Jamnagar News: હદ થઈ ગઈ! સ્મશાનની વસ્તુઓ પણ સુરક્ષિત નથી, તસ્કરો અંતિમ સંસ્કારની ખાટલી ઉઠાવી ગયા

Jamnagar માં સ્મશાનની ખાટલી ચોરાઈ ગઈ

તારીખ 04/07/2026 ના રોજ બપોરે અંદાજે 2:45 વાગ્યા સુધીના સમયગાળા દરમિયાન આ ઘટના બની હતી. સ્મશાનમાં કોઈની અવરજવર ન હોવાનો લાભ ઉઠાવી અજાણ્યા તસ્કરોએ ત્યાં રાખેલી 45,000 રૂપિયાની કિંમતની એક ટન વજન ધરાવતી લોખંડની ખાટલીની ચોરી કરી હતી. સ્મશાન જેવી શાંત અને પવિત્ર જગ્યાએ થયેલી આ ચોરીએ લોકોની આસ્થાને ઠેસ પહોંચાડી છે.

પોલીસ કાર્યવાહી

આ મામલે જોગવડ ગામના રહેવાસી હેમતસિંહ દેવુભા કેર (ઉંમર ૪૧) એ મેઘપર (પડાણા) પોલીસ સ્ટેશનમાં અજાણ્યા તસ્કરો વિરુદ્ધ ફરિયાદ નોંધાવી છે. પોલીસે ભારતીય ન્યાય સંહિતા (BNS) 2023 ની કલમ303 (2) હેઠળ ગુનો દાખલ કરીને તપાસ શરૂ કરી છે. પોલીસ હેડ કોન્સ્ટેબલ આર. એન. થાનકી દ્વારા આ મામલે સઘન તપાસ કરવામાં આવી રહી છે.

ગ્રામજનોએ જણાવ્યું હતું કે, ચોરી તો ક્યાંક પણ થઈ શકે છે, પરંતુ સ્મશાનની વસ્તુ ચોરવી તે નૈતિકતાનું અધઃપતન દર્શાવે છે. આ ગુનેગારોને વહેલી તકે શોધીને કડક કાર્યવાહી કરવામાં આવે તેવી માંગ ઉઠી છે.

આ પણ વાંચો: LIVE: Gujarat Latest News : ગીર સોમનાથના ઉનામાં છેલ્લા 24 કલાકમાં 8 ઈંચથી વધુ વરસાદ ખાબકયો