• IPL 2026માં ઐતિહાસિક રેકોર્ડ, તમામ 10 ટીમોની સદી
• ટૂર્નામેન્ટમાં જોવા મળ્યો રનનો વરસાદ, દરેક ટીમે ફટકારી સદી
• મોટો રેકોર્ડ, દરેક ટીમના ખેલાડીએ ફટકારી સદી

IPL 2026 Century Record : ઈન્ડિયન પ્રીમિયર લીગ (IPL) ની 19મી સીઝન ક્રિકેટ પ્રેમીઓ માટે રોમાંચક સાબિત થઈ રહી છે. આ સીઝનમાં માત્ર રનોનો વરસાદ જ નથી થયો, પરંતુ બેટ્સમેનોએ સ્કોરબોર્ડ પર મોટા આંકડાઓ ખડકી દીધા છે. દરેક ટીમે 200 થી વધુ રન બનાવવાનો કરિશ્મા કર્યો છે અને આશ્ચર્યની વાત એ છે કે આટલા મોટા લક્ષ્યાંકો (Targets) નો સફળતાપૂર્વક પીછો પણ કરવામાં આવ્યો છે. જોકે, આ સીઝનની સૌથી મોટી હાઈલાઈટ એ રહી કે IPL ના ઈતિહાસમાં પ્રથમ વખત તમામ 10 ટીમો દ્વારા સદી (Century) ફટકારીને એક અનોખો રેકોર્ડ (Record) સ્થાપિત કર્યો છે.

વિરાટ કોહલીની 9મી સદી અને RCB નો વિજય

આ સીઝનમાં સદીના આંકડાને પૂર્ણ કરવામાં સૌથી મહત્વનું યોગદાન રોયલ ચેલેન્જર્સ બેંગ્લોર (RCB) ના સ્ટાર બેટ્સમેન વિરાટ કોહલીએ આપ્યું. કોલકાતા નાઈટ રાઈડર્સ (KKR) સામે રમાયેલી મેચમાં કોહલીએ વિસ્ફોટક બેટિંગ કરતા પોતાની કારકિર્દીની 9મી IPL સદી ફટકારી હતી. આ શાનદાર ઇનિંગની મદદથી RCB એ વિજય મેળવ્યો હતો. કોહલીની આ સદી સાથે જ IPL 2026 એક એવી સીઝન બની ગઈ જેમાં લીગની દરેક ટીમે ઓછામાં ઓછી એક સદી નોંધાવી હોય.

𝗛.𝗨.𝗡.𝗗.𝗥.𝗘.𝗗 💯

A scintillating ton from the chase master 👏👏

9th #TATAIPL hundred for Virat Kohli 🫡

Updates ▶️ https://t.co/X27WecYjiZ#KhelBindaas | #RCBvKKR | @imVkohli pic.twitter.com/GgyzG63rUf

— IndianPremierLeague (@IPL) May 13, 2026

આ પણ વાંચો : RCBVsKKR : વિરાટની સ્ફોટક સદી, RCB ને જીત સુધી દોરી ગઇ

દરેક ટીમના સદી ફટકારનાર ખેલાડીઓ - IPL 2026 Century Record

ઈન્ડિયન પ્રીમિયર લીગ (IPL) ની આ સીઝન બેટ્સમેનો માટે યાદગાર સાબિત થઈ છે, જેમાં દરેક ટીમના ખેલાડીઓએ રનનો પહાડ ખડકીને પ્રેક્ષકોને મંત્રમુગ્ધ કર્યા છે. સદી ફટકારવાના આ સિલસિલામાં ચેન્નઈ સુપર કિંગ્સ (CSK) તરફથી સંજુ સેમસને 2 શાનદાર સદી ફટકારીને પ્રભુત્વ જમાવ્યું હતું, જ્યારે મુંબઈ ઇન્ડિયન્સ (MI) માટે ક્વિન્ટન ડી કોક, તિલક વર્મા અને રાયન રિકેલ્ટને સદીના આંકડાને સ્પર્શ કર્યો હતો. ગુજરાત ટાઇટન્સ (GT) માટે સાઈ સુદર્શન અને સનરાઇઝર્સ હૈદરાબાદ (SRH) માટે અભિષેક શર્માએ આક્રમક બેટિંગનું પ્રદર્શન કરી સદી નોંધાવી હતી.

આ સીઝનનું સૌથી મોટું આકર્ષણ રાજસ્થાન રોયલ્સ (RR) નો 15 વર્ષીય યુવા ખેલાડી વૈભવ સૂર્યવંશી રહ્યો, જેણે માત્ર 36 બોલમાં સદી ફટકારી IPL ઇતિહાસમાં સૌથી નાની ઉંમરના સદીવીર તરીકે રેકોર્ડબ્રેક સિદ્ધિ હાંસલ કરી. આ ઉપરાંત, લખનૌ સુપર જાયન્ટ્સ (LSG) માટે મિશેલ માર્શે, દિલ્હી કેપિટલ્સ (DC) માટે કેએલ રાહુલે અને પંજાબ કિંગ્સ (PBKS) માટે કૂપર કોનોલીએ પણ સદી ફટકારી હતી. આમ, આ વખતે દરેક ટીમે બેટિંગમાં પોતાનું શ્રેષ્ઠ કૌશલ્ય બતાવીને સદીનો નવો રેકોર્ડ સ્થાપિત કર્યો છે.

યુવા ટેલેન્ટ અને અનુભવી ખેલાડીઓનું વર્ચસ્વ

આ સીઝન સાબિત કરે છે કે ક્રિકેટ હવે બેટ્સમેનોની રમત બની ગઈ છે. એક તરફ વિરાટ કોહલી અને કેએલ રાહુલ જેવા અનુભવી (Experienced) ખેલાડીઓએ પોતાનું કૌશલ્ય બતાવ્યું, તો બીજી તરફ વૈભવ સૂર્યવંશી જેવા યુવા ખેલાડીઓએ પોતાની પ્રતિભા (Talent) થી સૌને ચોંકાવી દીધા.

આ પણ વાંચો :  Virat Kohli On Stump Mic : 'હવે ભારત માટે રમવું નથી !', ઇન્ટરનેટ ગરમાયું