Jamganar: ભેળસેળિયા દૂધનો કારોબાર પકડાતાં ખળભળાટ, 7150 લીટર શંકાસ્પદ દૂધ જપ્ત

6  ધંધાર્થીઓ સામે કાર્યવાહી

પોલીસની કાર્યવાહીમાં મેરૂભાઇ વીરાભાઇ બાવનભાઇ ભારાઇ, અરજણભાઇ હુણ, બધાભાઇ ચાવડા, મેરૂભાઈ બધાભાઇ, રાણાભાઇ ભારાઇ અને બોધાભાઇ નાથાભાઇ વંશને ઝડપી લેવામાં આવ્યા હોવાનું સામે આવ્યું છે. તમામ શખ્સો શંકાસ્પદ રીતે દૂધના વ્યવસાય સાથે સંકળાયેલા હોવાનું પોલીસ તપાસમાં સામે આવ્યું છે.

 7150 લીટર શંકાસ્પદ દૂધનો જથ્થો

દરોડા દરમિયાન પોલીસ ટીમે કુલ 7150 લીટર શંકાસ્પદ દૂધનો જથ્થો ઝડપી પાડ્યો હતો. આ ઉપરાંત સ્થળ પરથી 120 કિલો વનસ્પતિ ઘી અને 15 કિલો દૂધ પાવડર પણ મળી આવ્યું હતું. મોટી માત્રામાં શંકાસ્પદ સામગ્રી મળી આવતા દૂધમાં ભેળસેળ થતી હોવાની આશંકા વધુ ઘેરી બની છે.

હરિપર ગામે ભેળસેળિયા દૂધના કારોબારનો પર્દાફાશ
રાજકોટ રેન્જ ટીમે છ શખ્સોના ઠેકાણે દરોડા પાડ્યા
છ શંકાસ્પદ દૂધ ધંધાર્થીઓને ઝડપી લેવાયા
7150 લીટર શંકાસ્પદ દૂધનો જથ્થો ઝડપાયો
120 કિલો વનસ્પતિ ઘી પણ ઝડપાયું
15 કિલો દૂધ પાવડરનો જથ્થો મળ્યો
ફૂડ સેફ્ટી અધિકારીને દરોડાની જાણ કરાઈ
ફૂડ… pic.twitter.com/XVC55nQDWO

— Gujarat First (@GujaratFirst) August 23, 2026

ફૂડ સેફ્ટી ટીમે સેમ્પલ લીધા

પોલીસ કાર્યવાહી દરમિયાન ફૂડ સેફ્ટી અધિકારીને પણ સમગ્ર મામલાની જાણ કરવામાં આવી હતી. જાણ થતાં ફૂડ સેફ્ટી ટીમ હરિપર ગામે પહોંચી હતી અને શંકાસ્પદ દૂધ તથા અન્ય સામગ્રીના સેમ્પલ લેવામાં આવ્યા હતા. હવે સેમ્પલની તપાસના આધારે દૂધની ગુણવત્તા અને તેમાં કોઈ ભેળસેળ કરવામાં આવી છે કે નહીં તે અંગે વધુ સ્પષ્ટતા થશે.

તપાસ બાદ વધુ કાર્યવાહી શક્ય

પોલીસની પ્રાથમિક કાર્યવાહી બાદ હવે ફૂડ વિભાગ દ્વારા પણ તપાસ હાથ ધરવામાં આવી છે. દૂધના સેમ્પલના રિપોર્ટ બાદ જો તેમાં હાનિકારક અથવા નિયમ વિરુદ્ધ ભેળસેળ હોવાનું સાબિત થશે તો સંબંધિત લોકો સામે ફૂડ સેફ્ટી કાયદા હેઠળ વધુ કાર્યવાહી થઈ શકે છે.

 આ પણ વાંચોઃ Patan: ડ્રોનથી દેશી દારૂની ભઠ્ઠીનો પર્દાફાશ, 1.56 લાખથી વધુના મુદ્દામાલ સાથે બૂટલેગરને પકડ્યો

આ પણ વાંચોઃ Jamnagar માં પતિની ક્રૂરતા, પત્ની પર તલવારથી હુમલો કર્યો, જાણો હચમચાવી નાખતી ઘટના