ગુજરાત ટાઇટન્સનો આ બેટ્સમેન દુનિયાનો સૌથી ટેલેન્ટેડ ખેલાડી: રવિ શાસ્ત્રી

રવિ શાસ્ત્રી આજે એક નવી ભૂમિકામાં જોવા મળી રહ્યા છે. તેઓ ટીમ ઈન્ડિયાના કોટ પદેથી રાજીનામું આપ્યા બાદ કોમેન્ટેટરી કરતા જોવા મળી રહ્યા છે. ત્યારે હવે તેમણે તાજેતરમાં ગુજરાત ટાઇટન્સના બેટ્સમેન શુભમન ગિલથી પ્રભાવિત થઇને તેના વખાણ કર્યા હતા. 

મહત્વનું છે કે, ગુજરાત ટાઇટન્સના આ યુવા બેટ્સમેને દિલ્હી કેપિટલ્સ સામે શાનદાર 84 રન ફટકારીને ગુજરાત ટાઇટન્સને 14 રને જીત અપાવી હતી. શાસ્ત્રીને ગિલનો મિજાજ અને રન બનાવવાની સરળતા એટલી બધી ગમી કે તેણે તેના વખાણ કર્યા અને તેને વિશ્વના સૌથી પ્રતિભાશાળી ખેલાડીઓમાંના એક તરીકે ગણાવ્યો. મહત્વનું છે કે, ગુજરાત ટાઇટન્સ દ્વારા લેવામાં આવેલા ત્રણ ખેલાડીઓમાંથી એક શુભમન ગીલે શનિવારે પુણેમાં દિલ્હી કેપિટલ્સ સામે 46 બોલમાં 84 રન ફટકાર્યા હતા. આ ઇનિંગમાં ચાર છક્કા, છ ચોક્કા અને માત્ર પાંચ ડોટ બોલનો સમાવેશ થાય છે. ગિલની આ ઇનિંગ બાદ સ્ટાર સ્પોર્ટ્સ સાથે વાત કરતા ટીમ ઈન્ડિયાના પૂર્વ મુખ્ય કોચ રવિ શાસ્ત્રીએ 22 વર્ષના ખેલાડીના વખાણ કરી અને કહ્યું કે, તેને આ ફોર્મેટ માટે જ બનાવવામાં આવ્યો છે.

શાસ્ત્રીએ કહ્યું કે, તે એક શુદ્ધ પ્રતિભાશાળી છે. સાચું કહું તો તે દેશ અને વિશ્વ ક્રિકેટના સૌથી પ્રતિભાશાળી ખેલાડીઓમાંથી એક છે. એકવાર તે જશે પછી તે સ્કોર કરશે અને તે તેને સરળ રીતે લેશે. તેની પાસે તે પંચ, સમય છે અને તેને મેદાન પર રમવાની તાકાત મળી છે. તેને રમતના આ ફોર્મેટ માટે જ બનાવવામાં આવ્યો છે. તેના શોટની પસંદગી અને સ્ટ્રાઈકનું રોટેશન દબાણને દૂર કરે છે. તે શોર્ટ બોલ પર ખૂબ જ સારું રમે છે. ગિલની ઈનિંગની મદદથી ટાઇટન્સને 20 ઓવરમાં છ વિકેટે 171 રન બનાવ્યા હતા. આ પછી, લોકી ફર્ગ્યુસને 28 રનમાં શાનદાર 4 વિકેટ લઇને દિલ્હી કેપિટલ્સે લક્ષ્યથી 14 રન પહેલા જ દમ તોડી દીધો. આ જીતની સાથે, ગુજરાત ટાઇટન્સ જેણે પહેલી મેચમાં લખનઉ સુપર જાયન્ટ્સને હરાવ્યું હતું, જે હવે પોઇન્ટ્સ ટેબલમાં ત્રીજા નંબર પર પહોંચી ગયું છે.