IPL 2026: 'ટેસ્ટ પ્લેયર' ના ટેગને ફગાવી KL Rahul એ મચાવ્યો તરખાટ, રચ્યો નવો ઈતિહાસ
- KL Rahul IPL 2026 માં ધમાકો; તોડ્યા અનેક રેકોર્ડ
- 9 મેચમાં 433 રન સાથે ઓરેન્જ કેપની રેસમાં બીજા સ્થાને
- 185.83 ના અત્યંત ઝડપી સ્ટ્રાઈક રેટથી ફટકારી રહ્યા છે રન
- એક જ ઈનિંગમાં 150 રન કરનાર પ્રથમ ભારતીય ખેલાડી બન્યા
- ટેસ્ટ પ્લેયરના ટેગને દૂર કરી ટી20 માં મચાવ્યો તરખાટ
- દિલ્હી કેપિટલ્સના પાવરપ્લે પ્લાન મુજબ કરી રહ્યો છે આક્રમક બેટિંગ
આઈપીએલ 2026 (KL Rahul IPL 2026) માં દિલ્હી કેપિટલ્સના ઓપનિંગ બેટ્સમેન કેએલ રાહુલનું બેટ અત્યારે આગ ઓકી રહ્યું છે. આ સીઝનમાં રમાયેલી 9 મેચોમાં રાહુલે 185.83 ના વિસ્ફોટક સ્ટ્રાઈક રેટ (Strike Rate) સાથે 433 રન ફટકાર્યા છે. તે અત્યારે ઓરેન્જ કેપ (Orange Cap) ની રેસમાં બીજા ક્રમે છે, પરંતુ તેના રન કરતા પણ વધુ ચર્ચા તેના બદલાયેલા અંદાજની થઈ રહી છે.
KL Rahul IPL 2026 : સંઘર્ષથી સફળતા સુધીની સફર
તાજેતરમાં એક ઈન્ટરવ્યુમાં રાહુલે ખુલાસો કર્યો કે 10 વર્ષ પહેલા તેને માત્ર એક ટેસ્ટ પ્લેયર (Test Player) માનવામાં આવતો હતો. તેને ટી20 ટીમનો હિસ્સો બનવા માટે ઘણો સંઘર્ષ કરવો પડ્યો હતો. રાહુલે કહ્યું, "મારી પર વાઈટ બોલ પ્લેયર ન હોવાનો સિક્કો લાગી ગયો હતો. તે છબી તોડવી અને આજે આ મુકામ પર પહોંચવું તે મારા માટે ગર્વની વાત છે."
Fast & finest 👉😌👈 pic.twitter.com/Z27w8J7eTw
— Delhi Capitals (@DelhiCapitals) May 3, 2026
ઈતિહાસ રચતી ઈનિંગ
વર્ષ 2020 માં રાહુલે કહ્યું હતું કે 'સ્ટ્રાઈક રેટ ઓવરરેટેડ છે', જેના માટે તેની ટીકા થઈ હતી. પરંતુ 6 વર્ષ બાદ રાહુલે પોતાની ભૂલ સુધારી લીધી છે. પંજાબ સામેની મેચમાં તેણે 150 થી વધુ રન ફટકારીને ઈતિહાસ રચ્યો હતો. તે આઈપીએલની એક ઈનિંગમાં 150 રન બનાવનાર પ્રથમ ભારતીય ક્રિકેટર (Indian Cricketer) બન્યો છે.
દિલ્હી કેપિટલ્સની સ્પષ્ટ રણનીતિ (Delhi Capitals Strategy)
સીઝન શરૂ થતા પહેલા ટીમ મેનેજમેન્ટ (Team Management) સાથે રાહુલની લાંબી ચર્ચા થઈ હતી. મેનેજમેન્ટે સ્પષ્ટ કર્યું હતું કે પાવરપ્લે (Powerplay) માં 10 રન પ્રતિ ઓવરની એવરેજથી રન જોઈએ. આ સ્પષ્ટતાને કારણે રાહુલને પોતાની બેટિંગ શૈલી (Batting Style) બદલવામાં મદદ મળી. દિલ્હીને પ્લેઓફની રેસમાં ટકી રહેવા માટે રાહુલનું ફોર્મમાં રહેવું અત્યંત જરૂરી છે.
આ પણ વાંચો : IPL માં 200 + વિકેટો લેનારા આ ખેલાડીઓના નામ ઇતિહાસમાં દર્જ