IPL 2026 Final : IPL 2026 હવે તેના અંતિમ તબક્કે પહોંચી ગયું છે. આ મોટી ટૂર્નામેન્ટની ફાઇનલ નજીક આવતા જ ક્રિકેટ ચાહકોમાં ઉત્સાહ જાણે ચરમસીમાએ પહોંચી ગયો છે. 31 મેના રોજ અમદાવાદના નરેન્દ્ર મોદી સ્ટેડિયમ (Narendra Modi Stadium) ખાતે રમાનારી આ હાઈ-વોલ્ટેજ મેચને લઈને દેશભરમાં ભારે ઉત્સુકતા જોવા મળી રહી છે. ખાસ કરીને રોયલ ચેલેન્જર્સ બેંગ્લોર (Royal Challengers Bangalore) ફાઇનલમાં પહોંચ્યા બાદ બેંગલુરુથી અમદાવાદ તરફ જતી મુસાફરીની માંગમાં અચાનક મોટો ઉછાળો આવ્યો છે, જેના કારણે ફ્લાઇટ ટિકિટ (Flight Tickets) અને હોટલ બુકિંગ (Hotel Booking) બંનેના ભાવમાં નોંધપાત્ર વધારો નોંધાયો છે.

બેંગલુરુ-અમદાવાદ ફ્લાઇટ ભાડામાં ઉછાળો

બેંગલુરુથી અમદાવાદ જતી ફ્લાઇટ્સમાં ભારે બુકિંગ જોવા મળી રહ્યું છે. હજારો RCB ચાહકો પોતાની ટીમને સપોર્ટ કરવા માટે અમદાવાદ પહોંચવાની તૈયારીમાં છે, જેના કારણે એર ટિકિટના દરોમાં તીવ્ર વધારો થયો છે. કેટલાક રૂટ પર તો ભાડા સામાન્ય દિવસોની તુલનામાં બમણા થઈ ગયા છે. ટ્રાવેલ કંપનીઓનું કહેવું છે કે જેમ જેમ મેચની તારીખ નજીક આવશે તેમ તેમ ભાવમાં વધુ વધારો થવાની શક્યતા છે. ખાસ કરીને મેચના એક કે બે દિવસ પહેલા ફ્લાઇટ્સ ઝડપથી ફૂલ થઈ રહી છે, જેના કારણે છેલ્લી ક્ષણના મુસાફરોને મુશ્કેલીનો સામનો કરવો પડી શકે છે.

IPL 2026 Final પહેલા અમદાવાદની હોટલોમાં ભાવ વધારો

બીજી તરફ, અમદાવાદની હોટલોમાં પણ ભારે માંગ જોવા મળી રહી છે. ક્રિકેટ ચાહકો મેચ દરમિયાન કોઈ અડચણ ન આવે તે માટે પહેલેથી જ રૂમ બુક કરી રહ્યા છે, જેના કારણે હોટલના ભાવ (Hotel Prices)માં વધારો થયો છે. સ્ટેડિયમ નજીક આવેલી ઘણી હોટલો લગભગ સંપૂર્ણપણે બુક થઈ ચૂકી છે. બજેટ હોટલ (Budget Hotels)થી લઈને લક્ઝરી હોટલ (Luxury Hotels) સુધી દરેક કેટેગરીમાં ભાવમાં ઉછાળો નોંધાયો છે.

ટિકિટની માંગ પણ સતત વધારો

આ દરમિયાન ગુજરાત ટાઇટન્સ (Gujarat Titans) અને રાજસ્થાન રોયલ્સ (Rajasthan Royals) વચ્ચેની મહત્વપૂર્ણ મેચ ફાઇનલ માટે બીજી ટીમ નક્કી કરશે, જેના કારણે બંને ટીમોના સમર્થકો પણ મોટી સંખ્યામાં અમદાવાદ પહોંચવાની તૈયારી કરી રહ્યા છે. સ્ટેડિયમમાં લાઈવ મેચ (Live Match) જોવા માટે ટિકિટની માંગ પણ સતત વધી રહી છે, અને ચાહકો પોતાના મનપસંદ ખેલાડીઓને મેદાનમાં સપોર્ટ કરવા આતુર છે.

અમદાવાદમાં ક્રિકેટ ઈવેન્ટ દરમિયાન બદલાતું શહેરનું માહોલ

અમદાવાદમાં જ્યારે પણ મોટી ક્રિકેટ ઇવેન્ટ (Cricket Event) યોજાય છે ત્યારે શહેરનું વાતાવરણ સંપૂર્ણ રીતે બદલાઈ જાય છે. રેલવે સ્ટેશન (Railway Station), એરપોર્ટ (Airport) અને મુખ્ય હોટલ વિસ્તારોમાં ભીડનો માહોલ જોવા મળે છે. સાબરમતી નદી (Sabarmati Riverfront)ના કિનારે આવેલું આ શહેર દેશના સૌથી મહત્વપૂર્ણ રમતગમત કેન્દ્રોમાંથી એક માનવામાં આવે છે, અને આવા પ્રસંગોએ અહીં એક અલગ જ ઉત્સાહ અને ચહલપહલ જોવા મળે છે.

આ પણ વાંચો : IPL ફાઈનલ પહેલા ખેલાડીઓ માટે BCCI ની કડક ચેતવણી, હવે આ વસ્તુ લઈ જવા પર પ્રતિબંધ