BCCI announces punishment : રોયલ ચેલેન્જર્સ બેંગ્લોર (Royal Challengers Bengaluru - RCB) માટે IPL 2026 (Indian Premier League) ની સિઝન ઐતિહાસિક રહી હતી. ટીમે સતત બીજી વખત IPL ટ્રોફી (IPL Trophy) જીતીને નવો રેકોર્ડ પોતાના નામે કર્યો હતો. 31 મેના રોજ અમદાવાદના નરેન્દ્ર મોદી સ્ટેડિયમ (Narendra Modi Stadium) ખાતે રમાયેલી ફાઇનલ મેચમાં RCBએ ગુજરાત ટાઇટન્સ (Gujarat Titans)ને 5 વિકેટે હરાવીને ખિતાબ જીત્યો હતો. આ જીત બાદ ખેલાડીઓ અને ચાહકોમાં ભારે ઉત્સાહ જોવા મળ્યો હતો. જોકે, ટ્રોફી જીત્યાના બીજા જ દિવસે ટીમ માટે એક ખરાબ સમાચાર સામે આવ્યા હતા.

BCCI એ જાહેર કરી સજાની જાહેરાત

1 જૂનના રોજ BCCI દ્વારા એક સત્તાવાર પ્રેસ રિલીઝ (Press Release) બહાર પાડવામાં આવી હતી. જેમાં RCB ના સ્ટાર બેટ્સમેન ટિમ ડેવિડ (Tim David) સામે શિસ્તભંગની કાર્યવાહી (Disciplinary Action) અંગે માહિતી આપવામાં આવી હતી. BCCI ના જણાવ્યા અનુસાર, ગુજરાત ટાઇટન્સ સામેની ફાઇનલ દરમિયાન ટિમ ડેવિડે મેદાન પર આચારસંહિતાનું (Code of Conduct) ઉલ્લંઘન કર્યું હતું. ગુજરાતની ઇનિંગની 10મી ઓવર દરમિયાન વિકેટ પડ્યા બાદ તેણે ગુસ્સામાં અમ્પાયર (Umpire) નીતિન મેનન (Nitin Menon) તરફ બરફની થેલી (Ice Pack) ફેંકી હતી. આ ઘટનાને ગંભીર ગેરવર્તણૂક તરીકે જોવામાં આવી હતી.

લેવલ-1 ગુનામાં દોષિત જાહેર (BCCI announces punishment)

BCCI એ જણાવ્યું કે ટિમ ડેવિડની હરકત IPL આચારસંહિતાની કલમ 2.9 (Article 2.9) હેઠળ આવે છે. આ નિયમ મેદાન પર કોઈપણ ખેલાડી, અધિકારી અથવા અમ્પાયર તરફ ઇરાદાપૂર્વક કોઈ વસ્તુ ફેંકવા અંગે લાગુ પડે છે. આ કારણે ડેવિડને લેવલ-1 ગુનામાં (Level 1 Offence) દોષિત ઠેરવવામાં આવ્યો હતો. સજા રૂપે તેની મેચ ફીના (Match Fee) 50 ટકા દંડ ફટકારવામાં આવ્યો છે. ઉપરાંત તેના ખાતામાં વધુ 2 ડિમેરિટ પોઈન્ટ્સ (Demerit Points) પણ ઉમેરવામાં આવ્યા છે. મહત્વની વાત એ છે કે ટિમ ડેવિડે પોતાની ભૂલ સ્વીકારી લીધી હતી અને મેચ રેફરી (Match Referee) દ્વારા આપવામાં આવેલી સજાને પણ સ્વીકારી લીધી હતી.

આ સિઝનમાં ત્રીજી વખત કરી ભૂલ

ટિમ ડેવિડ માટે આ સિઝન દરમિયાન આ ત્રીજી શિસ્તભંગની ઘટના હતી. અગાઉ IPL 2026ની 20મી મેચમાં તેને પ્રથમ ડિમેરિટ પોઈન્ટ મળ્યો હતો. ત્યારબાદ 54મી મેચ દરમિયાન ફરી સમાન પ્રકારની ભૂલ કરવા બદલ તેને વધુ 2 ડિમેરિટ પોઈન્ટ આપવામાં આવ્યા હતા. હવે ફાઇનલ મેચમાં થયેલી ત્રીજી ઘટનાને કારણે તેના કુલ 5 ડિમેરિટ પોઈન્ટ થઈ ગયા છે. IPLના નિયમો અનુસાર 5 અથવા તેથી વધુ ડિમેરિટ પોઈન્ટ થવા પર એક મેચનો પ્રતિબંધ (One-Match Ban) લાગુ પડે છે.

IPL 2027ની પ્રથમ મેચમાં નહીં રમે

IPL 2026ની સિઝન પૂર્ણ થઈ ચૂકી હોવાથી આ પ્રતિબંધ આગામી સિઝનમાં લાગુ થશે. એટલે કે ટિમ ડેવિડ IPL 2027માં RCB અથવા જે ટીમ માટે રમશે તેની પ્રથમ મેચમાં મેદાન પર જોવા મળશે નહીં. RCB માટે ટ્રોફી જીત્યા બાદ આવેલો આ નિર્ણય ચોક્કસપણે મોટો ઝટકો માનવામાં આવી રહ્યો છે, કારણ કે ટિમ ડેવિડ ટીમના મહત્વના ફિનિશર (Finisher) અને મેચ વિનર (Match Winner) ખેલાડીઓમાં સામેલ છે.

આ પણ વાંચો : Virat Kohli POTM record : વિરાટ કોહલીનો કમાલ, સૌથી વધુ Player of the Match જીતનાર ભારતીય ખેલાડી બન્યો