SRH Vs DC:ઇન્ડિયન પ્રીમિયર લીગ (IPL 2025) ની 55મી મેચ વરસાદને કારણે ધોવાઈ. જેના કારણે સનરાઇઝર્સ હૈદરાબાદની પ્લેઓફમાં પહોંચવાની આશા પર પાણી વળ્યું છે.આ મેચમાં સનરાઇઝર્સ હૈદરાબાદની ટીમે (SRH Vs DC)પ્રથમ બોલિંગ કરવાનો નિર્ણય લીધો હતો. પ્રથમ બેટિંગ કરતા દિલ્હીની ટીમે 7 વિકેટ ગુમાવીને 133 રન બનાવ્યા હતા. આશુતોષે સૌથી વધુ 41 રન બનાવ્યા. જ્યારે કમિન્સે 3 વિકેટ લીધી. પરંતુ હૈદરાબાદ બેટિંગ કરે તે પહેલાં જ વરસાદ શરૂ થઈ ગયો. લાંબી રાહ જોયા પછી પણ વરસાદ બંધ ન થયો અને મેચ રદ કરવી પડી.
દિલ્હીની ઇનિંગ્સ આવી હતી
પહેલા બેટિંગ કરવા આવેલી દિલ્હીની શરૂઆત ખૂબ જ ખરાબ રહી હતી. કમિન્સે મેચના પહેલા જ બોલ પર કરુણ નાયરની વિકેટ લીધી. આ પછી, એવું લાગતું હતું કે દિલ્હીની ટીમ પત્તાના પોટલા જેવી તૂટી પડવા લાગી. કમિન્સે ત્રીજી ઓવરમાં ફરીથી ફાફ ડુ પ્લેસિસને આઉટ કર્યો. ફાફના બેટમાંથી ફક્ત 3 રન આવ્યા. આ પછી, હર્ષલે 5મી ઓવરમાં અભિષેક પોરેલને આઉટ કર્યો. છઠ્ઠી ઓવરમાં અક્ષર પણ આઉટ થયો હતો. આઠમી ઓવરમાં જયદેવે કેએલ રાહુલને બહારનો રસ્તો બતાવ્યો.
આ પણ વાંચો -IPL વચ્ચે મોહમ્મદ શમીને મળી જાનથી મારી નાખવાની ધમકી
સનરાઈઝર્સ હૈદરાબાદની ટીમ પ્લેઓફની દોડમાંથી બહાર
સનરાઈઝર્સ હૈદરાબાદની ટીમે અત્યાર સુધીમાં IPLમાં કુલ 11 મેચ રમી છે, જેમાંથી ટીમ ફક્ત ત્રણમાં જ જીતી શકી છે અને એક મેચ વરસાદને કારણે રદ્દ થઈ હતી. હાલમાં, 7 પોઈન્ટ સાથે, તેનો નેટ રન રેટ માઈનસ 1.192 છે. ચાલુ સિઝનમાં તેની ત્રણ મેચ બાકી છે. જો તે આ મેચો જીતી જાય તો પણ તે મહત્તમ 13 પોઈન્ટ સુધી પહોંચી જશે. RCB, પંજાબ કિંગ્સ, મુંબઈ ઈન્ડિયન્સ, ગુજરાત ટાઈટન્સ અને દિલ્હી કેપિટલ્સ પાસે પોઈન્ટ ટેબલમાં 14 કે તેથી વધુ પોઈન્ટ છે. આ પરિસ્થિતિમાં, તે પોઈન્ટ ટેબલના ટોપ-4માં પહોંચી શકશે નહીં. આ કારણે, તેઓ પ્લેઓફની દોડમાંથી બહાર થઈ ગયા છે અને IPL ટાઈટલ જીતવાનું તેમનું સ્વપ્ન ચકનાચૂર થઈ ગયું છે. જો વરસાદ ન પડ્યો હોત અને SRH મેચ જીતી ગયું હોત, તો પ્લેઓફ માટેની તેમની આશા અકબંધ રહી હોત, પરંતુ એવું બન્યું નહીં.
આ પણ વાંચો-PBKS vs LSG : પંજાબે લખનૌને હરાવ્યું, અર્શદીપ સિંહે બોલિંગમાં મચાવી ધૂમ
પેટ કમિન્સે લીધી ત્રણ વિકેટ
સનરાઈઝર્સ હૈદરાબાદ માટે પેટ કમિન્સ સૌથી મોટો હીરો સાબિત થયો. તેને મેચની ચાર ઓવરમાં 19 રન આપીને ત્રણ મહત્વપૂર્ણ વિકેટ લીધી. જ્યારે જયદેવ ઉનડકટ, ઈશાન મલિંગા અને હર્ષલ પટેલે એક-એક વિકેટ લીધી હતી. આ બોલરોના કારણે દિલ્હીની ટીમ મોટો સ્કોર કરી શકી નહીં.
