Jamnagar Police Success : માનવીય સંવેદના અને કર્તવ્યનિષ્ઠાનું ઉત્કૃષ્ટ ઉદાહરણ પૂરું પાડતા પેરોલ ફર્લો સ્ક્વોડ-જામનગર (Parole Furlough Squad-Jamnagar) ની ટીમે એક પ્રશંસનીય કામગીરી કરીને 14 વર્ષ પહેલાં ગુમ થયેલા એક બાળકને સફળતાપૂર્વક શોધી કાઢ્યો છે. વર્ષ 2012 (Year 2012) માં જામનગર ખાતેથી માત્ર 8 વર્ષની નાની ઉંમરે ગુમ થયેલો માસૂમ બાળક આજે 24 વર્ષનો યુવાન બનીને પોતાના પરિવારને પરત મળ્યો છે. જામનગર પોલીસની (Jamnagar Police) આ અદભુત શોધખોળને પગલે વર્ષોથી આશા છોડી ચૂકેલા પરિવારમાં દિવાળી જેવો માહોલ સર્જાયો છે.
14 વર્ષ પહેલાં ગુમ થયેલો 8 વર્ષનો માસૂમ અમદાવાદથી મળ્યો
પોલીસના સત્તાવાર સૂત્રો પાસેથી મળતી વિગતો અનુસાર, વર્ષ 2012માં પ્રદીપ કારાભાઈ વાઘ (Pradeep Karabhai Vagh) નામનો આઠ વર્ષનો બાળક પોતાના ઘરેથી કોઈને પણ કહ્યા વગર અચાનક નીકળી ગયો હતો. પરિવારે તે સમયે તમામ સંભવિત સ્થળોએ શોધખોળ કરી હતી પરંતુ તેની કોઈ ભાળ મળી ન હતી. સમય જતાં આ કેસની ફાઇલ બંધ જેવી થઈ ગઈ હતી, પરંતુ જામનગરની સ્પેશિયલ સ્ક્વોડ આ બાબતે સતત તપાસ ચલાવી રહી હતી. હ્યુમન ઇન્ટેલિજન્સ અને ટેકનિકલ સર્વેલન્સના આધારે પોલીસને ચોક્કસ કડી મળી હતી કે ગુમ થયેલો આ પ્રદીપ વાઘ અમદાવાદ (Ahmedabad) ખાતે વસવાટ કરે છે.
વર્ષ 2012માં ગુમ થયેલો પ્રદીપ કુરિયર કંપનીમાં કરતો હતો કામ
પોલીસની ટીમે તુરંત એક્શનમાં આવીને અમદાવાદમાં સર્ચ ઓપરેશન હાથ ધર્યું હતું. તપાસ દરમિયાન જાણવા મળ્યું કે પ્રદીપ અમદાવાદની એક ખાનગી કુરિયર કંપનીમાં (Courier Company) નોકરી કરતો હતો અને પોતાનું ગુજરાન ચલાવતો હતો. પોલીસે કુરિયર કંપનીમાંથી પ્રદીપની અટકાયત કરી તેની સઘન પૂછપરછ અને ઓળખ વિધિ પૂર્ણ કરી હતી. યોગ્ય પુરાવા મળ્યા બાદ પોલીસે જામનગરમાં રહેતા તેના પિતા કારાભાઈ ગોવિંદભાઈ વાઘ (Karabhai Govindbhai Vagh) નો સંપર્ક કર્યો હતો.
પિતા-પુત્રનું આખરે થયું ભાવુક મિલન
જામનગર પોલીસ સ્ટેશન ખાતે જ્યારે પિતા અને પુત્રનું ભાવુક મિલન (Emotional Reunion) કરાવવામાં આવ્યું, ત્યારે ત્યાં હાજર તમામ પોલીસ કર્મચારીઓની આંખો પણ ભીની થઈ ગઈ હતી. પિતા કારાભાઈએ 14 વર્ષ પછી પોતાના વ્હાલસોયા પુત્રને હેમખેમ જોતા જ ભેટી પડ્યા હતા અને ચોધાર આંસુએ રડી પડ્યા હતા. પરિવારે જામનગર પોલીસ અને પેરોલ ફર્લો સ્ક્વોડનો હૃદયપૂર્વક આભાર માન્યો હતો.
આ પણ વાંચો: Rakesh Mehta Murder Case ના ગુનેગારની શરમજનક કરતૂત: ખાડિયામાં રોડ જામ કરાવી મોન્ટુ નામદારે ફોડ્યા ફટાકડા
