રોમાંચક મુકાબલામાં પંજાબ કિંગ્સે રોયલ ચેલેન્જર્સ બેંગ્લોરને 54 રને હરાવ્યું

રોયલ
ચેલેન્જર્સ બેંગ્લોર અને પંજાબ કિંગ્સ વચ્ચે IPL 2022 ની 60મી મેચ બ્રેબોર્ન સ્ટેડિયમમાં રમાઈ હતી. બેંગ્લોરના કેપ્ટન ફાફ
ડુ પ્લેસિસે ટોસ જીતીને પ્રથમ બોલિંગ કરવાનો નિર્ણય લીધો છે. પ્રથમ બેટિંગ કરતા
પંજાબ કિંગ્સે 20 ઓવરમાં 9 વિકેટ ગુમાવીને 209 રન બનાવ્યા હતા. જવાબમાં રોયલ
ચેલેન્જર્સ બેંગ્લોર 20 ઓવરમાં 9 વિકેટે 155 રન જ બનાવી શકી હતી. ફાફ ડુ પ્લેસિસની
ટીમને 54 રનથી હારનો સામનો કરવો પડ્યો હતો.

બેંગ્લોર
તરફથી ગ્લેન મેક્સવેલે 35 રન બનાવ્યા હતા. કોહલી 20 રન, ફાફ 10, રજત પટડીરા 26 રન બનાવી આઉટ થયો હતો. લોમરોર
6 રને આઉટ થયો હતો. દિનેશ કાર્તિક માત્ર 11 રન બનાવી શક્યો હતો. પંજાબ તરફથી
રબાડાએ ત્રણ, ધવન અને ચહરે બે-બે વિકેટ લીધી હતી. પંજાબ
માટે લિયામ લિવિંગસ્ટોને 42 બોલમાં 70 રન બનાવ્યા હતા. જોની બેયરસ્ટોએ 29 બોલમાં
66 રન બનાવ્યા હતા. બેંગ્લોર તરફથી હર્ષલ પટેલે 4 વિકેટ ઝડપી હતી. હસરંગાએ 4
ઓવરમાં 15 રન આપીને બે વિકેટ લીધી હતી.

આ જીત સાથે
પંજાબ કિંગ્સ 11 મેચમાં 6 જીત અને 12 પોઈન્ટ સાથે છઠ્ઠા સ્થાને પહોંચી ગઈ છે.
પરંતુ રોયલ ચેલેન્જર્સ બેંગ્લોર માટે પ્લેઓફનો રસ્તો મુશ્કેલ બની ગયો છે. ટીમ હજુ
પણ 13 મેચમાં 7 જીત અને 14 પોઈન્ટ સાથે ચોથા સ્થાન પર છે. પરંતુ જો અન્ય ટીમો મેચ
જીતી જશે તો બેંગલોર માટે પ્લેઓફમાં જગ્યા બનાવવી મુશ્કેલ બની શકે છે.