US : કોણ છે પાઇલટ રેબેકા એમ લોબેક ? જેમનું હેલિકોપ્ટર વિમાન સાથે અથડાયું, 67 લોકોના મોત

• US સેનાએ હેલિકોપ્ટર બ્લેક હોક (H-60)ના પાયલટની માહિતી શેર કરી
• હેલિકોપ્ટરને કેપ્ટન રેબેકા એમ ઉડાવી રહ્યા હતા
• અકસ્માતની તપાસ હજુ પણ ચાલુ છે

America plane crash : વોશિંગ્ટન ડીસીમાં થયેલી દુર્ઘટના બાદ હવે મૃતકોના નામ જાહેર કરવામાં આવી રહ્યા છે. અમેરિકી સેનાએ હેલિકોપ્ટર બ્લેક હોક (H-60)ના પાયલટની માહિતી શેર કરી છે. સેનાના જણાવ્યા અનુસાર, હેલિકોપ્ટરને કેપ્ટન રેબેકા એમ ઉડાવી રહ્યા હતા. રેબેકા 2019 થી સેનામાં સેવા આપી રહી હતી. તે દેશના ટોચના 20% કેડેટ્સમાં સામેલ હતી.

વિમાન દુર્ઘટનામાં 67 લોકોના મોત

બુધવારે રાત્રે અમેરિકાના વોશિંગ્ટન ડીસીમાં અમેરિકન એરલાઇન્સનું વિમાન હવામાં જ યુએસ આર્મીના હેલિકોપ્ટર બ્લેક હોક (H-60) સાથે અથડાયું હતુ. આ દુર્ઘટનામાં વિમાનમાં સવાર તમામ 67 લોકોના મોત થયા હતા. અકસ્માત શા માટે થયો તેની તપાસ હજુ પણ ચાલુ છે. આ અકસ્માતમાં માર્યા ગયેલા લોકોની ઓળખ કરવામાં આવી રહી છે. શનિવારે, યુએસ આર્મીએ હેલિકોપ્ટર પાઇલટનું નામ જાહેર કર્યું.

હેલિકોપ્ટરના ત્રીજા પાયલોટની ઓળખ

CRJ-700 પેસેન્જર જેટ સાથે અથડાયેલા H-60 ​​બ્લેક હોક હેલિકોપ્ટરના ત્રીજા પાયલોટની ઓળખ થઈ ગઈ છે. આ હેલિકોપ્ટર 28 વર્ષીય કેપ્ટન રેબેકા એમ ઉડાડી રહ્યા હતા. રેબેકા 2019 થી સેનામાં સેવા આપી રહી હતી. તેમના કાર્યને ધ્યાનમાં રાખીને, પુરસ્કારો ઉપરાંત, તેમને પ્રશંસા ચંદ્રક પણ મળ્યો છે.

આ પણ વાંચો :  America-Canada Relations: ડોનાલ્ડ ટ્રમ્પની ધમકી પર જસ્ટિન ટ્રુડોનો પલટવાર

કોણ હતા કેપ્ટન રેબેકા એમ. લોબેક ?

ઉત્તર કેરોલિનાના ડરહામના 28 વર્ષીય કેપ્ટન રેબેકા એમ. લોબેક એક ઉચ્ચ પ્રશિક્ષિત આર્મી એવિએશન ઓફિસર હતા. રેબેકા જુલાઈ 2019 થી આર્મીમાં કાર્યરત હતા. તેણી ચેપલ હિલ ખાતે યુનિવર્સિટી ઓફ નોર્થ કેરોલિના ખાતે ROTC કોર્સની સ્નાતક હતી. જ્યાં તેણે પોતાનું શાનદાર પ્રદર્શન કર્યું હતું. આ જ કારણ છે કે, તે દેશના ટોચના 20% કેડેટ્સમાં સામેલ હતી. લોબેકને લગભગ 450 કલાકનો અનુભવ હતો. લોબેકને તેના કામ માટે જ ઓળખવામાં આવી હતી. લોબાકે બિડેન વહીવટ દરમિયાન વ્હાઇટ હાઉસના સહાયક તરીકે સેવા આપી હતી. તેમણે કેપ્ટનનો હોદ્દો મેળવ્યો, બે વાર પ્લાટૂન લીડર તરીકે અને 12મી એવિએશન બટાલિયન, ડેવિસન આર્મી એરફિલ્ડ, ફોર્ટ બેલ્વોઇર, વર્જિનિયામાં કંપની એક્ઝિક્યુટિવ ઓફિસર તરીકે સેવા આપી.

લોબેકના પરિવારનુ નિવેદન

લોબેકના પરિવારે એક નિવેદન જારી કરીને કહ્યું કે, તેમના પરિવારના સભ્યોને તેમની સિદ્ધિઓ અને અમેરિકાની સેવા પ્રત્યેના તેમના સમર્પણ પર ગર્વ છે. તેના પરિવારે કહ્યું કે, તેણી પોતાની સેવા પછી ડૉક્ટર બનવા માંગતી હતી. તે અમારા બધાના જીવનમાં એક ચમકતો સિતારો હતી. પરિવારે કહ્યું કે, રેબેકા એક યોદ્ધા હતી અને યુદ્ધમાં પોતાના દેશની રક્ષા કરવામાં અચકાતી ન હતી. પરિવારે લોકોને તેમની અંગત માહિતી શેર ન કરવાની અપીલ કરી છે.

આ પણ વાંચો :  USA: સોમાલિયામાં હવાઈ ​​હુમલા બાદ ટ્રમ્પનો મોટો દાવો, "ઘણા આતંકવાદીઓ માર્યા ગયા..!"