Indian Coast Guard: નવું યુદ્ધજહાજ 'ICGS અચલ' વાડીનાર બંદરે તૈનાત: ગુજરાત દરિયાકાંઠાની સુરક્ષા અભેદ્ય બનશે

ગોવામાં કમિશન્ડ થયેલું 51 મીટર લાંબુ જહાજ આધુનિક ટેક્નોલોજીથી સજ્જ

'ICGS અચલ' યુદ્ધજહાજને તાજેતરમાં જ 09 મે, 2026 ના રોજ ગોવા (Goa) ખાતે ભારતીય સંરક્ષણ દળમાં સત્તાવાર રીતે કમિશન્ડ કરવામાં આવ્યું હતું. આ આધુનિક જહાજ 51 મીટરલાંબુ છે. દરિયાની મધ્યમાં ઝડપી અને લાંબા સમય સુધી મિશન આધારિત ઓપરેશન કરવા માટે આ જહાજ સક્ષમ છે. આ એફપીવીને અદ્યતન નેવિગેશન (Navigation), કોમ્યુનિકેશન (Communication) અને સર્વેલન્સ સિસ્ટમ (Surveillance Systems) થી સજ્જ કરવામાં આવ્યું છે, જે સમુદ્રમાં ઘૂસણખોરી અને શંકાસ્પદ ગતિવિધિઓ પર બાજ નજર રાખશે.

ગુજરાત અને ઉત્તર-પશ્ચિમ દરિયાઈ ક્ષેત્રની સુરક્ષા વ્યવસ્થા થશે મજબૂત

વ્યૂહાત્મક દ્રષ્ટિએ અત્યંત સંવેદનશીલ એવા ઉત્તર-પશ્ચિમ સરહદી વિસ્તાર અને ખાસ કરીને ગુજરાત (Gujarat) ના દરિયાકાંઠાની સુરક્ષા માટે ભારત સરકાર (Government of India) દ્વારા આ વિશેષ તૈનાતી કરવામાં આવી છે. 'ICGS અચલ' ના આગમનથી દરિયાઈ સરહદોનું રક્ષણ, ભારતીય માછીમારો (Fishermen) ની સુરક્ષા અને રાષ્ટ્રીય હિતોનું જતન વધુ મજબૂતાઈથી થઈ શકશે.

આ જહાજ સમુદ્રમાં ઉદ્ભવતી કોઈપણ ઈમરજન્સી કે આપત્તિના સમયે ક્વિક રિસ્પોન્સ (Rapid Response) આપવામાં મહત્વની ભૂમિકા ભજવશે. કોસ્ટ ગાર્ડના મતે, આ નવું બળ ઉમેરાવાથી પશ્ચિમ દરિયાઈ ક્ષેત્રમાં જાગ્રત અને સુરક્ષિત વાતાવરણ જાળવી રાખવાની ભારતની પ્રતિબદ્ધતા વધુ દ્રઢ બની છે.

આ પણ વાંચો: World Yoga Day 2026: દરિયાઈ સીમાએ યોગનો ઉત્સાહ, ગુજરાતના દરિયાકાંઠે ભારતીય કોસ્ટ ગાર્ડની ભવ્ય ઉજવણી