Jamnagar: સાંસદ પૂનમબેન માડમના માતાનું નિધન, માતાને કાંધ આપતાં થયા ભાવુક

માતાને કાંધ આપી હતી

માતાના નિધન બાદ આજે નવાગામ (Navagam) ખાતેના તેમના નિવાસસ્થાનેથી અંતિમ યાત્રા નીકળી હતી. આ કરુણ પ્રસંગે સાંસદ પૂનમબેન માડમ સ્વયં ઉપસ્થિત રહ્યા હતા. તેમણે પોતાની માતાને કાંધ આપી હતી. આ દ્રશ્ય જોઈને ત્યાં ઉપસ્થિત સૌની આંખો ભીની થઈ ગઈ હતી.

અંતિમ યાત્રામાં મોટી સંખ્યામાં લોકો સામેલ થયા

અંતિમ યાત્રામાં મોટી સંખ્યામાં લોકો જોડાયા હતા. આ શોકાતુર ક્ષણોમાં પૂર્વ મંત્રી મુળુભાઈ બેરા (Former Minister Mulubhai Bera), રિલાયન્સ ઈન્ડસ્ટ્રીઝના ધનરાજ નથવાણી (Dhanraj Nathwani - Reliance), જામનગરના મેયર (Mayor) સહિતના વિવિધ મહાનુભાવો, રાજકીય પક્ષના આગેવાનો અને શહેરના નગરજનો ઉપસ્થિત રહ્યા હતા. સૌએ દિવંગત આત્માને ભાવભીની શ્રદ્ધાંજલિ અર્પણ કરી હતી અને શોકગ્રસ્ત પરિવારને સાંત્વના પાઠવી હતી.

આ દુઃખદ ઘટનાને પગલે જામનગરમાં અનેક સામાજિક કાર્યક્રમો અને રાજકીય બેઠકો મોકૂફ રાખવામાં આવી હોવાનું જાણવા મળે છે. પૂનમબેન માડમના પરિવાર પર આવી પડેલા આ આઘાત સમયે જામનગરના નાગરિકો પણ પરિવારની સાથે ખડેપગે રહ્યા છે.

આ પણ વાંચોઃ  Pavagadh: દર્શન કરીને પરત ફરતા દિવ્યાંગને પડી મુશ્કેલી, પાવાગઢ પોલીસે આ રીતે કરી મદદ