PBKS Vs MI: પંજાબે મુંબઈને હરાવ્યું, પ્રિયાંશ આર્ય-જોશ ઈંગ્લિસની ધમાકેદાર ફિફ્ટી

• પંજાબે મુંબઈને 7વિકેટથી હરાવ્યું
• પ્રિયાંશ આર્ય-જોશ ઈંગ્લિસની ધમાકેદાર ફિફ્ટી
• મુંબઈ ઈન્ડિયન્સનું નિરાશાજનક પ્રદર્શન

PBKS Vs MI: IPL 2025 ના પ્લેઓફ પહેલા, એક ટીમે ટોપ-2 માં પોતાનું સ્થાન (PBKS Vs MI)નિશ્ચિત કરી લીધું છે. બધા દાવાઓ અને અપેક્ષાઓથી વિપરીત, શ્રેયસ ઐયરની આગેવાની હેઠળની પંજાબ કિંગ્સે મુંબઈ ઈન્ડિયન્સ, જે તેમના કરતા વધુ મજબૂત દેખાતી હતી, ને એકતરફી રીતે 7 વિકેટથી હરાવ્યું. જયપુરમાં રમાયેલી લીગ તબક્કાની તેની છેલ્લી મેચમાં, પંજાબે અર્શદીપ સિંહની ઉત્તમ બોલિંગ અને પ્રિયાંશ આર્ય-જોશ ઇંગ્લિસના મજબૂત વળતા હુમલાના આધારે 19 ઓવરમાં 185 રનનો લક્ષ્યાંક હાંસલ કર્યો અને પોઈન્ટ ટેબલમાં પ્રથમ સ્થાન મેળવ્યું અને હવે પ્રથમ ક્વોલિફાયર રમશે. મુંબઈ ઈન્ડિયન્સ ચોથા સ્થાને રહેશે અને એલિમિનેટર રમશે.

પંજાબ કિંગ્સની ખરાબ શરુઆત

પંજાબ કિંગ્સને 185 રનનો ટાર્ગેટ મળ્યો હતો, જેના જવાબમાં ટીમની શરૂઆત સારી ન હતી કારણ કે પ્રભસિમરન સિંહ માત્ર 13 રન બનાવીને આઉટ થઈ ગયો. તે પછી પ્રિયાંશ આર્ય અને જોશ ઈંગ્લિશ બંનેએ MI બોલરોને હેરાન કર્યો. પ્રિયાંશ અને ઈંગ્લિશ વચ્ચે 109 રનની મોટી પાર્ટનરશિપ થઈ, આ દરમિયાન પ્રિયાંશ 15મી ઓવરમાં 62 રન બનાવીને આઉટ થઈ ગયો. તેને 62 રનની ઈનિંગમાં 9 ચોગ્ગા અને 2 છગ્ગા ફટકાર્યા. જોશ ઈંગ્લિસ બીજા છેડે મજબૂત રીતે ઉભા રહ્યા અને 42 બોલમાં 73 રનની શાનદાર ઈનિંગ રમી હતી Qualifier 1

Sealing a Q1 spot in style 🤌

Captain Shreyas Iyer adds the finishing flair as #PBKS defeat #MI in Jaipur ❤

Scorecard ▶ https://t.co/Dsw52HOtga#TATAIPL | #PBKSvMI | @PunjabKingsIPL pic.twitter.com/x93pqi4hxn

— IndianPremierLeague (@IPL) May 26, 2025

આ પણ  વાંચો -IPL 2025 : ઓરેન્જ અને પર્પલ કેપની રેસમાંથી આ ખેલાડીઓ થયા બહાર, હવે નવી રેસ શરૂ!

મુંબઈની બેટિંગ આ રીતે હતી

પ્રથમ બેટિંગ કરવા ઉતરેલી મુંબઈની શરૂઆત શાનદાર રહી. રોહિત શર્મા અને રાયન રિકેલ્ટને ઇનિંગ્સની શરૂઆત જ્વલંત રીતે કરી. પરંતુ મુંબઈને પહેલો ઝટકો છઠ્ઠી ઓવરમાં મળ્યો જ્યારે રાયન રિકેલ્ટને તેની વિકેટ ગુમાવી દીધી. મુંબઈને આ ફટકો 45ના સ્કોર પર પડ્યો. રાયને 27 રનની ઇનિંગ રમી. પરંતુ આ પછી સૂર્યકુમાર યાદવ અને રોહિત શર્મા વચ્ચે સારી ભાગીદારી થઈ. પરંતુ આ પછી સૂર્યાએ 33 બોલમાં ફિફ્ટી ફટકારી. તે જ સમયે, નમન ધીરે પણ શાનદાર બેટિંગ કરી. નમન ૧૧ બોલમાં ૨૦ રન બનાવ્યા. તેના આધારે મુંબઈએ પંજાબને ૧૮૫ રનનો લક્ષ્યાંક આપ્યો છે.

આ પણ  વાંચો -શું આજે રોહિત શર્મા ઇતિહાસ રચશે? એક માત્ર ક્રિસ ગેલના નામે છે આ કીર્તિમાન

જાણો પોઈન્ટ ટેબલના સમીકરણ

આ જીત સાથે પંજાબે લીગ સ્ટેજનો અંત 14 મેચમાં 19 પોઈન્ટ સાથે કર્યો.આ રીતે ટીમે ગુજરાતને પાછળ છોડી દીધું અને પ્રથમ સ્થાન મેળવ્યું અને હવે તે પ્રથમ કે બીજા સ્થાને રહેશે તે નિશ્ચિત છે.આના આધારે, ટીમ 29 મેના રોજ પ્રથમ ક્વોલિફાયર રમશે.જ્યાં તેને ફાઇનલમાં પહોંચવાની બે તક મળશે.પરંતુ પ્રથમ ક્વોલિફાયરમાં તેનો સામનો કોની સાથે થશે તે મંગળવારે રોયલ ચેલેન્જર્સ બેંગ્લોર અને લખનૌ સુપર જાયન્ટ્સ વચ્ચેની મેચમાં નક્કી થશે. જો બેંગલુરુ જીતશે, તો તે પ્રથમ કે બીજા સ્થાન પર રહેશે અને તેનો સામનો પંજાબ સામે થશે.પરંતુ જો બેંગલુરુ હારશે અથવા મેચ ડ્રો થશે,તો ગુજરાત બીજા સ્થાને રહેશે, જ્યારે બેંગલુરુ ત્રીજા સ્થાને રહેશે અને તેનો મુકાબલો મુંબઈ સામે થશે.