ગુજરાતની દરિયાઈ સરહદ હવે વધુ સુરક્ષિત: 'Apoorva' પહોંચ્યું ઓખા, જાણો જહાજની ખાસિયતો
Indian Coast Guard: ભારતીય કોસ્ટ ગાર્ડનું ફાસ્ટ પેટ્રોલ વેસલ 'આઈસીજીએસ અપૂર્વા' 27 માર્ચ 2026ના રોજ ઓખા ખાતે તૈનાત કરવામાં આવ્યું છે. અત્યાધુનિક ટેકનોલોજી ધરાવતું આ જહાજ આંતરરાષ્ટ્રીય દરિયાઈ સીમા નજીક સુરક્ષા વધારશે. તેનાથી ગુજરાત અને કેન્દ્રશાસિત પ્રદેશોના દરિયાકાંઠાની દેખરેખ મજબૂત થશે અને માછીમારો તેમજ રાષ્ટ્રીય હિતોનું રક્ષણ વધુ સચોટ બનશે.
Advertisement
- ભારતીય કોસ્ટ ગાર્ડનું 'ICGS Apoorva' ઓખા ખાતે તૈનાત
- આ જહાજ આંતરરાષ્ટ્રીય દરિયાઈ સીમા નજીક સુરક્ષા વધારશે
- ગુજરાત અને કેન્દ્રશાસિત પ્રદેશોના દરિયાકાંઠાની દેખરેખ મજબૂત થશે
- સુરક્ષા અને રાષ્ટ્રીય હિતોના રક્ષણ માટે પણ મહત્વની ભૂમિકા ભજવશે
- શંકાસ્પદ પ્રવૃત્તિઓ પર સતત નજર રાખી શકશે
ICGS Apoorva: ભારતીય કોસ્ટ ગાર્ડ (Indian Coast Guard - ICG) નું અત્યાધુનિક ફાસ્ટ પેટ્રોલ વેસલ (Fast Patrol Vessel), આઈસીજીએસ અપૂર્વા (ICGS Apoorva), 27 માર્ચ 2026 ના રોજ ઓખા (Okha) બંદરે આવી પહોંચ્યું હતું. આ પ્રસંગે એક ભવ્ય સ્વાગત સમારોહનું આયોજન કરવામાં આવ્યું હતું. આ કાર્યક્રમમાં ભારતીય નૌકાદળ (Indian Navy), બીએસએફ (BSF), કસ્ટમ્સ (Customs), મત્સ્યોદ્યોગ વિભાગ (Fisheries) અને રાજ્ય વહીવટીતંત્ર (State Administration) ના ઉચ્ચ અધિકારીઓ ઉપસ્થિત રહ્યા હતા. આ જહાજનું આગમન દરિયાઈ સરહદોની રક્ષા માટે એક મહત્વનું પગલું માનવામાં આવે છે.
