RR ના નવા બોસ! Lakshmi Mittal અને Adar Poonawalla એ ખરીદી રાજસ્થાન રોયલ્સ, કિંમત જાણીને ચોંકી જશો
- લક્ષ્મી મિત્તલ અને અદાર પૂનાવાલા હવે RR ના નવા માલિક
- $1.65 બિલિયન (અંદાજે 13,800 કરોડથી વધુ) માં થયો સોદો
- મિત્તલ પરિવારનો ટીમમાં રહેશે 75 ટકા મોટો હિસ્સો
- કાલ સોમાણીની ડીલ રદ થયા બાદ મિત્તલ એન્ટ્રી
- પાર્લ અને બાર્બાડોસ રોયલ્સ પણ હવે મિત્તલ હસ્તક
આઈપીએલ 2026 (IPL 2026) પહેલા ફ્રેન્ચાઈઝી માલિકીના મામલે મોટા સમાચાર સામે આવ્યા છે. જાણીતા ઉદ્યોગપતિ લક્ષ્મી એન. મિત્તલ (Lakshmi N. Mittal) અને તેમના પુત્ર આદિત્ય મિત્તલે અદાર પૂનાવાલા (Adar Poonawalla) સાથે મળીને રાજસ્થાન રોયલ્સને 1.65 બિલિયન યુએસ ડોલરમાં ખરીદી લીધી છે. અગાઉ આ સોદો કાલ સોમાણી સાથે થવાની ચર્ચા હતી, પરંતુ નાણાકીય કારણોસર તે ડીલ અટકી ગઈ હતી. હવે મિત્તલ પરિવાર પાસે આ ફ્રેન્ચાઈઝીનો 75% હિસ્સો હશે, જ્યારે અદાર પૂનાવાલા 18% હિસ્સો ધરાવશે. બાકીનો 7% હિસ્સો મનોજ બડાલે સહિતના જૂના રોકાણકારો પાસે રહેશે.
🚨 RAJASTHAN ROYALS GOES TO THE MITTAL FAMILY AND ADAR POONAWALA. 🚨
- RR has been sold for 15,660cr with 75% stake goes to ArcelorMittal, 18% stake to Adar Poonawala and 7% remains with the existing owner including Manoj Badale. pic.twitter.com/TDGmi4qr5l
— Mufaddal Vohra (@mufaddal_vohra) May 3, 2026
વૈશ્વિક ક્રિકેટ ફ્રેન્ચાઈઝી પર વર્ચસ્વ
આ સોદા હેઠળ નવા માલિકોને માત્ર આઈપીએલ ટીમ જ નહીં, પરંતુ રાજસ્થાન રોયલ્સ (Rajasthan Royals) ગ્રુપની અન્ય ટીમો જેવી કે પાર્લ રોયલ્સ અને બાર્બાડોસ રોયલ્સની એન્ટરપ્રાઇઝ વેલ્યુ અને માલિકી પણ મળશે. મિત્તલ પરિવારે એક પ્રેસ રિલીઝમાં જણાવ્યું હતું કે આ સોદો વર્ષ 2026 ના ત્રીજા ક્વાર્ટર (Q3) માં પૂર્ણ થવાની અપેક્ષા છે, જે માટે BCCI અને અન્ય રેગ્યુલેટરી ઓથોરિટીની મંજૂરી લેવાની પ્રક્રિયા ચાલુ છે.
રાજસ્થાન સાથેનું ભાવનાત્મક જોડાણ
લક્ષ્મી એન. મિત્તલે આ ડીલ અંગે ખુશી વ્યક્ત કરતા જણાવ્યું કે, "મને ક્રિકેટ ખૂબ ગમે છે અને મારો પરિવાર રાજસ્થાનથી (Rajasthan) આવે છે, તેથી રાજસ્થાન રોયલ્સ સિવાય બીજી કોઈ એવી ટીમ નથી કે જેનો હું ભાગ બનવા ઈચ્છું." તેમના પુત્ર આદિત્યએ પણ નવા ટેલેન્ટને વિકસાવવાની ટીમની લેગસી જાળવી રાખવાનો સંકલ્પ કર્યો છે. અદાર પૂનાવાલાએ પણ આ વૈશ્વિક સ્પોર્ટ્સ સંસ્થાનો ભાગ બનવા બદલ ફેન્સ અને મેનેજમેન્ટનો આભાર માન્યો હતો.
આ પણ વાંચો : Vinesh Phogat નો વિસ્ફોટક ખુલાસો; 'બ્રિજભૂષણ સામે જાતીય સતામણીની ફરિયાદ કરનાર 6 પીડિતોમાં હું પણ સામેલ'