Jamnagar: ઘાતક હથિયાર સાથે વિરેન્દ્રસિંહ જાડેજાની ધરપકડ, શું મધ્યપ્રદેશ કનેક્શન છે?

આરોપી પડધરીનો રહેવાસી

મળતી જાણકારી અનુસાર પકડાયેલા આરોપીનું નામ વિરેન્દ્રસિંહ કિશોરસિંહ જાડેજા છે, જે રાજકોટ જિલ્લાના પડધરીનો રહેવાસી છે. બાતમી મળતાની સાથે જ પોલીસે વોચ ગોઠવી હતી અને શંકાસ્પદ હાલતમાં વિરેન્દ્રસિંહને અટકાવી તેની અંગજડતી લેતા તેમાંથી ગેરકાયદેસર પિસ્ટલ (Illegal Pistol) અને જીવતા કાર્ટીશ (Live Cartridges) મળી આવ્યા હતા. પોલીસે હથિયાર સાથે એક મોબાઈલ ફોન પણ કબજે કર્યો છે.

હથિયાર મધ્ય પ્રદેશથી લવાયું

પ્રાથમિક પૂછપરછમાં આરોપીએ ચોંકાવનારો ખુલાસો કર્યો છે કે આ ઘાતક હથિયાર તેને મધ્ય પ્રદેશના હથિયાર સપ્લાયર અનિલ ભુરીયા (Weapon Supplier) દ્વારા આપવામાં આવ્યું હતું. આરોપી વિરેન્દ્રસિંહનો ગુનાહિત ઇતિહાસ તપાસતા જાણવા મળ્યું છે કે તેની સામે અગાઉ પણ હથિયાર રાખવા અને દારૂના વેચાણ (Liquor Prohibition) સંબંધિત અનેક ગંભીર ગુનાઓ નોંધાયેલા છે.

પોલીસે વધુ તપાસ હાથ ધરી

હાલ જામનગર એલસીબી પોલીસે આ આંતરરાજ્ય હથિયાર સપ્લાય નેટવર્કને તોડી પાડવા માટે તપાસનો ધમધમાટ તેજ કર્યો છે. જામનગરના શહેર ડીવાયએસપી (City DySP), જયવીરસિંહ ઝાલાએ આ સમગ્ર મામલે વધુ માહિતી આપતા જણાવ્યું હતું કે, સપ્લાયરની ધરપકડ કરવા માટે પોલીસની ટીમ તપાસ કરી રહી છે.

આ પણ વાંચોઃ Jamnagar: 42 ડિગ્રી ગરમીમાં 76 વર્ષના Sakaram Bapa ની અનોખી દંડવત દ્વારકા યાત્રા