SRH vs RR: હૈદરાબાદના યુવા બોલરો સામે રાજસ્થાન પરાસ્ત, 57 રને મેળવી જીત
- હૈદરાબાદના ડેબ્યૂટન્ટ બોલરોએ રાજસ્થાનને ધૂળ ચટાડી
- સનરાઇઝર્સ હૈદરાબાદની રાજસ્થાન સામે 57 રને જીત
- પ્રફુલ હિંગે અને સાકિબ હુસૈને ઝડપી 4-4 વિકેટ
- ઈશાન કિશને 44 બોલમાં ફટકાર્યા શાનદાર 91 રન
- રાજસ્થાનનો સ્કોર 2 રન પર 4 વિકેટ થઈ ગયો હતો
SRH vs RR: સનરાઇઝર્સ હૈદરાબાદની (SRH) શરૂઆત ખરાબ રહી હતી અને સલામી બેટ્સમેનો ફ્લોપ રહ્યા હતા. જોકે, કેપ્ટન ઈશાન કિશને (Ishan Kishan) મોરચો સંભાળતા માત્ર 44 બોલમાં 91 રનની આક્રમક ઇનિંગ રમી હતી. હેનરિક ક્લાસેને (Heinrich Klaasen) 40 રનનું યોગદાન આપ્યું હતું, જ્યારે અંતિમ ઓવરોમાં નીતીશ કુમાર રેડ્ડી અને સલિલ અરોરાની ઉપયોગી બેટિંગને કારણે હૈદરાબાદે 216 રનનો વિશાળ સ્કોર બનાવ્યો હતો.
This one’s for you, Orange Army 🧡 pic.twitter.com/7szyXc1QXO
— SunRisers Hyderabad (@SunRisers) April 13, 2026
SRH vs RR: ડેબ્યૂ મેચમાં પ્રફુલ અને સાકિબનો કહેર
217 રનના લક્ષ્યનો પીછો કરવા ઉતરેલી રાજસ્થાન રોયલ્સની હાલત શરૂઆતથી જ કફોડી રહી હતી. ડેબ્યૂટન્ટ પ્રફુલ હિંગે (Praful Hinge) ઇનિંગની પહેલી જ ઓવરમાં વૈભવ સૂર્યવંશી, ધ્રુવ જુરેલ અને લુઆન ડ્રી પ્રિટોરિયસને આઉટ કરીને સનસનાટી મચાવી દીધી હતી. બીજી તરફ, અન્ય ડેબ્યૂટન્ટ સાકિબ હુસૈને (Sakib Hussain) યશસ્વી જાયસવાલને આઉટ કરતા રાજસ્થાને માત્ર 2 રનના સ્કોર પર 4 વિકેટ ગુમાવી દીધી હતી.
રાજસ્થાનની લડત અને હૈદરાબાદની જીત
પ્રફુલ હિંગેએ (Praful Hinge) પોતાનો કહેર ચાલુ રાખતા કેપ્ટન રિયાન પરાગને પણ આઉટ કર્યો હતો. જોકે, રવીન્દ્ર જાડેજા (Ravindra Jadeja) અને ડોનોવન ફરેરાએ 118 રનની ભાગીદારી કરીને ટીમના નેટ રન રેટને (Net Run Rate) સંભાળ્યો હતો. પ્રફુલ અને સાકિબે 4-4 વિકેટ ઝડપી હતી, જ્યારે ઈશાન મલિંગાએ 2 વિકેટ ઝડપીને હૈદરાબાદને 57 રને જીત અપાવી હતી.
આ પણ વાંચો : Praful Hinj IPL 2026 : કોણ છે આ પ્રફુલ હિંજ? જેણે IPL ડેબ્યૂની પહેલી જ ઓવરમાં ઈતિહાસ રચી દીધો