ઇજાગ્રસ્ત હાથી મહાદેવીને અનંત અંબાણીના 'રાધે કૃષ્ણ ટ્રસ્ટ' સંચાલિત ગુજરાત સેનચ્યુરીમાં ખસેડવા બોમ્બે HC ની મંજૂરી

1. કોલ્હાપુરમાં રાખવામાં આવેલ હાથી મહાદેવીને ગુજરાત સેનચ્યુરીમાં ખસેડવા મંજૂરી (Bombay HC)
2. બોમ્બે હાઈકોર્ટે જામનગર ખાતે અનંત અંબાણીના 'રાધે કૃષ્ણ એલિફન્ટ વેલફેર ટ્રસ્ટ' માં ખસેડવા મંજૂરી આપી
3. અમે ઇજાગ્રસ્ત મહાદેવીનાં ગુણવત્તાયુક્ત જીવનનાં હક્કને મહત્ત્વ આપ્યું : બોમ્બે હાઈકોર્ટ

બોમ્બે હાઈકોર્ટે (Bombay High Court) કોલ્હાપુરમાં રાખવામાં આવેલી હાથી મહાદેવીને ગુજરાતનાં જામનગર ખાતે રાધે કૃષ્ણ એલિફન્ટ વેલફેર ટ્રસ્ટમાં (Radhe Krishna Elephant Welfare Trust) ખસેડવાની મંજૂરી આપી છે. આ ટ્રસ્ટ અનંત અંબાણીની (Anant Ambani) વનતારા (Vantara) પહેલ દ્વારા સહાયક છે અને હાથીઓની ખાસ કાળજી માટે ઓળખાય છે.

મહાદેવી માટે વનતારા સૌથી યોગ્ય સ્થળ છે : બોમ્બે HC

કોર્ટમાં રજૂ થયેલા અહેવાલોમાં જણાયું હતું કે, મહાદેવી ગંભીર ઇજાઓથી પીડાય રહી છે અને તેને સારા વાતાવરણની જરૂર છે, જ્યાં તેનું સારું સારવાર થઈ શકે. જામનગરનું (Jamnagar) આ કેન્દ્ર ખાસ કરીને હાથીઓની લાંબાગાળાની સંભાળ માટે બનાવવામાં આવ્યું છે અને મહાદેવી (Mahadevi) માટે આ સૌથી યોગ્ય સ્થળ છે, એમ એવું કોર્ટે નક્કી કર્યું।

આ પણ વાંચો - BOLLYWOOD ફિલ્મોની ઘટતી કમાણી માટે 'ટિકિટ' જવાબદાર, પંકજ ત્રિપાઠીની પ્રતિક્રિયા

અમે હાથીનાં ગુણવત્તાયુક્ત જીવનનાં હક્કને મહત્ત્વ આપ્યું : કોર્ટ

કોર્ટએ પોતાનાં ચુકાદામાં જણાવ્યું કે, “અમે હાથીનાં જીવન અને તેના ગુણવત્તાયુક્ત જીવનનાં હક્કને માણસોનાં તેને ઉપયોગ કરવાનાં હક્ક કરતા મહત્ત્વ આપ્યું છે.” કોર્ટે ‘પેરન્સ પેટ્રીએ’ સિદ્ધાંતનો ઉલ્લેખ કરીને મહાદેવી જેવા મૌન અને સહાયવિહોણા પ્રાણીઓનાં હક્કોની રક્ષા કરવા પર ભાર મૂક્યો. આ નિર્ણય એ દિશામાં એક સહાનુભૂતિપૂર્ણ પગલું છે કે જ્યાં પ્રાણીઓની લાગણીઓ અને તેમની શારીરિક જરૂરિયાતોનું માન્યતા મળે છે. આશા છે કે મહાદેવીને હવે શાંતિભર્યું વાતાવરણ અને યોગ્ય સારવાર મળે અને તે ફરી સુખદ જીવન જીવી શકે।

આ પણ વાંચો - Dahod : લીમખેડાની મોર્ડન સ્કૂલમાં વિદ્યાર્થીઓની હાજરીમાં ઝેરી સાપનું રેસ્કયૂ કરાતા હોબાળો મચ્યો