આ બોગસ બિલિંગ કૌભાંડ (Bogus Billing Scam) માં સંડોવાયેલા પિતા-પુત્રની જોડીની સત્તાવાર ધરપકડ કરવામાં આવતા સમગ્ર પંથકના વેપારી આલમમાં ભારે ખળભળાટ મચી ગયો છે.
માંડવરા ટ્રેડિંગ કંપની પર ત્રાટકી SGST ની ટીમ, પિતા-પુત્ર જેલભેગા
મળતી માહિતી અનુસાર, દરેડ જીઆઈડીસી (GIDC) વિસ્તારમાં આવેલી 'માંડવરા ટ્રેડિંગ કંપની' (Mandavara Trading Company) નામની પેઢી શંકાના દાયરામાં આવી હતી. SGST વિભાગના ઉચ્ચ અધિકારીઓના માર્ગદર્શન હેઠળ આ પેઢી પર મોટું સર્ચ ઓપરેશન હાથ ધરવામાં આવ્યું હતું.
તપાસ દરમિયાન પેઢી દ્વારા મોટા પાયે આચરવામાં આવતી ગેરરીતિઓ પ્રકાશમાં આવી હતી, જેના આધારે કૌભાંડી પિતા-પુત્ર આયુષ શાહ (Ayush Shah) અને તેમના પિતા સુરેશચંદ્ર શાહ (Sureshchandra Shah) ની ધરપકડ કરવામાં આવી છે. આરોપીઓએ બોગસ પેઢીઓ અને ખોટા દસ્તાવેજો ઊભા કરીને આ આખું નેટવર્ક ચલાવ્યું હોવાનું બહાર આવ્યું છે.
પ્રાથમિક તપાસમાં ₹ 23.08 કરોડની છેતરપિંડી ખુલી
જીએસટી વિભાગના સત્તાવાર સૂત્રોના જણાવ્યા મુજબ, પકડાયેલા આરોપીઓએ કાયદાકીય છટકબારીઓનો દુરુપયોગ કરીને ખોટી વેરાશાખ એટલે કે ઇનપુટ ટેક્સ ક્રેડિટ મેળવી ગુનો આચર્યો હોવાનો આક્ષેપ છે. પ્રાથમિક તપાસમાં જ અંદાજે 23.08 કરોડ રૂપિયાની જંગી છેતરપિંડી અને ટેક્સ ચોરી સામે આવી ચૂકી છે.
આ કૌભાંડી જોડીએ માત્ર કાગળ પર વ્યવહારો બતાવીને સરકારી તિજોરી (Government Treasury) ને કરોડો રૂપિયાનું મોટું નુકસાન પહોંચાડ્યું છે. હાલ જીએસટી વિભાગ દ્વારા આ પેઢીના તમામ બેંક ખાતાઓ અને હિસાબી ચોપડાઓ જપ્ત કરીને આ કૌભાંડના મૂળ સુધી પહોંચવા માટે આગળની ઘનિષ્ઠ તપાસ (Investigation) શરૂ કરવામાં આવી છે.
આ પણ વાંચો: Gujarat Governmet નો માસ્ટરસ્ટ્રોક: નમો લક્ષ્મી યોજનાથી દીકરીઓની સ્કૂલ હાજરીમાં 73% નો રેકોર્ડબ્રેક વધારો
