Woman with Wild Hair...સુનિતા વિલિયમ્સની સ્પેસમાંથી વાપસીનો પ્લાન બતાવતી બખતે બોલ્યા ટ્રમ્પ

• સુનિતા વિલિયમ્સ અને બૂચ વિલ્મર ગયા વર્ષે જૂનથી અવકાશમાં ફસાયેલા છે
• અવકાશયાત્રીઓને સુરક્ષિત રીતે પરત લાવવા ડોનાલ્ડ ટ્રમ્પે આપી ખાતરી
• બંને અવકાશયાત્રીઓને શક્ય તેટલી વહેલી તકે પૃથ્વી પર પાછા લાવવા જોઈએ

Trump spoke about Sunita Williams : સુનીતા વિલિયમ્સ ગયા વર્ષે 5 જૂનના રોજ ઇન્ટરનેશનલ સ્પેસ સ્ટેશન ગયા હતા. તેણી એક અઠવાડિયા પછી પરત ફરવાની હતી, પરંતુ બોઇંગ સ્ટારલાઇનરમાં સમસ્યાને કારણે, તે ત્યાં જ અટવાઈ ગઈ. બંને અવકાશયાત્રીઓ બોઈંગ અને નાસાના સંયુક્ત ક્રૂ ફ્લાઈટ ટેસ્ટ મિશન પર અવકાશમાં ગયા હતા.

ભારતીય મૂળની અમેરિકન અવકાશયાત્રી સુનિતા વિલિયમ્સ અને તેમના સાથીદાર બૂચ વિલ્મર ગયા વર્ષે જૂનથી અવકાશમાં ફસાયેલા છે. આવી સ્થિતિમાં અમેરિકી રાષ્ટ્રપતિ ડોનાલ્ડ ટ્રમ્પે ફરી એકવાર ખાતરી આપી છે કે તેઓ અંતરિક્ષમાં ફસાયેલા એ અવકાશયાત્રીઓને સુરક્ષિત રીતે પરત લાવશે. પરંતુ આ દરમિયાન તેમણે સુનિતા વિલિયમ્સ વિશે એક વિચિત્ર નિવેદન આપ્યું. ટ્રમ્પે નાસાના અવકાશયાત્રીઓની સ્થિતિને લઈને એક પ્રેસ કોન્ફરન્સને સંબોધી હતી. આ દરમિયાન તેણે સુનિતા વિલિયમ્સને વુમન વિથ વાઈલ્ડ હેર કહ્યા હતા.

સુનિતા વિલિયમ્સની વાપસીની યોજના શું છે?

રાષ્ટ્રપતિ ટ્રમ્પે કહ્યું કે તેમણે એલોન મસ્કને અંતરિક્ષમાં ફસાયેલા બે અવકાશયાત્રીઓને પરત લાવવા માટે મદદ કરવા કહ્યું છે. તેમણે કહ્યું કે સ્પેસએક્સ ડ્રેગન અવકાશયાન ગયા વર્ષે સપ્ટેમ્બરથી સ્પેસ સ્ટેશન પર છે અને તે અવકાશયાત્રીઓને પરત લાવશે. ટ્રમ્પે કહ્યું કે મેં એક અઠવાડિયા પહેલા જ એલન મસ્કને કહ્યું હતું કે તેમને પરત લઈને આવે.

આ પણ વાંચો :  'ડરાવવા ધમકાવવાનો કોઈપણ પ્રયાસ સહન કરવામાં આવશે નહીં', જયશંકરની સુરક્ષામાં ખામી અંગે બ્રિટન આકરા પાણીએ

અવકાશયાત્રીઓને 19 અથવા 20 માર્ચની આસપાસ પાછા લાવી શકાય

ટ્રમ્પે મજાકમાં કહ્યું હતું કે મને આશા છે કે તેઓ બંને એકબીજાને પસંદ હોય. તેમને અવકાશમાં છોડી દેવામાં આવ્યા છે. આ દરમિયાન, તેમણે સુનિતા વિલિયમ્સના વાળ વિશે કહ્યું કે તેમના વાળ સારા અને મજબૂત છે. નાસા અનુસાર, અવકાશયાત્રીઓને 19 અથવા 20 માર્ચની આસપાસ પાછા લાવવામાં આવી શકે છે.

તમને જણાવી દઈએ કે અમેરિકી રાષ્ટ્રપતિ ડોનાલ્ડ ટ્રમ્પે સત્તા સંભાળ્યા બાદ બંને અવકાશયાત્રીઓને પૃથ્વી પર પરત લાવવાની જવાબદારી સોંપી હતી. તેમણે મસ્કને કહ્યું કે બંને અવકાશયાત્રીઓને શક્ય તેટલી વહેલી તકે પૃથ્વી પર પાછા લાવવા જોઈએ. જો કે, ટ્રમ્પના નિવેદન બાદ નાસાએ બંને અવકાશયાત્રીઓને પરત લાવવાના પ્રયાસો તેજ કરી દીધા છે.

સુનીતા વિલિયમ્સ ગયા વર્ષે 5 જૂનના રોજ ઇન્ટરનેશનલ સ્પેસ સ્ટેશન ગયા હતા. તેણી એક અઠવાડિયા પછી પરત ફરવાની હતી, પરંતુ બોઇંગ સ્ટારલાઇનરમાં સમસ્યાને કારણે, તે ત્યાં જ અટવાઈ ગઈ. બંને અવકાશયાત્રીઓ બોઇંગ અને નાસાના સંયુક્ત ક્રૂ ફ્લાઇટ ટેસ્ટ મિશન પર અવકાશમાં ગયા હતા.

આ પણ વાંચો :  NASA ના એથેના લેન્ડરની ચંદ્ર પર સફળતાપૂર્વક લેન્ડિંગ... જાણો કેમ હજુ પણ વધ્યું વૈજ્ઞાનિકોનું ટેન્શન