Jamnagar માં IG નિર્લિપ્ત રાયની એન્ટ્રી સાથે જ એક્શન, મોડી રાત્રે ગેરકાયદે બાંધકામો પર ફરી વળ્યું બુલડોઝર

જામનગર (Jamnagar) માં IG નિર્લિપ્ત રાયની એન્ટ્રી સાથે જ એક્શન

આઈજી નિર્લિપ્ત રાયની સીધી દેખરેખ (Supervision) હેઠળ મોડી રાત્રે જામનગર પોલીસ દ્વારા મોટું ઓપરેશન (Operation) હાથ ધરવામાં આવ્યું હતું. શહેરના ધુવાવ નાકા (Dhuvav Naka) નજીક આવેલા ખાટકીવાડ વિસ્તારમાં માથાભારે તત્વો દ્વારા ઉભા કરવામાં આવેલા 72 જેટલા ગેરકાયદે રૂમો (Illegal Rooms) પર તંત્રનું બુલડોઝર (Bulldozer) ફરી વળ્યું છે. નિર્લિપ્ત રાયે પોતે આ સ્થળોની ચકાસણી કર્યા બાદ તુરંત જ તોડી પાડવાની સૂચના આપી હતી.

માથાભારે શખ્સો ફફડ્યા

પોલીસના આ આક્રમક વલણને પગલે જામનગરના ગુનાહિત માનસ ધરાવતા શખ્સોમાં ફફડાટ વ્યાપી ગયો છે. મોડી રાત્રે શરૂ થયેલી આ મોટી કાર્યવાહીમાં વિશાળ ઈમારતો પર પોલીસનું બુલડોઝર ગરજ્યું હતું, જે દર્શાવે છે કે આવનારા દિવસોમાં જામનગરમાં કાયદો અને વ્યવસ્થા (Law and Order) વધુ કડક બનશે.

આ પણ વાંચો:  Ahmedabad માં આગની મોટી દુર્ઘટના, ફાયર બ્રિગેડની 10થી વધુ ગાડીઓ ઘટના સ્થળે