Spencer Johnson CSK Debut : ચેન્નાઈના ચાહકો માટે ગિફ્ટ! સ્પન્સર જોહ્ન્સન ટીમમાં સામેલ, શું મુંબઈ સામે રમશે?
- Spencer Johnson સત્તાવાર રીતે સીએસકે કેમ્પમાં સામેલ
- ઈજાગ્રસ્ત નાથન એલિસ અને ખલીલ અહમદની ખોટ પૂરશે આ બોલર
- 23 એપ્રિલે મુંબઈ ઈન્ડિયન્સ (MI) સામે રમી શકે છે ડેબ્યૂ મેચ
- ઇન્સ્ટાગ્રામ પર ફોટો શેર કરી જોહ્ન્સને ચાહકોને આપી ખુશખબરી
- MS Dhoni પણ ટૂંક સમયમાં પ્લેઈંગ-11 માં દેખાય તેવી આશા
આઈપીએલ 2026 (IPL 2026) માં ચેન્નાઈ સુપર કિંગ્સ (CSK) ના ચાહકો માટે ખુશીના સમાચાર સામે આવ્યા છે. શરૂઆતી મેચોમાં નબળા પ્રદર્શન બાદ હવે સીએસકેની ટીમ ફરી લયમાં પરત ફરી રહી છે. આ દરમિયાન સમાચાર મળી રહ્યા છે કે ઓસ્ટ્રેલિયાનો ઘાતક ફાસ્ટ બોલર સ્પન્સર જોહ્ન્સન (Spencer Johnson CSK Debut) સત્તાવાર રીતે ટીમ સાથે જોડાઈ ગયો છે. ઇજાગ્રસ્ત નાથન એલિસના સ્થાને ટીમમાં સામેલ થયેલો આ ખેલાડી હવે આગામી મેચોમાં વિરોધી ટીમો માટે મુશ્કેલી સર્જી શકે છે.
Instagram story of Spencer Johnson 💛
- He has joined CSK for IPL 2026. pic.twitter.com/FAOnhj7v38
— Johns. (@CricCrazyJohns) April 20, 2026
Spencer Johnson CSK Debut : ટીમમાં જોહ્ન્સનની એન્ટ્રી અને પ્રેક્ટિસ
Spencer Johnson છેલ્લા કેટલાક સમયથી ઈજા સામે ઝઝૂમી રહ્યો હતો અને ઓસ્ટ્રેલિયામાં જ રહીને પોતાની ફિટનેસ પર કામ કરી રહ્યો હતો. અગાઉ એવી માહિતી મળી હતી કે તે 20 એપ્રિલ સુધીમાં ભારત પહોંચી જશે. હવે આ ડાબોડી સ્પીડસ્ટરે પોતે ઇન્સ્ટાગ્રામ પર સ્ટોરી શેર કરીને પુષ્ટિ કરી છે કે તે ચેન્નાઈ પહોંચી ગયો છે. તેણે એમએસ ધોનીના [MS Dhoni] ફેમસ બ્રાન્ડ '7Padel' ખાતે હાજરી આપી હતી, જે દર્શાવે છે કે તે હવે મેદાનમાં ઉતરવા માટે સંપૂર્ણ રીતે તૈયાર છે.
મુંબઈ સામેના જંગમાં મળી શકે છે સ્થાન
સીએસકેની આગામી મેચ 23 એપ્રિલે મુંબઈના વાનખેડે સ્ટેડિયમમાં મુંબઈ ઈન્ડિયન્સ (MI) સામે રમાવાની છે. ચેન્નાઈ માટે ચિંતાનો વિષય એ હતો કે તેમનો મુખ્ય ડાબોડી બોલર ખલીલ અહમદ ઈજાને કારણે ટુર્નામેન્ટમાંથી બહાર થઈ ગયો છે. આવી સ્થિતિમાં સ્પન્સર જોહ્ન્સન (Spencer Johnson CSK Debut) ટીમ માટે ટ્રમ્પ કાર્ડ સાબિત થઈ શકે છે. તેની ગતિ અને ઉંચાઈનો ફાયદો વાનખેડેની પિચ પર ચેન્નાઈને મળી શકે છે. ચાહકોને આશા છે કે આ હાઈ-વોલ્ટેજ મેચમાં જોહ્ન્સન અને ધોની બંને એકસાથે મેદાનમાં જોવા મળશે.
આ પણ વાંચો : MI WON AGAINST GT : મુંબઈ ઈન્ડિયન્સે ગુજરાત ટાઇટન્સને 99 રને હરાવ્યું, તિલક અને અશ્વિની મેચના હીરો