MI WON AGAINST GT : મુંબઈ ઈન્ડિયન્સે ગુજરાત ટાઇટન્સને 99 રને હરાવ્યું, તિલક અને અશ્વિની મેચના હીરો
- આજનો મેચ કોણ જીત્યું? મુંબઈએ ગુજરાતને 99 રને હરાવ્યું
- Tilak Varma માત્ર 45 બોલમાં અણનમ 101 રન ફટકાર્યા
- Gujarat Titans માત્ર 100 રનમાં થઈ ગઈ ઓલઆઉટ
- મુંબઈના બોલર અશ્વિનીએ 4 મહત્વની વિકેટો ઝડપી મચાવ્યો તરખાટ
- બુમરાહે પહેલા જ બોલ પર વિકેટ ઝડપી ગુજરાતને આપ્યો મોટો ઝટકો
MI WON AGAINST GT : આઈપીએલ 2026 માં આજે રમાયેલા હાઈ-વોલ્ટેજ જંગમાં કોણ જીત્યું (Aaj Ka Match Kon Jeeta) તેની આતુરતાનો અંત આવ્યો છે. મુંબઈ ઈન્ડિયન્સે (MI) ગુજરાત ટાઇટન્સને (GT) તેમના જ હોમ ગ્રાઉન્ડ પર 99 રનના વિશાળ અંતરથી પરાજય આપ્યો છે. ટોસ હારીને પ્રથમ બેટિંગ કરવા ઉતરેલી મુંબઈની ટીમે તિલક વર્માની તોફાની સદીની મદદથી 20 ઓવરમાં 5 વિકેટે 199 રન બનાવ્યા હતા, જેના જવાબમાં ગુજરાતની ટીમ માત્ર 100 રનમાં ઓલઆઉટ થઈ ગઈ હતી.
An all-round performance in Ahmedabad 🔥 pic.twitter.com/sBkCwnVnrv
— Mumbai Indians (@mipaltan) April 20, 2026
તિલક વર્માની સદી અને મુંબઈની બેટિંગ
મુંબઈની શરૂઆત ખરાબ રહી હતી. ક્વિન્ટન ડી કોક (Quinton de Kock) 13 રને અને દાનિશ મલેવાર માત્ર 2 રને આઉટ થયા હતા. જોકે, નમન ધીરે 32 બોલમાં 45 રન ફટકારી બાજી સંભાળી હતી. મધ્યમ ક્રમમાં સૂર્યકુમાર યાદવ (Suryakumar Yadav) 15 રને આઉટ થયા બાદ તિલક વર્માએ મેદાન ગજવ્યું હતું. તિલકે માત્ર 45 બોલમાં 8 ચોગ્ગા અને 7 છગ્ગાની મદદથી અણનમ 101 રન ફટકારી સ્કોર 199 સુધી પહોંચાડ્યો હતો. ગુજરાત તરફથી કગિસો રબાડાએ (Kagiso Rabada) સૌથી વધુ 3 વિકેટ ઝડપી હતી.
ગુજરાતનો ધબડકો અને અશ્વિનીની ઘાતક બોલિંગ
200 રનના પહાડ જેવા લક્ષ્યાંકનો પીછો કરવા ઉતરેલી ગુજરાત ટાઇટન્સની (Gujarat Titans) શરૂઆત શરમજનક રહી હતી. બુમરાહે (Jasprit Bumrah) પહેલા જ બોલ પર સુધાર્સનને આઉટ કર્યો હતો. કેપ્ટન શુભમન ગીલ (Shubman Gill) 14 રન અને જોસ બટલર 5 રને આઉટ થતા ગુજરાતની હાર નિશ્ચિત બની હતી. વોશિંગ્ટન સુંદરે 26 રન બનાવ્યા હતા, પરંતુ મુંબઈના બોલર અશ્વિનીએ 4 વિકેટ ઝડપીને ગુજરાતની કમર તોડી નાખી હતી. અંતે ગુજરાતની ટીમ 15.5 ઓવરમાં 100 રને સમેટાઈ ગઈ હતી.
આ પણ વાંચો : Tilak Varma Century : 45 બોલમાં 101 રન ફટકારી અમદાવાદમાં મચાવી તબાહી, તોડ્યા દિગ્ગજોના રેકોર્ડ