Marcus Stoinis Record: સ્ટોઈનિસનું 'તોફાન'! રોહિત શર્માનો વર્ષો જૂનો રેકોર્ડ તોડી રચ્યો નવો કીર્તિમાન
- માત્ર 20 બોલમાં અડધી સદી ફટકારી મચાવ્યો હોબાળો
- 20મી ઓવરમાં રોહિત શર્માનો મોટો રેકોર્ડ ધ્વસ્ત કર્યો
- છેલ્લી ઓવરમાં 3 ચોગ્ગા અને 2 છગ્ગા સાથે 24 રન લૂંટ્યા
- ડેથ ઓવર્સમાં 297.62ના સ્ટ્રાઈક રેટથી નોંધાવ્યો રેકોર્ડ
- રાજસ્થાનના બોલરો સામે સ્ટોઈનિસની પાવર હિટિંગ
Marcus Stoinis Record: આઈપીએલ 2026 ની 40મી મેચમાં જ્યારે પંજાબ કિંગ્સની ઇનિંગ મુશ્કેલ સમયમાં હતી, ત્યારે પાંચમા નંબરે બેટિંગ કરવા ઉતરેલા માર્કસ સ્ટોઈનિસે (Marcus Stoinis) રમતનું પાસું પલટી નાખ્યું હતું. તેમણે મેદાનમાં પગ મૂકતાની સાથે જ આક્રમક બેટિંગ શરૂ કરી અને માત્ર 20 બોલમાં તોફાની અડધી સદી (Half Century) ફટકારી દીધી હતી. સ્ટોઈનિસે કુલ 22 બોલનો સામનો કર્યો અને 281.82 ના સ્ટ્રાઈક રેટ સાથે અણનમ 62 રન (Unbeaten 62) ઝૂડી કાઢ્યા હતા. તેમની આ ઇનિંગમાં 4 આકર્ષક ચોગ્ગા અને 6 ગગનચુંબી છગ્ગાનો સમાવેશ થાય છે.
That's his secret, he's always angry! 😈pic.twitter.com/ydfJpYHJVz
— Punjab Kings (@PunjabKingsIPL) April 28, 2026
Marcus Stoinis Record : ડેથ ઓવર્સના નવા 'સુપર કિંગ'
આ ઇનિંગની સૌથી ખાસ વાત તેની છેલ્લી ઓવર હતી. 20મી ઓવરમાં સ્ટોઈનિસે જે અંદાજમાં બેટિંગ કરી તેણે આઈપીએલના જૂના તમામ રેકોર્ડ્સને હચમચાવી દીધા છે. હવે આઈપીએલ ઇતિહાસમાં 20મી ઓવરમાં ઓછામાં ઓછા 100 રન બનાવનારા ખેલાડીઓમાં સ્ટોઈનિસનો સ્ટ્રાઈક રેટ (Highest Strike Rate) સૌથી વધુ એટલે કે 297.62 પર પહોંચી ગયો છે. આ મામલે તેમણે રોહિત શર્માનો રેકોર્ડ તોડી નાખ્યો છે, જેમનો 20મી ઓવરમાં સ્ટ્રાઈક રેટ 282.42 હતો. સ્ટોઈનિસની આ વિસ્ફોટક બેટિંગને કારણે જ પંજાબ 222 રનનો વિશાળ સ્કોર બનાવી શક્યું હતું.
જોફ્રા આર્ચર અને બોલરોની ધોલાઈ
સ્ટોઈનિસનો કહેર 19મી ઓવરથી જ શરૂ થઈ ગયો હતો. તેમણે દુનિયાના સૌથી ખતરનાક ગણાતા બોલર જોફ્રા આર્ચરની ઓવરમાં સતત બે છગ્ગા ફટકારીને પંજાબના ફેન્સને ઉત્સાહિત કરી દીધા હતા. ત્યારબાદ 20મી ઓવરમાં બ્રિજેશ શર્મા વિરુદ્ધ 3 ચોગ્ગા અને 2 છગ્ગાની મદદથી કુલ 24 રન લૂંટ્યા હતા. 16 થી 20 ઓવરની વચ્ચે સૌથી વધુ વખત 50+ રન બનાવવાના મામલે પણ તેઓ હવે કીરોન પોલાર્ડ જેવા દિગ્ગજોની યાદીમાં સામેલ થઈ ગયા છે.
આ પ્રદર્શન સાથે સ્ટોઈનિસે સાબિત કરી દીધું છે કે શા માટે તેઓ ટી-20 ફોર્મેટમાં દુનિયાના સૌથી ભયાનક ફિનિશર (Best Finisher) માનવામાં આવે છે. છેલ્લી ઓવરોમાં તેમનો આક્રમક અભિગમ અને મજબૂત પાવર હિટિંગ કોઈપણ વિરોધી ટીમ માટે ખતરાની ઘંટડી સમાન છે
આ પણ વાંચો : Yashasvi Jaiswal અને Vaibhav Suryavanshi ના તોફાનમાં ઉડી ગયું Punjab Kings , 223 રનનો પહાડ પણ નાનો પડ્યો!