Jamnagar: મનપાની ચૂંટણીમાં ગુજસીટોકનો સકંજો, કોંગ્રેસ ઉમેદવાર અલ્તાફ ખફી ગેંગની ધરપકડ
- Jamnagar મનપા ચૂંટણીમાં ખળભળાટ, અલ્તાફ ખફીની ધરપકડ!
- વોર્ડ નંબર 12 ના કોંગ્રેસ ઉમેદવાર અલ્તાફ ખફી અને ગેંગ ઝડપાઈ
- ગુજસીટોક હેઠળ ગંભીર ગુનો દાખલ, 23 એપ્રિલ સુધીના રિમાન્ડ મંજૂર
- ફરાર આરોપી ગની બશર સહિત 12 સાગરીતો પોલીસના સકંજામાં
- જેલમાં રહીને ચૂંટણી લડતા અસલમ અને અલ્તાફ ગેંગ વચ્ચે વર્ચસ્વની જંગ
- 'આપ' અને કોંગ્રેસના ઉમેદવારો વચ્ચેના ગુનાહિત ઇતિહાસથી રાજકારણ ગરમાયું
Jamnagar : ગુજરાતમાં જામનગર મહાનગરપાલિકાની ચૂંટણી (Jamnagar Municipal Election) પૂર્વે જ અણધાર્યો વળાંક આવ્યો છે. શહેરના વોર્ડ નંબર 12 માં રાજકીય પ્રતિષ્ઠાની સાથે સાથે વર્ચસ્વની લડાઈએ હવે જેલના દરવાજા સુધી પહોંચાડી દીધા છે. કોંગ્રેસના ઉમેદવાર (Congress Candidate) અલ્તાફ ખફી અને તેની ગેંગના એક ડઝન જેટલા શખ્સોની ધરપકડ કરવામાં આવતા સમગ્ર રાજ્યમાં ચર્ચા જાગી છે.
Jamnagar : ગુજસીટોકનો ગુનો પણ નોંધવામાં આવ્યો
આ કાર્યવાહી માત્ર ધરપકડ પૂરતી સીમિત નથી, પરંતુ પોલીસ દ્વારા ગંભીર ગુના હેઠળ ગુજસીટોક (GUJCTOC) નો ગુનો પણ નોંધવામાં આવ્યો છે. અલ્તાફ ખફીની ધરપકડ સાથે જ અસલમ ખીલજી ગેંગના લાંબા સમયથી ફરાર આરોપી ગની બશરને પણ પોલીસે દબોચી લીધો છે. કોર્ટે અલ્તાફ ખફીના આગામી 23 એપ્રિલ સુધીના રિમાન્ડ મંજૂર કર્યા છે, જેના કારણે અનેક નવા ખુલાસા થવાની શક્યતા છે.
જામનગર મહાનગરપાલિકાની ચૂંટણીમાં રાજકીય ગરમાવો
વોર્ડ નંબર 12ના કોંગ્રેસ ઉમેદવાર અલ્તાફ ખફીની ધરપકડ
અલ્તાફ ખફી અને તેની ગેંગના એક ડઝન શખ્સો ઝડપાયા
અસલમ ખીલજી ગેંગના ફરાર આરોપી ગની બશરની પણ ધરપકડ
બંને ગેંગ વિરુદ્ધ ગુજસીટોક હેઠળ નોંધાયો છે ગંભીર ગુનો
જેલમાં રહેલા પૂર્વ વિપક્ષી નેતા… pic.twitter.com/PIfAbM76qT— Gujarat First (@GujaratFirst) April 18, 2026
વોર્ડ નંબર 12 ક્રાઈમ અને પોલિટિક્સનું કેન્દ્ર
જામનગરનો વોર્ડ નંબર 12 હવે "ક્રાઈમ અને પોલિટિક્સ" (Crime and Politics) નું કેન્દ્ર બની ગયો હોય તેમ લાગે છે. રસપ્રદ વાત એ છે કે, જેલના સળિયા પાછળ હોવા છતાં બંને ગેંગના લીડરો આ ચૂંટણી લડી રહ્યા છે. એક તરફ 'આપ' (AAP Candidate) ના ઉમેદવાર તરીકે અસલમ ખીલજી મેદાને છે, તો બીજી તરફ અલ્તાફ ખફીના સાગરિતની પત્ની પણ કોંગ્રેસની ટિકિટ પર ચૂંટણી લડી રહી છે. જામનગર પોલીસના આ કડક વલણથી ચૂંટણી પ્રચારમાં ફફડાટ વ્યાપી ગયો છે.
આ પણ વાંચો: Vadodara ના 210 કરોડના ફ્રોડની ઈનસાઈડ સ્ટોરી, સાયબર સેલે કેવી રીતે બિછાવી હતી શતરંજ?