Jamnagar Rain : જામજોધપુરમાં 7 ઇંચ વરસાદથી પૂરની સ્થિતિ, 2 બાળક તણાયાના CCTV આવ્યા સામે

Jamnagar Rain : જામજોધપુરમાં 7 ઈંચ વરસાદ ખાબક્યો

જામનગરમાં આ આકાશી આફતના કારણે શહેરની મુખ્ય બજારો અને રહેણાંક વિસ્તારોમાં પૂર જેવી ગંભીર સ્થિતિ સર્જાઈ છે. રસ્તાઓ પર એટલી ગતિથી પાણી વહી રહ્યું છે જાણે કોઈ નદી વહેતી હોય તેવા દ્રશ્યો ડ્રોન કેમેરા અને કેમેરામાં કેદ થયા છે.

ધસમસતા પાણીમાં 2 બાળક તણાયા !

ઉલ્લેખનીય છે કે આ ભયાનક પૂરની સ્થિતિ વચ્ચે જામજોધપુરમાં એક મોટી હોનારત ટળી હતી. રસ્તા પરથી પસાર થઈ રહેલા 2 માસૂમ બાળકો અચાનક પાણીના જોરદાર અને ધસમસતા પ્રવાહમાં તણાવવા લાગ્યા હતા. બાળકોને તણાતા જોઈ આસપાસના સ્થાનિક લોકો અને રાહદારીઓએ ત્વરિત બહાદુરી બતાવીને બંને બાળકોને પાણીમાંથી બહાર ખેંચી લીધા હતા અને તેમનો આબાદ બચાવ કર્યો હતો.

 

View this post on Instagram

 

A post shared by Gujarat First (@gujaratfirst)

આ સમગ્ર હૃદયકંપાવનારી ઘટના નજીકમાં લાગેલા એક સીસીટીવી (CCTV Camera) માં કેદ થઈ ગઈ છે, જેનો વીડિયો હાલ સોશિયલ મીડિયા પર વાયરલ થઈ રહ્યો છે. આ ઘટનાને પગલે વહીવટી તંત્રે વાલીઓને પણ અપીલ કરી છે કે આવી સ્થિતિમાં બાળકોને ઘરની બહાર ન જવા દેવા.

આ પણ વાંચો : Porbandar Rain : કુતિયાણામાં મેઘરાજાની તોફાની બેટિંગ, 6 ઈંચ વરસાદ વરસતા 15 વીજપોલ ધરાશાયી, જુઓ Video