'યુદ્ધ સમાપ્ત કરવાનો સાચો સમય': ઝેલેન્સકીએ મેક્રોન સાથે વાતચીત કરીને રશિયા પર દબાણ વધારવા માંગ કરી
યુક્રેનના રાષ્ટ્રપતિ ઝેલેન્સકીએ ફ્રાન્સના રાષ્ટ્રપતિ મેક્રોન સાથે વાતચીત કરીને રશિયા પર રાજદ્વારી દબાણ વધારવા અપીલ કરી છે. તેમણે યુદ્ધ સમાપ્ત કરવા માટે 'સાચો સમય' આવી ગયો હોવાનું જણાવ્યું. આ નિવેદન ટ્રમ્પ સાથેની બેઠક બાદ આવ્યું, જેમણે સંઘર્ષવિરામ કરીને હત્યાઓ રોકવા વિનંતી કરી હતી.
Advertisement
- ઝેલેન્સકીએ યુદ્ધ સમાપ્ત કરવા માટે 'સાચો સમય' હોવાનું નિવેદન આપ્યું (Russia Ukraine War Ceasefire)
- ઝેલેન્સકીએ ઇમેન્યુઅલ મેક્રોન સાથે શાંતિ પ્રયાસો પર ફોન પર ચર્ચા કરી
- રશિયા પર રાજદ્વારી દબાણ જ યુદ્ધ સમાપ્તિની મુખ્ય ચાવી છે : ઝેલેન્સકી
- વોલોદિમિર ઝેલેન્સકી આ નિવેદન ડોનાલ્ડ ટ્રમ્પ સાથેની બેઠક બાદ આવ્યું
Russia Ukraine War Ceasefire : રશિયા અને યુક્રેન વચ્ચે ચાલી રહેલું યુદ્ધ સમાપ્ત કરવા માટે અમેરિકી રાષ્ટ્રપતિ ડોનાલ્ડ ટ્રમ્પના પ્રયાસો વચ્ચે યુક્રેનના રાષ્ટ્રપતિ વોલોદિમિર ઝેલેન્સકી (Volodymyr Zelenskyy) એ એક મોટું નિવેદન આપ્યું છે. તેમણે યુદ્ધ સમાપ્ત કરવા માટે 'સાચો સમય' આવી ગયો હોવાનું જણાવીને સહયોગી દેશોને મોસ્કો પર રાજદ્વારી દબાણ (Diplomatic Pressure) વધારવા અપીલ કરી છે. સોમવારે 'X' પર એક પોસ્ટ દ્વારા ઝેલેન્સકીએ જાણકારી આપી કે તેમણે ફ્રાન્સના રાષ્ટ્રપતિ ઇમેન્યુઅલ મેક્રોન (Emmanuel Macron) સાથે તાજેતરના ઘટનાક્રમો અને શાંતિ સ્થાપવાના રાજદ્વારી પ્રયાસો પર ચર્ચા કરી છે.