Jamnagar News: જામનગર ખાતે ખેડૂત સત્યાગ્રહ દરમિયાન ખેડૂત આગેવાન નીરા મહારાજની તબિયત અચાનક લથડતા તેમને તાત્કાલિક સારવાર માટે જી.જી. હોસ્પિટલ (GG Hospital) ખસેડવામાં આવ્યા છે.
Jamnagar માં સત્યાગ્રહ દરમિયાન નીરા મહારાજની તબિયત લથડી
પ્રાપ્ત વિગતો અનુસાર, ગઈકાલે જોડિયા હોસ્પિટલમાં દાખલ કરવામાં આવેલા નીરા મહારાજની તબિયતમાં સુધારો થવાને બદલે સ્થિતિ વધુ નાજુક બનતા આજે બપોરે તેમને 108 એમ્બ્યુલન્સ મારફતે જોડિયાથી જામનગરની જી.જી. હોસ્પિટલ ખાતે રિફર કરવામાં આવ્યા હતા.
ઉચ્ચ અધિકારીઓ હોસ્પિટલ પહોંચ્યા
બ્લડ પ્રેશર (BP) અચાનક વધી જવાના કારણે તેમને હોસ્પિટલના ઈમરજન્સી વોર્ડ નંબર 101 માં દાખલ કરવામાં આવ્યા છે અને તબીબોની વિશેષ ટીમ દ્વારા તેમની સઘન સારવાર શરૂ કરવામાં આવી છે. આ ઘટનાની જાણ થતા જ એસડીએમ (SDM) અને જોડિયા મામલતદાર સહિતના ઉચ્ચ અધિકારીઓ તાત્કાલિક જી.જી. હોસ્પિટલ દોડી આવ્યા હતા.
સમર્થકોમાં ચિંતાનું મોજું
ખેડૂત સત્યાગ્રહ દરમિયાન અગ્રણીની તબિયત લથડવાના આ સમાચાર મળતા જ તેમના સમર્થકો અને ખેડૂતોમાં ભારે ચિંતાનું મોજું ફરી વળ્યું છે. હાલ તબીબો દ્વારા તેમની સ્થિર સારવાર ચાલી રહી હોવાનું જાણવા મળ્યું છે.
આ પણ વાંચો: Amit Shah Gujarat Visit: કેન્દ્રીય ગૃહમંત્રી અમિતભાઈ શાહ આવશે ગુજરાતના પ્રવાસે, અમરેલી અને ગાંધીનગરમાં મહત્વના કાર્યક્રમો
