્લાદેશના સંસ્થાપક શેખ મુજીબુર રહેમાનના ધનમંડીમાં ઐતિહાસિક મકાનમાં તાજેતરમાં થયેલી તોડફોડ બાદ આ કાર્યવાહી કરવામાં આવી છે.

આ પણ વાંચો :  Earthquake : કેરેબિયન સમુદ્રમાં ભૂકંપનો આંચકો, તીવ્રતા 7.6 નોંધાઈ, સુનામીની ચેતવણી

ઓપરેશન શું છે?

બાંગ્લાદેશના ગાઝીપુરમાં શેખ હસીનાનો વિરોધ કરી રહેલા સ્થાનિક લોકો અને વિદ્યાર્થીઓ વચ્ચે અથડામણ થઈ છે. આ પછી, મોહમ્મદ યુનુસના કમાન્ડ હેઠળ બાંગ્લાદેશની વચગાળાની સરકારે ઓપરેશન શરૂ કરવાનો નિર્ણય કર્યો. બાંગ્લાદેશના ગૃહ મંત્રાલયે એક નિવેદનમાં જણાવ્યું હતું કે, ગાઝીપુરમાં વિદ્યાર્થીઓ પર થયેલા આતંકવાદી હુમલા અંગે ગૃહ મંત્રાલયમાં શનિવારે કાયદો અને વ્યવસ્થા દળો સાથે બેઠક યોજવામાં આવી હતી.

આ બેઠકમાં સંબંધિત વિસ્તારોમાં કાયદો અને વ્યવસ્થા જાળવવા અને આતંકવાદીઓને કાયદાના દાયરામાં લાવવા માટે સંયુક્ત દળો સાથે 'ઓપરેશન ડેવિલ હન્ટ' ચલાવવાનો નિર્ણય લેવાયો છે. શનિવાર એટલે કે 8મી ફેબ્રુઆરીથી ગાઝીપુર વિસ્તાર સહિત દેશભરમાં આ ઓપરેશન શરૂ થઈ ગયું છે.

આ પણ વાંચો :  Pakistan : પૂર્વ PM ઇમરાન ખાનની પાર્ટી PTI નું વિરોધ પ્રદર્શન, 'Black Day' મનાવ્યો

ઓપરેશનનો હેતુ શું છે?

આ કામગીરીનો ઉદ્દેશ્ય દેશમાં હિંસક અથડામણો અને વિરોધ પ્રદર્શનો અને આવી અન્ય ઘટનાઓને રોકવાનો છે. તેમજ આ બાબતો પાછળના આરોપીઓ સામે કડક કાર્યવાહી કરવાનો છે. આ ઓપરેશનને લઈને બાંગ્લાદેશના મુખ્ય સલાહકાર મુહમ્મદ યુનુસે તમામ નાગરિકોને તાત્કાલિક કાયદો અને વ્યવસ્થા પુનઃસ્થાપિત કરવા કહ્યું છે. તેમણે એ પણ સુનિશ્ચિત કરવા જણાવ્યું હતું કે શેખ હસીનાના પરિવાર અને આવામી લીગ પાર્ટીના નેતાઓની મિલકતો પર અથવા કોઈપણ બહાના હેઠળ કોઈપણ નાગરિક પર વધુ હુમલા ન થાય.

તે શા માટે અમલમાં મૂકવામાં આવ્યું?

બાંગ્લાદેશમાં, શુક્રવારે મધ્ય ગાઝીપુરમાં એક વિરોધ પ્રદર્શન થયું. વિદ્યાર્થીઓએ બુલડોઝર કાર્યક્રમના નામે પૂર્વ પીએમ શેખ હસીનાના ભાષણનો વિરોધ કર્યો હતો. આ આંદોલનમાં 15 વિદ્યાર્થીઓ ઘાયલ થયા છે અને તેમની સારવાર ચાલી રહી છે. જ્યારે વિદ્યાર્થીઓ શેખ હસીનાના મુક્તિ યુદ્ધ બાબતોના મંત્રી મોઝમ્મેલ હકના ઘર તરફ આગળ વધ્યા ત્યારે સ્થાનિકો અને વિદ્યાર્થીઓ વચ્ચે અથડામણ શરૂ થઈ અને સ્થાનિકોએ માઇક્રોફોન પર જાહેરાત કરી કે લૂંટારુઓ આવી ગયા છે.

આ દરમિયાન સ્થાનિકો અને વિદ્યાર્થીઓ વચ્ચે ઘર્ષણ થયું હતું. આ ઘટનામાં 15 જેટલા વિદ્યાર્થીઓ ઘાયલ થયા છે અને તેઓ હોસ્પિટલમાં સારવાર હેઠળ છે. વિદ્યાર્થીઓ પરના હુમલાઓ સામે રેલી કાઢવા માટે ભેદભાવ વિરોધી વિદ્યાર્થી ચળવળના કેન્દ્રીય નેતાઓ ગાઝીપુર પહોંચ્યા. આ તમામ બાબતોને રોકવા માટે વચગાળાની સરકારે આ કામગીરી શરૂ કરી છે.

આ પણ વાંચો :  Libyaમાં 29 માઈગ્રન્ટ્સના મૃતદેહ મળ્યા, માનવ તસ્કરીનો ખેલ ચાલી રહ્યો છે