• જામનગરના આકાશમાં જોવા મળી 'Vantara' પ્રોજેક્ટની ઝલક
• અનંત અંબાણીના જન્મદિવસે રિલાયન્સ ટાઉનશિપમાં ભવ્ય ડ્રોન શો 
• આકાશમાં ચમકતા હજારો ડ્રોન દ્વારા સર્જાયો અદ્ભુત નજારો
• જયશ્રી રામ અને ગણેશના અદ્ભુત ડ્રોન અવકાશમાં રચાયા
• અંબાણી ફેમિલીના સભ્યોના ચહેરાઓ આકાશમાં કંડારવામાં આવ્યા

Vantara Jamnagar: જામનગર (Jamnagar) ખાતે રિલાયન્સ ટાઉનશીપમાં અનંત અંબાણીના જન્મદિનની અદભૂત ઉજવણી કરવામાં આવી હતી. આ અવસરે આકાશમાં હજારો ડ્રોન દ્વારા એક એવો નજારો રજૂ કરવામાં આવ્યો હતો, જેણે જોનારાઓને મંત્રમુગ્ધ કરી દીધા હતા. આ શો માત્ર એક ઉજવણી નહોતી, પરંતુ ટેકનોલોજી અને લાગણીઓનું અનોખું સંગમ હતું.

આકાશમાં દેખાયા ધીરુભાઈ અંબાણી!

રાત્રિના અંધકારમાં જ્યારે હજારો ડ્રોન એકસાથે આકાશમાં ઉડ્યા, ત્યારે સમગ્ર આકાશ ઝગમગી ઉઠ્યું હતું. ડ્રોન દ્વારા આકાશમાં રિલાયન્સ ગ્રુપના સ્થાપક ધીરુભાઈ અંબાણી (Dhirubhai Ambani) ની વિશાળ આકૃતિ બનાવવામાં આવી હતી, જે પરિવાર માટે એક ભાવનાત્મક ક્ષણ હતી. આ ઉપરાંત, અંબાણી ફેમિલી (Ambani Family) ના સભ્યોના ચહેરાઓ પણ ડ્રોન દ્વારા આબેહૂબ રીતે આકાશમાં કંડારવામાં આવ્યા હતા.

Anant Ambani 31st birthday celebration Jamnagar

Jamnagar | Anant Ambani ના જન્મદિવસે ભવ્ય ડ્રોન શો યોજાયો | Gujarat First

જામનગરમાં અનંત અંબાણીના જન્મદિવસે ભવ્ય ડ્રોન શો યોજાયો
આકાશમાં હજારો ડ્રોન દ્વારા અદભૂત નજારો સર્જવામાં આવ્યો
ધીરુભાઈ અને અનંત-રાધિકાના ચિત્રો આકાશમાં… pic.twitter.com/2PzXMTDL6d

— Gujarat First (@GujaratFirst) April 10, 2026

આ પણ વાંચો: અનંત અંબાણીના જન્મદિવસે Ambaji માં ભેટનો વરસાદ: રિલાયન્સ આપશે કરોડોનું દાન!

Vantara ના હાથીઓ આકાશમાં ચાલ્યા!

અનંત અંબાણીના પ્રાણીઓ પ્રત્યેના અખૂટ પ્રેમને દર્શાવવા માટે ખાસ કરીને હાથી (Elephant) અને કૂતરા (Dog) ની આકૃતિઓ તૈયાર કરવામાં આવી હતી. જામનગરના પ્રખ્યાત 'વનતારા' પ્રોજેક્ટની ઝલક આ ડ્રોન શોમાં સ્પષ્ટપણે જોવા મળી હતી. આકાશમાં જ્યારે વિશાળ કદનો હાથી ડ્રોન દ્વારા ચાલતો દેખાયો ત્યારે ઉપસ્થિત સૌ કોઈ આશ્ચર્યચકિત થઈ ગયા હતા.

હજારો ડ્રોન, એક અવાજ - જયશ્રી રામ!

શોના અંતિમ ભાગમાં ધાર્મિક શ્રદ્ધાના દર્શન થયા હતા. આકાશમાં ડ્રોન દ્વારા ભગવાન ગણેશ (Lord Ganesha) અને જયશ્રી રામ (Jai Shree Ram) લખેલી આકૃતિઓ રચાઈ હતી. આ આધ્યાત્મિક પ્રસ્તુતિએ વાતાવરણને ભક્તિમય બનાવી દીધું હતું. સાથે જ, નવદંપતી અનંત અને રાધિકા (Anant and Radhika) ની સુંદર જોડી પણ આકાશમાં તેજસ્વી તારાઓની જેમ ચમકી રહી હતી. આ કાર્યક્રમ જામનગરના ઈતિહાસમાં સૌથી મોટા અને યાદગાર ડ્રોન શો પૈકીનો એક બની ગયો છે. હજારો લોકોએ આ આકાશી નજારાને પોતાના કેમેરામાં કેદ કર્યો હતો.

આ પણ વાંચો: Anant Ambani Birthday: જામનગર બન્યું બોલિવૂડ હબ! જુઓ કોણ આવ્યું