Nicolas Maduro Arrest : કોણ છે નિકોલસ માદુરો? જેને પકડવા અમેરિકાએ ખર્ચ્યા કરોડો રૂપિયા
અમેરિકી રાષ્ટ્રપતિ ડોનાલ્ડ ટ્રમ્પની એક જાહેરાતે આખા વિશ્વમાં ભૂકંપ લાવી દીધો છે. વર્ષોથી જેની પાછળ અમેરિકી એજન્સીઓ કરોડો ડોલરનું ઈનામ લઈને ફરતી હતી, તે વેનેઝુએલાના રાષ્ટ્રપતિ નિકોલસ માદુરો આખરે અમેરિકાના પંજામાં છે. આ ઓપરેશન પાછળના ગુપ્ત ઈરાદા અને વેનેઝુએલાની વર્તમાન સ્થિતિ શું છે? શું આ હુમલો ત્રીજા વિશ્વયુદ્ધ તરફનો સંકેત છે? આ રસાકસીભર્યો અહેવાલ અહીં વાંચો.
Advertisement
- અમેરિકાનો વેનેઝુએલા પર હુમલો, રાષ્ટ્રપતિ Nicolas Maduro Arrest
- માદુરો અને તેમની પત્નીને ઘરમાં ઘૂસીને દબોચી અમેરિકા લઈ જવાયા
- ડોનાલ્ડ ટ્રમ્પે સોશિયલ મીડિયા પર મધ્યરાત્રિના મિશનની કરી પુષ્ટિ
- ડ્રગ ટ્રાફિકિંગના આરોપમાં માદુરો પર હતું ₹210 કરોડનું ઈનામ
- માનવ અધિકાર ઉલ્લંઘન અને ગંભીર ગુનાઓ બદલ હાથ ધરાઈ કાર્યવાહી
Nicolas Maduro Arrest : વૈશ્વિક રાજકારણમાં સૌથી મોટા સમાચાર સામે આવ્યા છે. અમેરિકાએ વેનેઝુએલા પર ભીષણ હુમલો કર્યા બાદ ત્યાંના રાષ્ટ્રપતિ નિકોલસ માદુરોની ધરપકડ કરી લીધી છે. ખુદ અમેરિકી રાષ્ટ્રપતિ ડોનાલ્ડ ટ્રમ્પે સોશિયલ મીડિયા પર જાહેરાત કરી છે કે માદુરો અને તેમની પત્ની હવે અમેરિકાના કબજામાં છે. આ એક અત્યંત ગુપ્ત અને મધ્યરાત્રિએ હાથ ધરાયેલું 'એક્સ્ટ્રા ઓર્ડિનરી મિશન' હતું, જેણે આખા વિશ્વને ચોંકાવી દીધું છે.