Jamnagar Drugs Seized: જામનગરના લાલપુરમાં મેઘપર પોલીસનું મોટું ઓપરેશન, લાખોના હેરોઈન સાથે ત્રણ ઝડપાયા, ખુલ્યું પંજાબ કનેક્શન

jamnagar ના લાલપુરમાં મેઘપર પોલીસનું મોટું ઓપરેશન

પ્રાપ્ત વિગતો અનુસાર, મેઘપર પોલીસ ચોક્કસ બાતમીના આધારે લાલપુર તાલુકાના જોગવડ ગામની સીમમાં આવેલા રામદુતનગર વિસ્તારમાં પહોંચી હતી. અહીં એક રહેણાંક ઓરડીમાં દરોડો પાડવામાં આવતા પોલીસ પણ ચોંકી ઉઠી હતી. ઓરડીની ઝડતી લેતા તેમાંથી પ્રતિબંધિત માદક પદાર્થ હેરોઈન (ચરસ/ડ્રગ્સ) મળી આવ્યો હતો. પોલીસે ઘટનાસ્થળેથી કુલ 23.85 ગ્રામ હેરોઈન જપ્ત કર્યું છે, જેની આંતરરાષ્ટ્રીય બજારમાં કિંમત અંદાજે રૂપિયા 4.77લાખ આંકવામાં આવી છે.

Advertisement

કુલ રૂ. 4.94 લાખનો મુદ્દામાલ જપ્ત અને ત્રણની ધરપકડ

પોલીસે ડ્રગ્સ ઉપરાંત અન્ય સામગ્રી સહિત કુલ રૂપિયા4,94,000/- નો મુદ્દામાલ કબજે કર્યો છે. આ ગેરકાયદેસર પ્રવૃત્તિમાં સંડોવાયેલા ત્રણ આરોપીઓ—જશવંતસિંઘ, થોમસ મસીહ અને જગમીતસિંઘને પોલીસ દ્વારા સ્થળ પરથી જ ઝડપી લેવામાં આવ્યા છે.

પંજાબ કનેક્શન અને ફરાર મુખ્ય આરોપીની શોધખોળ

પ્રાથમિક તપાસ દરમિયાન આ ડ્રગ્સના નેટવર્કના તાર અન્ય રાજ્ય સાથે જોડાયેલા હોવાનું બહાર આવ્યું છે. આ રેકેટનો મુખ્ય ડ્રગ્સ સપ્લાયર જગરૂપસિંઘ હોવાનું ખુલ્યું છે, જે હાલ પોલીસ પકડથી દૂર ફરાર છે. આ ડ્રગ્સ પંજાબથી સપ્લાય થતું હોવાની આશંકાને પગલે પોલીસ દ્વારા પંજાબ કનેક્શનની દિશામાં સઘન તપાસ શરૂ કરવામાં આવી છે. મેઘપર પોલીસે પકડાયેલા આરોપીઓ વિરુદ્ધ NDPS એક્ટ હેઠળ કાયદેસરનો ગુનો નોંધીને મુખ્ય આરોપીને ઝડપી પાડવા માટે ચક્રો ગતિમાન કર્યા છે.

આ પણ વાંચો: Gir Somnath Police Attack: તાલાલાના મોરુકા ગામે પોલીસ પર હુમલો, મેડિકલ તપાસ દરમિયાન પોલીસકર્મીનું ગળું દબાવી હત્યાનો પ્રયાસ