Jamnagar: ગેલેરીમાંથી રાષ્ટ્રધ્વજનો મોટો જથ્થો વેરવિખેર હાલત મળ્યો, જાળવણી મુદ્દે ઉઠ્યા સવાલો
Jamnagar: જામનગર મહાનગરપાલિકાના વોર્ડ નંબર 9ની સફાઈ કર્મચારીઓની ઓફિસની ગેલેરીમાંથી રાષ્ટ્રધ્વજનો મોટો જથ્થો મળી આવતા વિવાદ ઊભો થયો છે. ધ્વજોની જાળવણીમાં બેદરકારીના આક્ષેપો વચ્ચે જવાબદાર કર્મચારીઓ અને અધિકારીઓને સસ્પેન્ડ કરવાની માંગ ઉઠી છે. મનપા તંત્ર દ્વારા સમગ્ર મામલાની તપાસ શરૂ થવાની ચર્ચા છે.
Advertisement
Jamnagar: જામનગર મહાનગરપાલિકામાં રાષ્ટ્રધ્વજના સન્માન અને તેની યોગ્ય જાળવણીને લઈને નવો વિવાદ ઉભો થયો છે. વોર્ડ નંબર 9 સાથે સંબંધિત સફાઈ કર્મચારીઓની ઓફિસની ગેલેરીમાંથી રાષ્ટ્રધ્વજનો એક મોટો જથ્થો મળી આવતા સમગ્ર ઘટનાએ રાજકીય અને સામાજિક વર્તુળોમાં ચર્ચા જગાવી છે. રાષ્ટ્રધ્વજ જેવી રાષ્ટ્રીય અસ્મિતાના પ્રતિક સાથે બેદરકારી દાખવાઈ હોવાના આક્ષેપો વચ્ચે જવાબદાર અધિકારીઓ સામે કાર્યવાહી કરવાની માંગ ઉઠી રહી છે.