MI vs LSG: પૂરને 16 બોલમાં ફિફ્ટી ફટકારી મુંબઈના બોલરોને ધોયા, વાનખેડેમાં રનનો ખડકલો!
- IPL 2026: વાનખેડેમાં રનનો વરસાદ, મુંબઈને 229 નો લક્ષ્યાંક!
- નિકોલસ પૂરને માત્ર 16 બોલમાં ફટકારી તોફાની ફિફ્ટી
- પાવર પ્લેમાં લખનઉનો કહેર, 6 ઓવરમાં ખડક્યા 90 રન
- 300 ના સ્ટ્રાઈક રેટ સાથે પૂરને મુંબઈના બોલરોને ધોયા
- હાઈ-વોલ્ટેજ જંગમાં LSG એ બનાવ્યા 228 રન
આઈપીએલ 2026 (IPL 2026) ની 47મી મેચમાં મુંબઈના વાનખેડે સ્ટેડિયમ ખાતે રનનો વરસાદ જોવા મળ્યો છે. ટોસ જીતીને મુંબઈ ઈન્ડિયન્સના (Mumbai Indians) કેપ્ટન સૂર્યકુમાર યાદવે પ્રથમ ફિલ્ડિંગ પસંદ કરી હતી, પરંતુ લખનઉ સુપર જાયન્ટ્સના બેટર્સે આ નિર્ણયને ખોટો સાબિત કરવામાં કોઈ કસર છોડી નથી. લખનઉની ટીમે નિર્ધારિત 20 ઓવરમાં 5 વિકેટ ગુમાવીને 228 રનનો વિશાળ સ્કોર બનાવ્યો છે.
Batters 𝙙𝙧𝙤𝙫𝙚 us crazyyyyyyy 😎🛺🔥 pic.twitter.com/nVYl5aFYXd
— Lucknow Super Giants (@LucknowIPL) May 4, 2026
પાવર પ્લેમાં મચાવ્યો તરખાટ
લખનઉ સુપર જાયન્ટ્સની (Lucknow Super Giants) શરૂઆત વિસ્ફોટક રહી હતી. ઓપનિંગમાં આવેલા મિચેલ માર્શ અને જોશ ઈંગ્લિસે પ્રથમ વિકેટ માટે ઝડપી 29 રન જોડ્યા હતા. ઈંગ્લિસ આઉટ થયા બાદ મેદાનમાં આવેલા નિકોલસ પૂરને (Nicholas Pooran) વાનખેડેમાં સિક્સરોની હેલી કરી હતી. લખનઉએ પાવર પ્લે (Powerplay) માં જ 1 વિકેટના નુકસાન પર 90 રન બનાવી લીધા હતા, જે આ સીઝનનો વન ઓફ ધ બેસ્ટ સ્કોર છે.
પૂરનની તોફાની ફિફ્ટી અને બોલિંગમાં વાપસી
નિકોલસ પૂરને માત્ર 16 બોલમાં પોતાની અડધી સદી પૂરી કરી મુંબઈના બોલરોને બેકફૂટ પર લાવી દીધા હતા. તેણે 21 બોલમાં 300 ના સ્ટ્રાઈક રેટથી 63 રન ફટકાર્યા, જેમાં 8 ગગનચુંબી છગ્ગાનો સમાવેશ થાય છે. મિચેલ માર્શે પણ 44 રનનું મહત્વનું યોગદાન આપ્યું હતું. જોકે, મધ્ય ઓવરોમાં મુંબઈ ઈન્ડિયન્સે (Mumbai Indians) વિકેટો ઝડપીને રન ગતિ પર થોડો અંકુશ મેળવ્યો હતો, છતાં લખનઉ 228 રન સુધી પહોંચવામાં સફળ રહ્યું હતું. હવે મુંબઈ સામે જીતવા માટે 229 રનનો મુશ્કેલ ટાર્ગેટ છે.
આ પણ વાંચો : IPL માં 200 + વિકેટો લેનારા આ ખેલાડીઓના નામ ઇતિહાસમાં દર્જ