CSK vs KKR IPL 2026 : સંજુ સેમસનનો ચેપૉકમાં સપાટો, KKR ને મળ્યો 193 રનનો પડકાર!
- CSK vs KKR IPL 2026 : ચેન્નાઈએ કોલકાતા સામે ખડક્યો 192 રનનો સ્કોર!
- સંજુ સેમસનની 48 રનની તોફાની ઈનિંગથી ચેપૉક સ્ટેડિયમ ગુંજી ઉઠ્યું
- ડેવાલ્ડ બ્રેવિસ અને આયુષ મ્હાત્રેના યોગદાનથી KKR ને મળ્યો મોટો ટાર્ગેટ
- બોલિંગમાં કાર્તિક ત્યાગીએ 2 વિકેટ ઝડપી કોલકાતાની લાજ બચાવી
- સીઝનની પ્રથમ જીત મેળવવા માટે KKR ને બનાવવા પડશે 193 રન
- પોઈન્ટ ટેબલમાં ઉપર આવવા માટે બંને ટીમો વચ્ચે જંગ તેજ બન્યો
CSK vs KKR IPL 2026 : આઈપીએલ સીઝન 19 (IPL Season 19) ના 22માં મુકાબલામાં આજે બે દિગ્ગજ ટીમો આમને-સામને છે. 5 વખતની ચેમ્પિયન ચેન્નાઈ સુપર કિંગ્સ (Chennai Super King) અને 3 વખતની વિજેતા કોલકાતા નાઈટ રાઈડર્સ (Kolkata Knight Riders - KKR) વચ્ચે ચેપૉકના મેદાન પર જંગ જામ્યો છે. CSK vs KKR IPL 2026 ના આ મેચમાં કોલકાતાના કેપ્ટન અજિંક્ય રહાણેએ ટોસ (Toss) જીતીને પ્રથમ બોલિંગ કરવાનો નિર્ણય લીધો હતો.
CSK vs KKR IPL 2026 : બેટિંગમાં સંજુ સેમસનનો જલવો
પ્રથમ બેટિંગ કરવા ઉતરેલી ચેન્નાઈની ટીમે નિર્ધારિત 20 ઓવરમાં 5 વિકેટ ગુમાવીને 192 રનનો સન્માનજનક સ્કોર બનાવ્યો છે. ટીમના ઓપનર સંજુ સેમસને (Sanju Samson) આક્રમક રમત બતાવી સૌથી વધુ 48 રન ફટકાર્યા હતા. મધ્યમ ક્રમમાં ડેવાલ્ડ બ્રેવિસે (Dewald Brevis) 41 રન અને યુવા બેટ્સમેન આયુષ મ્હાત્રેએ 38 રનનું મહત્વનું યોગદાન આપ્યું હતું. સરફરાઝ ખાને પણ 23 રનની ઉપયોગી ઇનિંગ રમી હતી, જ્યારે શિવમ દુબે 11 રને અણનમ રહ્યો હતો.
Seated for the second half! 💪#WhistlePodu #CSKvKKR pic.twitter.com/bVQwGTo464
— Chennai Super Kings (@ChennaiIPL) April 14, 2026
બોલિંગમાં કાર્તિક ત્યાગીની લડત
કોલકાતા તરફથી બોલિંગમાં કાર્તિક ત્યાગીએ (Kartik Tyagi) શાનદાર પ્રદર્શન કરતા 2 વિકેટ ઝડપી હતી. આ ઉપરાંત અનુકૂળ રોય, વૈભવ અરોરા અને સુનીલ નરેને 1-1 સફળતા મેળવી હતી. હવે KKR ને આ મેચ જીતવા માટે 193 રનના લક્ષ્યાંકનો (Target) પીછો કરવો પડશે.
પોઈન્ટ્સ ટેબલમાં પછાત બંને ટીમો
નોંધનીય છે કે પોઈન્ટ્સ ટેબલમાં (Points Table) હાલમાં બંને ટીમોની સ્થિતિ નબળી છે. ચેન્નાઈ 4 માંથી 1 જીત સાથે 9માં સ્થાને છે, જ્યારે કોલકાતા 4 માંથી 3 હાર સાથે 10માં સ્થાને છે. KKR માટે આ સીઝનની પ્રથમ જીત મેળવવી અનિવાર્ય બની ગઈ છે. ચેન્નાઈ પોતાના હોમ ગ્રાઉન્ડ (Home Ground) પર જીતનો સિલસિલો જાળવી રાખવા મથશે.
આ પણ વાંચો : શું 15 વર્ષના વૈભવ અને RR વચ્ચે બધું બરાબર નથી? જાણો કેમ યુવા સ્ટારે વ્યક્ત કરી નારાજગી!